قوس مەرەكەنىڭ قۋانىشى
استانا قالاسى اكىمدىگى مەن ەلوردالىق پوليتسيا قىزمەتكەرلەرى كاسىبي مەرەكەلەرىن بىرلەسە اتاپ ءوتتى.
ق.مۇڭايتپاسوۆ اتىنداعى ستاديوندا قازاقستان پوليتسياسى كۇنىنە جانە مەملەكەتتىك قىزمەتشىلەر كۇنىنە وراي ۇيىمداستىرىلعان مەرەكەلىك شارا «وتباسىلىق ستارتتار» سايىس-تارىمەن باستالدى. ءبىرىنشى جارىستا ءىىد قىزمەتكەرلەرىنىڭ وتباسى توپ جارسا, كەدەرگىمەن جۇگىرۋدەن اكىمدىك اپپاراتىنان قوسىلعان وتباسى مارە سىزىعىن ءبىرىنشى بولىپ كەستى. كوڭىلدى ءارى تارتىستى وتكەن سايىستاردىڭ جەڭىمپازدارى مەن جۇلدەگەرلەرىنە سىيلىقتار بەرىلسە, اتا-انالارىمەن بىرگە جۇگىرگەن بالالارعا ويىندار ۇلەستىرىلدى.
وسى شارانىڭ بارىسىندا ۇيىمداستىرىلعان فۋتبول ماتچى كوپشىلىكتىڭ كوڭىلىن كوتەردى. جاسىل الاڭدا ونەر كورسەتكەن استانا قالاسىنىڭ تۋريزم, دەنە تاربيەسى جانە سپورت باسقارماسى مەن استانا قالاسى ءىىد قىزمەتكەرلەرى كوماندالارى اراسىندا ويىن 2:2 ەسەبىمەن اياقتالدى.
سونىمەن قاتار شارا بارىسىندا پوليتسەيلەر قىزمەتتىك يتتەرمەن, ارناۋلى بولىمشە جاۋىنگەرلەرى كورسەتىلىمدىك قويىلىمدار ۇسىندى. سپورت مەكتەپتەرىنىڭ تاربيەلەنۋشىلەرى دە ءوز ونەرلەرىن ورتاعا سالدى.
عالىم قوجابەكوۆ