الەۋمەتباستى اقپارات

قامقورلىق قاسيەتى

ەرتەڭ – الەۋمەتتىك قورعاۋ جۇيەسى قىز­مەتكەرلەرىنىڭ كۇنى. وسىعان وراي, ەلوردادا سالا ماماندارىنا ارنالعان مەرەكەلىك ءىس-شارالار ۇيىمداستىرىلۋدا. جىل سايىن وسى مەرەكە كۇنى حالقىمىزدىڭ ءال-اۋقاتىن ارتتىرۋداعى وزىندىك ۇلەسى بار الەۋمەتتىك قورعاۋ جۇيەسى قىزمەتكەرلەرىنە تيىسىنشە كوڭىل ءبولىنىپ, قۇرمەت كورسەتىلىپ كەلەدى. ءوز قىزمەتتەرىن جاۋاپكەرشىلىكپەن اتقارىپ جۇرگەن 50 مامان قر ەڭبەك جانە حالىقتى الەۋمەتتىك قورعاۋ ءمينيسترى مەن استانا قالاسى اكىمىنىڭ قۇرمەت گراموتالارىمەن ماراپاتتالدى. قازان ايىنىڭ سوڭعى جەكسەنبىسى – الەۋمەتتىك قورعاۋ جۇيەسى قىزمەتكەرلەرىنىڭ كۇنى. وسىعان وراي, استاناداعى اكادەميالىق فيلارمونيانىڭ عيماراتىندا اتالمىش سالا ماماندارىنا ارنالعان مەرەكەلىك ءىس-شارا ۇيىمداستىرىلدى.

جىل سايىن وسى مەرەكە كۇنى حالقىمىزدىڭ ءال-اۋقاتىن ارتتىرۋداعى وزىندىك ۇلەسى بار الەۋمەتتىك قورعاۋ جۇيەسى قىز­مەتكەرلەرىنە تيىسىنشە كوڭىل ءبولىنىپ, قۇرمەت كورسەتىلىپ كەلەدى. سالتاناتتى جيىن بارىسىندا ەلوردا اكىمىنىڭ ورىنباسارى ەرلان بەكمۇرزاەۆ ءوز قىزمەتىن جاۋاپكەرشىلىكپەن اتقارىپ جۇرگەن وسىنداي 50 جاندى قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا مەن استانا قالاسىنىڭ اكىمى التاي كولگىنوۆتىڭ اتىنان قۇرمەت گراموتالارىمەن ماراپاتتادى.

– الەۋمەتتىك قورعاۋ جۇيەسى قىزمەتكەرلەرىنىڭ كۇندەلىكتى ەڭبەگى – مەملەكەتتىڭ ءوز ازاماتتارىنا قامقورلىعىنىڭ كورسەتكىشى. مۇنداي مەرەكەنى اتاپ وتۋدەگى باستى ماقسات, وسى سالاداعى جۇمىستىڭ قيىندىعىنا قاراماستان, قاجىر­لى ەڭبەك ەتىپ جۇرگەن جاندارعا شىنايى قۇرمەت كورسەتۋ ەكەنى انىق. وسىناۋ جاقسى ءداستۇر ءبارىمىزدى اينالامىزداعىلارعا جاناشىرلىق تانىتىپ, قامقورلىققا ءزارۋ جانداردى ۇنەمى قولداپ جۇرۋگە ۇندەيدى. بارشاڭىزدى وسىناۋ تاماشا مەرەكەمەن قۇتتىقتايمىن! – دەدى ە.بەكمۇرزاەۆ.

استانا قالاسى جۇمىسپەن قامتۋ جانە حالىقتى الەۋمەتتىك قورعاۋ باسقارماسىنىڭ باسشىسى يليا سكۋب بۇگىنگى تاڭدا بۇل سالادا اتقارىلىپ جاتقان جۇمىستارعا توقتالدى. باسقارما باسشىسىنىڭ مالىمدەۋىنشە, قازىرگى ۋاقىتتا استانادا الەۋمەتتىك قورعاۋ جۇيەسى سالاسىندا بارلىعى 1300-گە جۋىق مامان جۇمىس ىستەيدى. ولار كۇن سايىن ەلوردادا تۇراتىن جالعىز­ىلىكتى 1000 زەينەتكەر مەن ەرەكشە قاجەتتىلىكتەرى بار 3000 بالاعا الەۋمەتتىك كومەك كورسەتەدى.

