باستى اقپاراتقالا مەن سالا

قار شىعارۋ قاربالاسى

ەلوردادا قار كوپ جاۋىپ, اۋا رايىنىڭ كۇرت وزگەرۋىنە بايلانىستى كوممۋنالدىق قىزمەتتەر تاۋلىك بويى كۇشەيتىلگەن رەجيمدە جۇمىس ىستەۋدە. قىس مەزگىلىنىڭ باسىنان باستاپ قالادان 245 مىڭ تەكشە مەتردەن استام قار شىعارىلدى, بۇل 15 مىڭنان استام اۋىر جۇك كولەمىنە تەڭ.

سوڭعى كۇندەرى قالا كوشەلەرىن قار مەن مۇزدان تازارتۋعا 2351 جول جۇمىسشىسى جانە 1,2 مىڭنان استام ارنايى تەحنيكا شىقتى. ەلوردالىق كوممۋنالدىق قىزمەتكەرلەر پوليگوندارعا 30 مىڭ تەكشە مەتردەن استام قار شىعاردى, بۇل 2189 رەيستى قۇرادى.

قىس مەزگىلى باستالعالى بەرى استانادان پوليگوندارعا 245 مىڭ تەكشە مەتردەن استام قار شىعارىلدى, بۇل 18,9 مىڭنان استام اۋىر جۇك كولەمىنە تەڭ.

اۋدانداردا قار شىعارۋ جۇمىستارى قىزۋ قولعا الىندى. اسىرەسە, استانانىڭ سارىارقا اۋدانىندا قار تازالاۋ جۇمىس­تارى بەلسەندى جۇرگىزىلۋدە, وعان 519 جول قىزمەتكەرى مەن 268 ارنايى تەحنيكا جۇمىلدىرىلدى. قاراشا ايىنىڭ باسىنان باستاپ بۇل اۋداننان 35140 تەكشە مەتر قار شىعارىلدى.

بايقوڭىر اۋدانىنان 24 رەيس جاسالىپ, 408 جول جۇمىسشىسى مەن 172 ارنايى تەحنيكانىڭ كۇشىمەن 360 تەكشە مەتر اق ۇلپا شىعارىلدى. قار جاۋا باستاعاننان بەرى ارنايى پوليگونعا بارلىعى 2128 رەيس 33146 تەكشە مەتر قار جىبەرىلدى.

ال الماتى اۋدانىنىڭ كوشەلەرىن قاردان تازارتۋعا 640 جول جۇمىسشىسى مەن 222 بىرلىك ارنايى تەحنيكا, اتاپ ايتساق, 30 سىپىرعىش ماشينا, 25 تراكتور ششەتكاسى, 75 ساموسۆال, 45 فرونتالدى تيەگىش جانە 47 باسقا دا جيناۋ تەحنيكاسى شىقتى.

كۇندىز اتالمىش اۋدان بويىنشا 4 714 تەكشە مەتر قار جينالىپ, پوليگوندارعا شىعارىلدى, بۇل 465 رەيستى قۇرادى. تۇنگى ۋاقىتتا الماتى اۋدانىنىڭ كوشەلەرىن قاردان تازارتۋعا 165 جول جۇمىسشىسى مەن 367 ارنايى تەحنيكا قاتىستى.

مامانداردىڭ ايتۋىنشا, بوراندى كۇندەرى, اۋا رايىنىڭ قولايسىزدىعى كەزىندە قوعامدىق كولىكتەردىڭ جۇرەتىن جولدارىنا كوبىرەك كوڭىل اۋدارىلادى. وسىلايشا, كوشە جيەكتەرىن, ايالدامالاردىڭ اينالاسىن قاردان تازالاپ, قوعامدىق كولىكتەردىڭ ەركىن جۇرۋىنە جاعداي جاسالادى. قوعامدىق كولىكتەرگە, جالپى كولىك قوزعالىسىنا كەدەرگى كەلتىرمەۋ ءۇشىن نەگىزگى جۇمىس, ورتالىق كوشەلەردى قاردان تازالاۋ جۇمىستارى تۇنگى مەزگىلدە جۇرگىزىلەدى. كۇندىز ەكىنشى دەڭگەيدەگى كوشەلەردىڭ قارى شىعارىلۋدا.

قار تازالايتىن زاماناۋي ماشينالار ۋاقىتپەن ساناسپاي, ۇزاقتى كۇنگە جۇمىس ىستەسە دە, جولدىڭ بويىن عانا جيناپ اكەتەدى. قالاداعى قاردى تازالاۋ جۇمىستارىنا قانشاما ادام مەن تەحنيكا جۇمىلدىرىلىپ, اقشا شىعىندالىپ جاتقانىنا قاراماستان, اۋلالارداعى قار تاۋ بولىپ ءۇيىلىپ قالا بەرەدى. قولمەن قار شىعاراتىن قاراپايىم جاندار بۇل كۇندە نەكەن-ساياق. سوندىقتان, قار شىعارۋدى اكىمدىكتەردىڭ جۇمىسى دەپ قاراماي, تازالىقتى اركىم ءوز اۋلاسىنان باستاسا, قانداي عانيبەت…

وتكەن تاۋلىكتە قالا كوشەلەرىن قار مەن مۇزدان تازارتۋعا 2,5 مىڭعا جۋىق جول جۇمىسشىسى مەن ءبىر مىڭنان استام ارنايى تەحنيكا شىقتى. قالادا كوممۋنالدىق قىزمەتتەردىڭ كۇشىمەن مىڭنان استام ارنايى تەحنيكا جينالىپ, پوليگوندارعا شىعارىلدى. سونداي-اق ەلورداداعى كوممۋنالدىق قىزمەتتەردىڭ كۇشىمەن قار اۋماعىنان 5 مىڭ تەكشە مەتردەن استام قار جينالىپ, پوليگوندارعا شىعارىلدى, بۇل 500-گە جۋىق رەيستى قۇرادى.

– كەشەدەن بەرى اۋدانىمىزدا قار تولاسسىز جاۋىپ جاتىر. سول سەبەپتى كوممۋنالدىق شارۋاشىلىق قىزمەتكەرلەرى قار شىعارۋ بويىنشا ەكى اۋىسىمدا تىنىمسىز ەڭبەك ەتۋدە. اۋا رايىنىڭ قولايسىزدىعىنا بايلانىستى تۇرعىنداردىڭ ءجۇرىپ-تۇرۋىنا كەدەرگى كەلتىرمەۋ ماقساتىندا الدىمەن, كوپىرلەر, ماگيسترالدىق جولدار مەن ەمحانا, مەكتەپ, بالاباقشا سەكىلدى اۋدان اۋماعىنداعى بارلىق الەۋمەتتىك نىسانداردىڭ ماڭايى قاردان تازالانادى. وسى جۇمىستارعا بارلىعى 300-دەن استام تەحنيكا مەن 800-گە جۋىق جول جۇمىسشىسى جۇمىلدىرىلدى, – دەدى ەسىل اۋدانى اكىمدىگىنىڭ وندىرىستىك-تەحنيكالىق ءبولىم جەتەكشىسى فارحاد ساپاۇلى.

تاعىدا

گۇلبارشىن وكەشقىزى

«استانا اقشامى» گازەتىنىڭ ءتىلشىسى

ۇقساس جاڭالىقتار

پىكىر ۇستەۋ

Back to top button