«وتان قورعاۋشىلار» الاڭىندا اسكەرگە شاقىرىلۋشىلاردى قر قارۋلى كۇشتەرىنىڭ قاتارىنا شىعارىپ سالۋ ءراسىمى جانە «استانا جاستارى مەن ارميا ءبىرتۇتاس» اكتسياسىنىڭ اشىلۋ سالتاناتى ءوتتى.
بۇل كۇنى قارۋلى كۇشتەر قاتارىنا 30 استانالىق ورەن اتتاندى. سالتاناتتى شارانى ءۇش مىڭعا جۋىق اسكەر قاتارىنا شاقىرۋ جاسىنا دەيىنگى جانە اسكەر قاتارىنا شاقىرۋ جاسىنداعى جاستار, اسكەرگە شاقىرىلۋشىلاردىڭ تۋىستارى مەن دوستارى, مەكتەپ وقۋشىلارى, سوعىس جانە ەڭبەك ارداگەرلەرى دە تاماشالادى. پارلامەنت ءماجىلىسىنىڭ دەپۋتاتى, حالىق قاھارمانى باقىتجان ەرتاەۆ پەن قر قورعانىس مينيسترلىگى باس شتابى باستىعىنىڭ ورىنباسارى مۇحامەدجان تالاسوۆ جاستارعا ءوز تىلەكتەرىن ءبىلدىردى. سونىمەن قاتار, شارا بارىسىندا دوڭگەلەكتى اسكەري تەحنيكا مەن اتىس قارۋلارى, ساربازداردىڭ كيىم-كەشەك ۇلگىلەرى, سونداي-اق اسكەر تەكتەرى مەن تۇرلەرى كورسەتىلگەن كورمە ءوتتى. اەروۇتقىر اسكەرلەرى دەسانتتىق-شابۋىلداۋ بريگاداسىنىڭ «قالقان» ارنايى ماقساتتاعى ۆزۆودىنىڭ جانە مەملەكەتتىك كۇزەت قىزمەتىنىڭ قۇرمەت قاراۋىلى روتاسىنىڭ جاۋىنگەرلەرىنىڭ كورسەتكەن ونەرى دە كوپشىلىكتىڭ كوڭىلىنەن شىقتى.