– ەلوردادا 8 ارنايى الەۋمەتتىك قىزمەت كورسەتۋ ورتالىعى جۇمىس ىستەيدى, وندا قىزمەت الۋشىلارعا ارناۋلى الەۋمەتتىك-تۇرمىستىق, مەديتسينالىق, پسيحولوگيالىق, پەداگوگيكالىق, ەڭبەك, مادەني, ەكونوميكالىق جانە قۇقىقتىق قىزمەت كورسەتەدى. جالپى اتالمىش سالا قىزمەتكەرلەرىنىڭ جۇمىسى ەرەكشە شىدامدىلىقتى قاجەت ەتەدى. سوندىقتان ءبىز بۇل شارانى الەۋمەتتىك قورعاۋ جۇيەسىنىڭ قىزمەتكەرلەرىن ماراپاتتاۋ ءۇشىن ارنايى ۇيىمداستىردىق. ارينە, ولارعا قىزمەت الۋشىلاردىڭ العىسىنان اسقان ماراپات جوق, بىراق وسى ءبىر قيىن دا اسا ماڭىزدى سالادا ەڭبەك ەتىپ كەلە جاتقان جاندارعا مەملەكەت تاراپىنان العىس بىلدىرگىمىز كەلەدى. دەندەرىڭىزگە ساۋلىق, وتباسىلارىڭىزعا اماندىق, باقىت, بىرلىك تىلەيمىن, – دەدى ي.سكۋب.

وتانداستارىمىزدى وڭتۇستىك كورەيا, رەسەي, تاجىكستان جانە وزبەكستاننان كەلگەن الەۋمەتتىك قورعاۋ سالاسىنىڭ وكىلدەرى قۇتتىقتادى.

«مەن الەۋمەتتىك قورعاۋ سالاسىندا 15 جىلدان استام ۋاقىتتان بەرى جۇمىس ىستەپ كەلەمىن. مەملەكەت ەڭبەگىمىزدى جىل سايىن اتاپ وتەتىنى – مەن ءۇشىن ۇلكەن قۋانىش. ءبىز ءوز جۇمىسىمىز ءۇشىن ماراپاتتار مەن ماقتاۋلار كۇتپەيمىز, بىراق قىزمەت الۋشىلاردان عانا ەمەس, تۇتاس قوعام اتىنان ريزاشىلىق پەن العىس العان كەزدە, ءسوز جوق, شابىتتانىپ, ودان ءارى ناتيجەلى جۇمىس ىستەي بەرەمىز» دەدى «ءۇمىت» داعدارىس ورتالىعى» كمم قىزمەتكەرى التىن ەرۋباەۆا.

الەۋمەتتىك سالا – ەلىمىزدەگى ەڭ وزەكتى باعىتتىڭ ءبىرى. بۇگىنگى تاڭدا قوعامدا بولىپ جاتقان وقيعالاردىڭ دەنى وسى əلەۋمەتتىك مəسەلە توڭىرەگىندە تۋىنداپ جاتاتىنى دا شىندىق. Əسىرەسە «əلەۋمەتتىك» ۇعىمىمەن قورعاۋ, كومەك, قىزمەت, وڭالتۋ, ورتاعا əسەر ەتۋ, قامسىزداندىرۋ, پانالاۋ ورنى, دياگنوز, قولداۋ, پەداگوگيكا, قىزمەتكەر سەكىلدى قاتارلاس قولدانىلاتىن تىركەس­تەر قۇلاعىمىزعا ءسىڭىستى بولىپ كەتتى. دەسەك تە بۇلاردىڭ ءبəرىنىڭ استارىندا قوعام ومىرىندە بولىپ جاتقان مəسەلەلەرگە ءاتۇستى قاراماي, مەملەكەتىمىزدىڭ ءəربىر كومەككە زəرۋ جاندارىنا قول ۇشىن سوزۋ جاتىر. بۇل رەتتە وسىنداي كوزگە كورىنە بەرمەيتىن, بىراق قيىندىعى كوپ جۇمىستى ەڭسەرىپ جۇرگەن الەۋمەتتىك سالا ماماندارىنىڭ ەڭبەگى ەرەكشە.

تاعىدا

گۇلبارشىن وكەشقىزى

«استانا اقشامى» گازەتىنىڭ ءتىلشىسى

ۇقساس جاڭالىقتار

پىكىر ۇستەۋ

Back to top button