استاناداعى «وتان قورعاۋشىلار» مونۋمەنتi الدىندا اسكەرگە شاقىرىلعان ازاماتتاردى سالتاناتتى تۇردە شىعارىپ سالۋ ءراسiمi بولىپ ءوتتi.
Iشكi iستەر مينيسترلiگiنiڭ iشكi اسكەرi وركەسترiنiڭ سۇيەمەلدەۋiمەن ەلiمiزدiڭ ءانۇرانى شىرقالدى.
بۇل iس-شارا قر پرەزيدەنتiنiڭ جاستار اراسىنداعى ۇلتتىق پاتريوتتىق سەزiمدi قالىپتاستىرۋ ماقساتىندا تاپسىرىلعان «قازاقستان ازاماتىن پاتريوتتىق ءتاربيەلەۋ باعدارلاماسى» اياسىندا ناقتى كورiنiس تاۋىپ وتىر. ونىڭ ۇستiنە قازاقستان رەسپۋبليكاسىنىڭ قارۋلى كۇشتەرiنiڭ 20 جىلدىعى مەن «بولاشاق بۇگiننەن باستالادى!» اتتى رەسپۋبليكالىق اكتسياسى شەڭبەرiندە ءوتۋi دە ەرەكشە ماڭىزدى.
استانالىق 130 بوزبالا وتان الدىنداعى ازاماتتىق بورىشىن وتەۋگە اتتانۋعا ازiرلiگiن بiلدiرiپتi. ولار بiر جىل بويى ەل اۋماعىنداعى اسكەري بولiمدەردە قارۋلى كۇشتەردiڭ قىر-سىرىن مەڭگەرiپ, ۇيiنە بiلiكتi اسكەري بولىپ ورالماق. وتان الدىنداعى ابىرويلى مiندەتiن اتقارۋعا قۇلشىنىس بiلدiرگەن وسى جاستاردىڭ قاناتىنىڭ تالماي, قاجىرىنىڭ مۇقالماي, تەك توزiمدەرiن شىڭداپ, ەل قورعايتىن اپتال ازامات بولىپ ورالۋىنا جينالعان قاۋىم تiلەكتەستiك بiلدiردi. 1500 قاتىسۋشىنىڭ باسىن قۇراپ, «وتان قورعاۋشىلار» مونۋمەنتi الدىنداعى الاڭدا ساپ تۇزەگەن جاسوسپiرiمدەر مەن اسكەرگە شاقىرىلۋشى ازاماتتار, ولاردىڭ اتا-انالارى جانە كوپتەگەن قىزىعۋشىلىق تانىتقان وزگە دە استانالىقتار سالتاناتتى شىعارىپ سالۋ كەزiندە يگi-جاقسىلاردىڭ ءسوزiن تىڭداپ, اقساقال اتالارىمىزدىڭ اق باتاسىنا قول جايدى. تiلەك بiلدiرۋشiلەر قاتارىندا «نۇر وتان» حدپ استانا قالالىق فيليالى توراعاسىنىڭ ورىنباسارى مەيرامباي ورالوۆ, قر قارۋلى كۇشتەرi ارداگەرلەر كەڭەسi توراعاسىنىڭ ورىنباسارى, گەنەرال-مايور مارات ناعۇمانوۆ, استانا قالاسى قورعانىس iستەرi جونiندەگi دەپارتامەنتتiڭ باستىعى, پولكوۆنيك باقىتجان مۇحامەتجانوۆ, الماتى اۋدانى اكiمiنiڭ ورىنباسارى ءتۇسiپ رىسبەكوۆ, «جاس وتان» جاستار قاناتىنىڭ اتقارۋشى حاتشىسى نۇرلان وتەشەۆ باستاعان بiرقاتار بيلiك وكiلدەرi جينالدى. ال, ۇلى وتان سوعىسى ارداگەرi پەتر كوميسساروۆ پەن ارداگەر-اقىن جامالبەك اقىلباي جاستارعا جۇرەكجاردى لەبiزدەرiن ايتىپ, امان-ەسەن ورالۋلارىنا سەنiم ارتتى.
سالتاناتتى شارادا «ماڭگiلiك الاۋ» ەسكەرتكiشiنە گۇل شوقتارى قويىلدى. سودان كەيiن اسكەرگە اتتانىپ بارا جاتقان جiگiتتەرگە رۋح بەرۋ ءۇشiن قازاقستان رەسپۋبليكاسىنىڭ اسكەري اەروموبيلدiك «قالقان» ارنايى جاساعىنىڭ جاتتىعۋلارىنان شاعىن كورiنiس كورسەتiلدi.
شىنار ءابIلدا
