استانا قالاسى ءماسليحاتىنىڭ قىرىق ءبىرىنشى, كەزەكتەن تىس سەسسياcىنىڭ جۇمىسىنا قالا اكىمىنىڭ ورىنباسارى ە.ناعاسپاەۆ, قالا اكىمىنىڭ ورىنباسارلارى, اۋدان اكىمدەرى مەن ەلوردالىق مەكەمە باسشىلارى جانە بۇقارالىق اقپارات قۇرالدارىنىڭ وكىلدەرى قاتىستى.
كۇن تارتىبىندەگى العاشقى ماسەلە بويىنشا استانا قالاسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ج.نۇرپەيىسوۆ قالالىق ءماسليحاتتىڭ 2013 جىلعى 13 جەلتوقسانداعى «استانا قالاسىنىڭ 2014-2016 جىلدارعا ارنالعان بيۋدجەتى تۋرالى» شەشىمىنە وزگەرىستەر ەنگىزۋ تۋرالى باياندادى. بيۋدجەت كودەكسىنىڭ 106-بابىنا سايكەس قالالىق بيۋدجەت جەرگىلىكتى اتقارۋشى ورگاننىڭ باستاماسىمەن ناقتىلاناتىنىن ايتا كەلە, ول ەلوردا بيۋدجەتىن ناقتىلاۋ كەزىندە ونىڭ كىرىس بولىگىن 5 355 892 مىڭ تەڭگەگە ۇلعايتىپ, وسىعان دەيىن رەسپۋبليكالىق بيۋدجەتتەن بولىنگەن 91 434 مىڭ تەڭگە سوماسىندا ترانسفەرتتەردى بەكىتۋدى ۇسىندى. سونداي-اق, باسقارما باسشىسى بيۋدجەت قاراجاتىن يگەرۋ مونيتورينگىنىڭ قورىتىندىلارى نەگىزىندە ىشكى قايتا ءبولۋ جولىمەن جەكەلەگەن بيۋدجەتتىك باعدارلامالار بويىنشا جىلدىق جوسپارلى تاعايىنداۋلار قايتا قارالىپ, ولاردى الەۋمەتتىك سالا مەن ەلوردانى دامىتۋداعى كەزەك كۇتتىرمەيتىن كەيبىر مىندەتتەردى شەشۋگە جولداۋ قاجەتتىگىن العا تارتتى.
اعىمداعى جىلدىڭ قاڭتار-قىركۇيەگى ارالىعىندا ەسەپتى كەزەڭ جوسپارى بويىنشا قالا بيۋدجەتى جەكە كىرىستەر بولىگى 99,5 پايىزعا ورىندالىپ, 105 128 772,0 مىڭ تەڭگە ءتۇستى, وتكەن جىلدىڭ ءتيىستى كەزەڭىمەن سالىستىرعاندا ءتۇسىم مولشەرى 15 454 242,0 مىڭ تەڭگەگە ۇلعايدى, ونىڭ ىشىندە سالىق تۇسىمدەرىنىڭ جوسپارى وسى كەزەڭدە 99 پايىزعا ورىندالىپ, ناقتى ءتۇسىم 92 812 336,0 مىڭ تەڭگەنى قۇرادى, بۇل – وتكەن جىلدىڭ ءتيىستى كەزەڭىنىڭ كورسەتكىشىنەن 15 410 717,0 مىڭ تەڭگەگە كوپ دەگەن ءسوز. سالىقتىق ەمەس تۇسىمدەر جوسپارى ەسەپتى كەزەڭدە 1 379 709,0 مىڭ تەڭگەگە ارتىق ورىندالىپ, ناقتى ءتۇسىم 4 464 639,0 مىڭ تەڭگەنى قۇرادى.
