قايىرىمدىلىق شىرشا مەرەكەسى
ەلورداداعى قازاقستان حالقى اسسامبلەياسى استانا قالاسىنىڭ قىلمىستىق-اتقارۋ جۇيەسى دەپارتامەنتىمەن جانە «يتاليانو» مەيرامحاناسى ۇجىمىمەن بىرلەسىپ «قايىرىمدىلىق ارقىلى بىرلىككە» اتتى جاڭا جىلدىق شىرشا مەرەكەسىن وتكىزدى.
مۇمكىندىگى شەكتەۋلى بالالارعا, كوپبالالى جانە تۇرمىسى تومەن وتباسىنىڭ بالالارىنا ارنالعان قايىرىمدىلىق شاراعا استانا قالاسىنىڭ ەسىل اۋدانىنداعى مۇگەدەكتەر قوعامى مەن قىزىل اي قوعامى استانا قالالىق فيليالىنىڭ وكىلدەرى دە قاتىسىپ, مەرەكە قارساڭىندا مۇگەدەك بالالارعا قولداۋ كورسەتتى.
قىرعىز مادەني ورتالىعىنىڭ توراعاسى, قازاقستان حالقى اسسامبلەياسىنىڭ مۇشەسى ش.يسمايلوۆتىڭ ايتۋىنشا, اتالمىش شارانى ۇيىمداستىرۋداعى باستى ماقسات – «بەيبىتشىلىك جانە كەلىسىم جول كارتاسى» جوباسىنىڭ اياسىندا ءمۇمكىندىگى شەكتەۋلى بالاقايلارعا قايىرىمدىلىق كورسەتۋ ارقىلى ەلىمىزدى مەكەندەگەن بارلىق ۇلتتار اراسىنداعى بىرلىكتى ساقتاۋ, قوعامدىق, ەتنيكا جانە مادەني كەلىسىمدى, ۇيىمدار اراسىنداعى بايلانىستى دامىتۋ.
شارا بارىسىندا استاناداعى مۇمكىندىگى شەكتەۋلى 30 بالاعا جاڭا جىلدىق قويىلىمدار كورسەتىلىپ, ءارتۇرلى سىيلىقتار تاپسىرىلدى. سونداي-اق, ولار تاتتىگە تولى داستارحاننان ءدام تاتتى.
مەرەكە سوڭىندا بالالار بەيبىتشىلىك جانە كەلىسىم سيمۆولى رەتىندە ەسكەرتكىش كىتاپقا ءوز قولتاڭبالارىن قالدىردى.
گۇلبارشىن وكەشقىزى