استانا قالاسىنىڭ ارداگەرلەر كەڭەسىنىڭ ۇيىمداستىرۋىمەن 23 ماۋسىم-4 شىلدە ارالىعىندا الماتى اۋدانى ارداگەرلەر كەڭەسىنە قاراستى 15 زەينەتكەر قالادان 40 شاقىرىم جەردە ورنالاسقان «نۇرا» دەمالىس ۇيىندە تىنىقتى.
قالانىڭ شۋى مەن مي قايناتار ىستىعىنان اۋلاقتا, سايالى تابيعات, تىنىش وزەن جاعاسىندا دەمالۋ قارتتاردىڭ كوڭىلىنەن شىقتى. دەمالىس ۇيىندە زەينەتكەرلەر ءۇش مەزگىل تاماقتانىپ, بوس ۋاقىتتارىندا تەلەديدار كورىپ, گازەت وقىپ, شاحمات ويناپ, ءوزارا باستان كەشكەن قىزىقتى وقيعالارىن ايتىپ, ءبىر-بىرىمەن جاقىن تانىستى. ءبىزدىڭ باسى-قاسىمىزدا قالالىق ارداگەرلەر كەڭەسىنىڭ وكىلى بالعاباي عابباسۇلى ۇنەمى بىرگە ءجۇردى. قاريالاردىڭ دەنساۋلىعىن مەدبيكە گۇلميرا قوجاباەۆا كۇندەلىكتى باقىلاپ وتىردى.
زەينەتكەرلەرگە جاساعان قامقورلىعى ءۇشىن دەمەۋشىمىز «دجەي تي اي قازاقستان» جشس-نە, قالالىق ارداگەرلەر ۇيىمىنا جانە ونىڭ توراعاسى امانگەلدى حامزەۇلىنا, «نۇرا» دەمالىس ءۇيىنىڭ ۇجىمىنا زور ريزاشىلىعىمىزدى ءبىلدىرىپ, كەلەشەكتەگى ەڭبەكتەرىنە تابىس, وزدەرىنە زور دەنساۋلىق تىلەيمىز.
زەينەتكەرلەر اتىنان: بالكەن قاسەنوۆا
