سوڭعى سەكۆەنيرلەۋ قورىتىندىسى بويىنشا رەسپۋبليكادا تسەربەر شتامى نۇسقاسىنىڭ 0,5% اينالىمى انىقتالدى, 99,5% وميكرون شتامىنىڭ باسقا نۇسقالارى شىققان. بۇل تۋرالى قازاقستان رەسپۋبليكاسى اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا وتىرىسىندا پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى سەرىك جۇمانعارين مالىمدەدى.
رەسپۋبليكادا قاراشادا قازان ايىمەن سالىستىرعاندا دەرت جۇقتىرۋ 1,6 ەسە ءوستى. دەنساۋلىق ساقتاۋ ۆيتسە-ءمينيسترى ايجان ەسماعامبەتوۆا اتاپ وتكەندەي, Covid-19-عا تەستىلەۋ سانى ازايدى, سەبەبى اۋرۋ جەڭىلدەي باستادى, كوبى مەديتسينالىق كومەككە جۇگىنبەيدى. بارلىق وڭىرلەردە ينفەكتسيانىڭ رەپرودۋكتيۆتىلىك كورسەتكىشى 1-دەن جوعارى, بۇل – ۆيرۋستىڭ حالىق اراسىندا بەلسەندى اينالىمى مەن تارالۋىنىڭ بەلگىسى. وڭىرلەر بويىنشا كەيىنگى ايدا ەلىمىزدىڭ 3 ءوڭىرى – الماتى, استانا جانە قاراعاندى وبلىسىندا اۋرۋشاڭدىقتىڭ اپتا سايىن 2,2 ەسەگە دەيىن ءوسۋى بايقالادى. سونىمەن قاتار اقمولا, اتىراۋ, جامبىل, ۇلىتاۋ وبلىستارى, شىمكەنتتە سوڭعى اپتادان باستاپ سىرقاتتانۋ اپتاسىنا 3,5 ەسەگە دەيىن بىرتىندەپ ءوسىپ كەلەدى. حالىقتى كوروناۆيرۋستى ينفەكتسياعا قارسى ۆاكتسيناتسيامەن قامتاماسىز ەتۋ ماقساتىندا وڭىرلەرگە 12 جاستان اسقانداردى ۆاكتسيناتسيالاۋ جانە رەۆاكتسيناتسيالاۋ ءۇشىن Pfizer ۆاكتسيناسىنىڭ 200 مىڭ دوزاسى جەتكىزىلدى.
