Sportباستى اقپارات
نۇرسۇلتان نازارباەۆ دانيار ەلەۋسىنوۆكە قۇتتىقتاۋ جەدەلحاتىن جولدادى
قازاقستان پرەزيدەنتى ريو-دە-جانەيروداعى وليمپيادا ويىندارىنداعى جەڭىسىنە بايلانىستى دانيار ەلەۋسىنوۆكە قۇتتىقتاۋ جەدەلحاتىن جولدادى
«جىلدار بويى تىنىمسىز توگىلگەن تەر مەن زور قاجىر-قايراتتىڭ جانە ۇلكەن شەبەرلىكتىڭ ناتيجەسىندە دۇنيەجۇزىلىك سپورت دوداسىندا قول جەتكىزىلگەن بۇل جەڭىس بارشا قازاقستاندىقتارعا شەكسىز شاتتىق سىيلادى. بۇل جەڭىس وسى باسەكەنى تاماشالاعان مىڭداعان ءجاسوسپىرىمنىڭ سپورتپەن اينالىسا باستاۋىنا, ولاردىڭ شىنىققان شىمىر بولىپ وسۋىنە جانە ماقساتتى ءومىر سۇرۋىنە جاڭا سەرپىن بەرەتىنى ءسوزسىز», – دەلىنگەن جەدەلحاتتا.
مەملەكەت باسشىسى سپورتشىعا زور دەنساۋلىق پەن باقىت, جاڭا جەڭىستەر مەن جەتىستىكتەر تىلەدى, دەپ حابارلايدى اقوردا ءباسپاسوز قىزمەتى.