سونىمەن بىرگە مەكتەپكە دەيىنگى ءبىلىم بەرۋ ۇيىمدارىندا مەملەكەتتىك ءبىلىم بەرۋ تاپسىرىسىن ىسكە اسىرۋ باعدارلاماسىنا جۇمسالاتىن قاراجات مولشەرى ۇلعايتىلىپ, استانا قالاسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ شىعىستارىنا قوسىمشا قارجى قاراستىرىلدى. «وسىلايشا, ەنگىزىلگەن وزگەرىستەردىڭ ەسەبىمەن استانا قالاسىنىڭ 2014 جىلعا ناقتىلانعان بيۋدجەتىنىڭ جالپى كولەمى 388 151 514,8 مىڭ تەڭگەنى قۇرادى نەمەسە بەكىتىلگەن بيۋدجەتكە ءوسىم – 50 942 906,8 مىڭ تەڭگە بولدى» دەدى ج.نۇرپەيىسوۆ.
ودان ءارى استانا قالاسى ارحيتەكتۋرا جانە قالا قۇرىلىسى باسقارماسىنىڭ باسشىسى ۆ.سيلەتسكي ساۋلەت, قالا قۇرىلىسى جانە قۇرىلىس قىزمەتى سالاسىندا مەملەكەتتىك رەتتەۋ جۇيەسىن ودان ءارى جەتىلدىرۋ ماقساتىندا استانا اۋماعىندا قۇرىلىس سالۋ قاعيداسى وزگەرىستەر مەن تولىقتىرۋلار ەنگىزۋدى تالاپ ەتەتىنىن ەسكەرە كەلە, قالالىق ءماسليحاتتىڭ 2011 جىلعى 3 ناۋرىزداعى «استانا قالاسىنىڭ اۋماعىن سالۋ جونىندەگى ەرەجە تۋرالى» شەشىمىنە وزگەرىستەر جانە تولىقتىرۋلار ەنگىزۋ تۋرالى ۇسىنىس ءبىلدىردى. سونداي-اق, سەسسيا بارىسىندا قالالىق ءماسليحاتتىڭ «استانا قالاسىندا تۇرعىن ءۇي كومەگiن كورسەتۋ ەرەجەسi تۋرالى», «استانا قالاسىندا الەۋمەتتىك كومەك كورسەتۋ, ونىڭ مولشەرلەرىن بەلگىلەۋ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋ قاعيداسى تۋرالى» شەشىمدەرىنە وزگەرىستەر ەنگىزىلىپ, «قازاقستان رەسپۋبليكاسى تاۋەلسىزدىگىنىڭ 20 جىلدىعىندا استانا قالاسىنداعى مۇقتاج ازاماتتاردىڭ جەكەلەگەن ساناتتارىنا بىرجولعى الەۋمەتتىك كومەك كورسەتۋ ەرەجەسى تۋرالى» شەشىمىنىڭ كۇشى جويىلدى.سونداي-اق, مەملەكەت مۇقتاجى ءۇشىن الۋعا بايلانىستى جەر ۋچاسكەلەرىن نەمەسە جىلجىمايتىن وزگە مۇلىكتەردى ساتىپ الۋ تۋرالى شارتتاردىڭ جوبالارى كەلىسىلدى. وسىعان وراي قالالىق ءماسليحاتتىڭ زاڭدىلىق, قۇقىق ءتارتىبى جانە جۇرتشىلىقپەن جۇمىس ماسەلەلەرى جونىندەگى تۇراقتى كوميسسياسىنىڭ توراعاسى ن.مەششەرياكوۆ مەملەكەت قاجەتتىلىگى ءۇشىن الۋعا بايلانىستى جەر ۋچاسكەلەرىن نەمەسە باسقا جىلجىمايتىن مۇلىكتى ساتىپ الۋ تۋرالى بايانداي وتىرىپ, قازىرگى كەزدە مەنشىك يەلەرىمەن 39 كەلىسىم جاسالعانىن, سونىڭ ىشىندە بۇل ۋچاسكەلەر كىشى اينالما جول, بايتۇرسىنوۆ, ميرزويان جانە №42 كوشەلەرىندە جاڭا مەكتەپ سالۋ ءۇشىن پايدالانىلاتىنىن ايتتى.
حالىق قالاۋلىلارى سەسسيادا قارالعان بارلىق جوبانى ءبىراۋىزدان ماقۇلدادى.
گۇلبارشىن وكەشقىزى
