ەلوردامىزداعى №12 «قارلىعاش» بالاباقشاسىندا قوشتاسۋ كەشى ءوتتى. بيىل قىركۇيەك ايىندا مەكتەپ تابالدىرىعىن اتتايتىن بالدىرعاندار ءۇشىن بۇل – ەرەكشە كەزەڭ.
مەرەكەلىك شارا بارىسىندا 32 تۇلەك بالاباقشادا ۇيرەنگەن ونەرىن ورتاعا سالىپ, اتا-انالارى مەن ۇستازدارىن قۋانىشقا بولەدى. مەكەمە ۇجىمىنىڭ جەمىستى ەڭبەگىنىڭ ارقاسىندا تالانتتى بۇلدىرشىندەر تاربيەلەنگەنىن كورۋگە بولادى.
«بۇل بالاباقشا تۇلەكتەرى – ءبىزدىڭ ماقتانىشىمىز. بۇلدىرشىندەردىڭ مەكتەپكە دايىندىعى جوعارى. ولاردىڭ كوپشىلىگى – كوپتەگەن بايقاۋلاردىڭ جۇلدەگەرلەرى. ماسەلەن, «جۇلدىزدى جول» اتتى كونكۋرستا اناستاسيا حاليكوۆا ەسىمدى تاربيەلەنۋشىمىز جۇلدەلى ءبىرىنشى ورىندى يەلەندى» دەيدى بالاباقشا مەڭگەرۋشىسى ليۋدميلا ريابچەنكو.
«قارلىعاش» بالاباقشاسى بىلتىر ءوزىنىڭ ەلۋ جىلدىعىن تويلادى. جارتى عاسىردىڭ ىشىندە بۇل مەكتەپكە دەيىنگى مەكەمە قالاداعى ءبىلىم بەرۋ ساپاسى بويىنشا الدىڭعى قاتاردان كورىندى. بۇل, ەڭ الدىمەن, بالاباقشا قىزمەتكەرلەرىنىڭ ەڭبەگى ەكەنى ءسوزسىز.
سابينا كاكىمجان,
ل.ن.گۋميلەۆ اتىنداعى
ەۋرازيا ۇلتتىق ۋنيۆەرسيتەتىنىڭ ستۋدەنتى
