ەلىمىزدەگى وزگەرىسكە دە, سىنعا دا كوبىرەك ۇشىرايتىن ەكى سالانىڭ ءبىرى – دەنساۋلىق. بۇل سالاعا بولىنەتىن قارجى از دەپ ايتا المايمىز. سوعان قاراماستان قارقىندى دامىپ كەتكەنى كورىنبەيدى. كۇنى كەشە ءۇش جىلدىق بيۋدجەتتى جوسپارلاۋ بارىسىندا دەنساۋلىق ساقتاۋ سالاسىنا تاعى دا قوماقتى قاراجات ءبولىندى.
قر پارلامەنتى ءماجىلىسىنىڭ دەپۋتاتى نادەجدا پەتۋحوۆانىڭ ايتۋىنشا, وسى سالاعا بولىنەتىن 2,3 تريلليون تەڭگە زاماناۋي تەحنولوگيامەن جابدىقتالعان اۋرۋحانالار مەن ەمحانالار سالۋعا جۇمسالماق. اق حالاتتىلاردىڭ جالاقىسىن كوبەيتۋ دە جوسپارلانىپ وتىر. بۇل جۇرتشىلىققا كورسەتىلەتىن مەديتسينالىق جاردەمنىڭ ساپاسىن جاقسارتۋعا اسەر ەتەدى دەيدى دەپۋتاتتار.
ارينە, مەديتسينالىق مەكەمەلەردىڭ زاماناۋي قۇرىلعىلارمەن جابدىقتالعانى دۇرىس-اق. الايدا, بۇل تەحنيكالاردىڭ ءتىلىن مەڭگەرگەن ماماندار تابىلماسا, ولاردان نە قايىر؟!
قاراجاتتىڭ ءبىر بولىگى حالىققا مەديتسينالىق قانا ەمەس, پسيحولوگيالىق, الەۋمەتتىك تۇرعىدان كومەك بەرەتىن ورتالىقتار قۇرۋعا جانە ەمحانالار سالاسىندا بىرقاتار رەفورمالار جۇرگىزۋگە جۇمسالماق.
