رەداكتسياعا نۇرجان داۋىلباەۆ ەسىمدى جىگىت حابارلاستى. استاناعا قوناققا كەلگەن ول كوشەدەگى جۇمىس ىستەمەيتىن بانكوماتتاردىڭ سانىن ءتىزىپ بەردى.
«ءتۇن جارىمدا اقشا قاجەت بولىپ قالانىڭ ءبىراز بانكوماتتارىن شارلادىم. سول كۇنى جەڭىس داڭعىلى-47, اباي كوشەسى-24, ميرزويان كوشەسىندە ورنالاسقان «كازكومنىڭ» بانكوماتتارى جۇمىس ىستەمەي تۇردى. رەسپۋبليكا داڭعىلىنداعى «تەمىربانك» بانكوماتى دا قىزمەت كورسەتپەدى. وسى داڭعىلدىڭ بويىنداعى «اليانسبانكتىڭ» ەكى بانكوماتىنان دا اقشا الۋ مۇمكىن بولمادى. سوڭىندا «بتا» بانكتىڭ بانكوماتىن جاي بايقاي سالايىن دەسەم, ول دا الدىڭعىلاردىڭ كەبىن كيىپ تۇر. تاۋلىك بويى قىزمەت كورسەتەدى دەگەن بانكوماتتار وسىلايشا استانادا «قالعىپ» تۇر» دەيدى ول.
اتالعان ماسەلە بويىنشا ەكىنشى دەڭگەيلى بانكتەرگە حابارلاسىپ, تومەندەگىدەي ءتۇرلى جاۋاپ الدىق.
الەكسەي وكيتا,«تەمىربانك» اق اقپاراتتىق تەحنولوگيا ءبولىمىنىڭ باستىعى:
– كەيدە تەحنيكالىق سەبەپتەرگە بايلانىستى قىزمەت كورسەتپەيتىنى – زاڭدىلىق. جارىق ءسونىپ قالعاندا نەمەسە باسقا دا كەشىرىمدى سەبەپتەر تۋىنداۋى مۇمكىن. بىراق, رەسپۋبليكا داڭعىلىندا ورنالاسقان بانكومات ءدال قازىر جۇمىس ىستەپ تۇر.سايا تۇسىپبەكوۆا,«بتا بانكى» اق جالاقى جوبالارىن تارتۋ جونىندەگى مامان:
– ول بانكومات تاۋلىك بويى ىستەيدى. مۇمكىن سول ساتتە اقشا تاۋسىلىپ قالعان شىعار. ايتپەسە, كۇنى-ءتۇنى قىزمەت كورسەتەتىنىن حالىقتىڭ ءبارى بىلەدى.گۇلدەن قۋانىشقىزى,«كازكوممەرتسبانك» اق بانكومات بويىنشا قىزمەت كورسەتۋ سەكتورىنىڭ قىزمەتكەرى:
– ءبىزدىڭ بانكوماتتاردىڭ كوبى تاۋلىك بويى جۇمىس ىستەيدى. كەيدە تەحنيكالىق سەبەپتەرگە بايلانىستى 5-10 مينۋتقا بايلانىس بولماي قالۋى مۇمكىن. ونداي جاعداي ۇيالى بايلانىس تەلەفوندارىندا دا بولادى عوي. سوندىقتان, اباي داڭعىلىندا ءبىر بانكومات ىستەمەي قالسا, قالعان ءتورت بانكوماتتىڭ قىزمەتىنە جۇگىنسىن. ەگەر ءدال سول ۋاقىتتا ءبارى بىردەي قىزمەت كورسەتپەي تۇرسا, بۇل تۋرالى بانك بولىمشەسىنە حابارلاسسىن.
P.S «اليانس بانك» قىزمەتكەرى ازامات ەسىمدى جىگىت, بۇل ماسەلە بويىنشا تەلەفون ارقىلى (تەلەفونى 580-191, ىشكى 23074) جاۋاپ بەرە المايتىنىن جەتكىزدى. «مەن ءسىزدى تانىمايمىن, ول جىگىتتى دە ءبىلمەيمىن. سوندىقتان مازالاعان ساۋال تۋىنداسا, رەسمي تۇردە باستىعىمنىڭ اتىنا حات جازىپ, الىپ كەلىڭىز» دەدى. بىراق سۋىرتپاقتاپ تۇرىپ, بانكوماتتىڭ «قالعىپ» تۇرۋى جىلىنا ءبىر رەت بولاتىن پروفيلاكتيكالىق شاراعا سايكەس كەلىپ قالۋى مۇمكىن ەكەندىگىن بىلدىك.
گۇلميرا ايماعانبەت
