جاڭالىقتار

قازان دەلەگاتسياسىن قابىلدادى

ERA_9550

استانا اكىمىنىڭ ورىنباسارى اندرەي لۋكين قازان قالاسى مەرىنىڭ ورىنباسارى يۆان كۋزنەتسوۆ باستاعان تاتارستاندىق دەلەگاتسيا وكىلدەرىمەن كەزدەستى. 

جۇزدەسۋ ۇستىندە اندرەي يۆانوۆيچ تامىرى تەرەڭنەن تارتىلعان ءتۇبى ءبىر قازاق, تاتار حالىقتارىنىڭ قارىم-قاتىناسى تۋرالى اڭگىمەلەدى.
2004 جىلى استانا جانە قازان قالالارى اراسىندا باۋىرلاستىق جانە سەرىكتەستىك بايلانىس تۋرالى مەموراندۋمعا قول قويىلعاننان كەيىن ەكى ەلدىڭ استاناسى اراسىنداعى ىنتىماقتاستىق كۇشەيە تۇسكەن. پوليمەر ونىمدەرىن شىعارۋ, كاۋچۋك, شينا جاساۋ جاعىنان ءوندىرىسى وزىپ تۇرعان تاتارستاننىڭ بۇگىنگى ەكونوميكالىق ءوسۋ قارقىنىنان حاباردار ەكەنىن اڭعارتقان استانا اكىمىنىڭ ورىنباسارى جالپى قازاننىڭ رەسەيدىڭ ءىجو-ءنىڭ 0,4 پايىزىن قۇراۋى ۇلكەن كورسەتكىش ەكەنىن اتاپ ءوتتى. تاريحى باي تاتار ەلى استاناسىنىڭ مادەني تۇرعىدا دامۋى دا تۋىستاس قازاق ەلىن قۋانتاتىنىن مالىمدەدى.
بۇدان سوڭ استانا اكىمىنىڭ ورىنباسارى ەلوردانىڭ دامۋ بارىسى تۋرالى ءسوز قوزعادى. استانا مارتەبەسىن العالى بۇل قالانىڭ اۋماعى 3 ەسە كەڭەيىپ, حالقى دا قارقىندى ءوسۋ كورسەتكىشىنە يە بولعانىنا توقتالدى. ستاتيستيكا بويىنشا, ءاربىر بەسىنشى تۇرعىنى ورتا جانە شاعىن بيزنەسپەن اينالىساتىن قالادا ەكونوميكالىق ءوسۋ دە, قۇرىلىس جاعى دا توقتاۋسىز العا باسىپ كەلە جاتقانىن, استانا قازاقستاندىق بيۋدجەت دونورلىعىندا العاشقى تورتتىككە كىرەتىنىن ايتتى.
ءوز كەزەگىندە ۇشاقتان تۇسكەننەن قازاقتىڭ قوناقجايلىلىعىنا ءتانتى بولعانىن جاسىرماعان مارتەبەلى مەيمان ەلوردامىزعا 2011 جىلى قىسقى ازيا ويىندارى الدىندا كەلگەن ەكەن. ايتسە دە, كۇن سايىن تۇلەپ, وركەندەپ وتىرعان شاھاردىڭ دامۋ ديناميكاسى سۇيسىندىرەتىنىن ءبىلدىردى.
مىڭ جىلدىق تاريحى بار, جىل سايىن ميلليونداپ تۋريستەردى قابىلدايتىن قازاننىڭ جاستار قالاسى ەكەنىن دە مالىمدەدى. تاريحى باي, تاريحي-مادەني جادىگەرلەرى كوزدىڭ قاراشىعىنداي ساقتالىپ كەلە جاتقان قالانىڭ الدىندا تۇرعان ماقساتى دا از ەمەس. بۇل ورايدا, قازان مەرىنىڭ ورىنباسارى يۆان كۋزنەتسوۆ ەۆرازياداعى جاس تا بولسا ابىرويى اسقاق قالا – استانادان ۇيرەنەتىن ۇردىستەر بارشىلىق ەكەنىن جەتكىزدى.
كەزدەسۋ بارىسىندا قوناقتار استا­نالىق ارىپتەستەرىن 2015 جىلعى 24 شىلدە مەن 9 تامىز ارالىعىندا قازان قالاسىندا وتەتىن سۋ سپورتى تۇرلەرىنەن الەم چەمپيوناتى مەن ەۋرازيا جەرگىلىكتى بيلىك كونگرەسىنە شاقىردى. سونىمەن بىرگە, ەۋرازيالىق ينتەگراتسيانى تەرەڭدەتۋ تۇرعىسىندا تىزە قوسىپ تىرلىك ەتۋگە ۇندەدى. بۇل تۇرعىدا, قازان اسا مۇددەلىلىك تانىتىپ وتىرعانىن مالىمدەگەن يۆان كۋزنەتسوۆ بۇكىلالەمدىك ۇيىمداردا قازىرگى تاڭدا تاتارستاننىڭ باس قالاسى دا ايتارلىقتاي ماڭىزدى رولگە يە بولىپ كەلە جاتقانىن ايتۋدى دا ۇمىتپادى.
ەكىجاقتى كەزدەسۋدىڭ سوڭىندا استانا اكىمىنىڭ ورىنباسارى اندرەي لۋكين «قالالار مەن جەرگىلىكتى بيلىك بىرلەستىگى» بۇكىلالەمدىك ۇيىمىنىڭ تەڭ پرەزيدەنتى, ەۋرازيالىق ءبولىمىنىڭ پرەزيدەنتى قازان مەرى يلسۋر مەتشيننىڭ اتىنا جازىلعان اتالعان ۇيىمعا مۇشە بولۋ تۋرالى استانا اكىمىنىڭ قولى قويىلعان ءوتىنىشتى تابىستادى.

ءنازيرا سايلاۋقىزى

تاعىدا

ۇقساس جاڭالىقتار

پىكىر ۇستەۋ

Back to top button