باس قالاداعى قىلمىستىڭ جولىن قالاي كەسۋگە بولادى؟ استانا قالاسىنىڭ ەسiل اۋداندىق پروكۋراتۋراسىندا ءدال وسى تاقىرىپتا ارنايى جيىن بولىپ ءوتتى. بىرنەشە مەكەمە ماماندارىنىڭ قاتىسۋىمەن وتكەن كەزدەسۋدە سونىمەن قاتار, قالاداعى قىلمىستىق احۋال, ونىمەن كۇرەس جانە الدىن الۋ جايى ءسوز بولدى.
كەزدەسۋ بارىسىندا پروكۋرورلار استانادا قىلمىس ازايماي تۇرعانىن ايتىپ جاتتى. جىل باسىنان بەرى 3705 قىلمىستىق ءىس تىركەلگەن. بۇل وتكەن جىلعى كورسەتكىشپەن سالىستىرعاندا 26,9 پايىزعا كوپ. وسى ارالىقتا بارلىعى 499 ادام قىلمىستىق جاۋاپكەرشىلىككە تارتىلعان. بۇلاردىڭ 11-ءى – كامەلەتكە تولماعاندار.
ەسiل اۋدانىنىڭ پروكۋرورى تالعات الiباەۆ, اسىرەسە, كامەلەتكە تولماعان بالالار اراسىنداعى قىلمىستىڭ وتە وزەكتى بولىپ وتىرعانىن ايتادى. ايتۋىنشا, بالالاردىڭ قىلمىسقا بارۋىنا كوبىنەسە وتباسىنداعى كيكىلجىڭ, اتا-انانىڭ تاربيەگە سالعىرتتىعى مەن ناشاقورلىققا, ىشكىلىككە سالىنۋى سەبەپ بولىپ جاتادى. «اسىرەسە, وتباسىندا كيكىلجىڭ مەن اجىراسۋدىڭ سالدارى وراسان زور» دەيدى ول. ونىڭ ۇستىنە سوڭعى جىلدارى ەلىمىزدە اجىراسۋ فاكتىلەرى تىم كوبەيىپ كەتىپ وتىر. احات بولىمدەرى بەرگەن مالىمەتتەرگە سۇيەنسەك, وتكەن جىلى ەلىمىز بويىنشا 1843 جۇپ وتباسىن قۇرۋعا ءوتىنىش بەرگەن. وكىنىشكە قاراي, سولاردىڭ 347-ءسى جىل تولماي جاتىپ اجىراسىپ ۇلگەرىپتى. ياعني, ءاربىر ءۇشىنشى جۇپتىڭ نەكەسى جىلعا جەتپەي ءۇزىلىپ, شاڭىراقتارى شايقالىپ جاتىر دەگەن ءسوز. قانشاما بالا ءارتۇرلى دەڭگەيدە پسيحولوگيالىق سوققى الىپ, قيىندىققا تاپ بولىپ جاتىر.
بيىلعى التى ايدا دا 174 وتباسى اجىراسىپ ۇلگەرگەن. ال تىركەلگەن جۇپتاردىڭ سانى – 646. «وسىنداي جايتتاردىڭ بارلىعى بالانىڭ قاراۋسىز قالۋىنا نەمەسە قىلمىسقا بارۋىنا يتەرمەلەپ جاتادى. وتكەن اپتادا بۇكiل ەلدi استاناداعى ەكi بالانىڭ جوعالۋى ءدۇر سiلكiندiردi. ءنۇرالi 2, جانسايا 14 جاستا. جانسايا اتا-اناسىنىڭ اجىراسقانىنا قاپالانىپ, ەكi جاسار iنiسi مەن وتباسىلىق بيۋدجەتتەن 40 مىڭ تەڭگەنi الىپ, جول-جونەكەي كولiكپەن الماتىعا جەتكەن. بالالاردىڭ ۇيىنەن كەتۋىنە 8 بالانى تاربيەلەپ وتىرعان اتا-انانىڭ اجىراسۋى سەبەپ بولعان. اتا-انانىڭ ارەكەتى قىزدىڭ پسيحيكاسىنا تەرiس ىقپال ەتiپ, ول iنiسiن الىپ, ۇيدەن كەتiپ قالعان. ۋاقىت وتە كەلە, بۇل وقيعانى قوعام ۇمىتادى. الايدا, سالدارى بالانىڭ ساناسىندا ماڭگىلىككە قالىپ قويادى. قازiر 14 جاستاعى قىز سانالى تۇردە وسىنداي قادامعا بارسا, بiر-ەكi جىلدان كەيiن نە بولاتىنىن ەشكiم بiلمەيدi. ول وزىنە-ءوزi قول جۇمساۋى مۇمكiن نەمەسە اكەسiنiڭ تاراپىنان قانداي دا بiر قايشى ارەكەتتەر بولۋى ىقتيمال. وسىعان بايلانىستى بiرiنشi كەزەكتە, بۇل وتباسىنى تۇراقتى باقىلاۋعا الۋ قاجەت» دەيدi ت.الiباەۆ.
سونىمەن قاتار ول استانادا جوعالىپ, الماتىدا تابىلعان بالالاردىڭ وتباسى باقىلاۋعا الىنعانىن, سونداي-اق, الماتىعا قالاي جەتكەنى تەكسەرىلىپ جاتقانىن ءمالىم ەتتى.
بۇركىت نۇراسىل
