مادەنيەت

ۇلتتىق مۋزەيدە «عۇنداردىڭ الاندارمەن شايقاسى» تۋىندىسىنىڭ تۇساۋكەسەرى ءوتتى

D4S_6210

شارا «ۇلى دالا ەلى الەمدىك ونەردە» جوباسى اياسىندا ۇيىمداستىرىلدى. كارتينانىڭ اۆتورى – 1805-1880 جىلدارى ءومىر سۇرگەن اۋستريالىق سۋرەتشى پيتەر يوحان نەپومۋك گايگەر.

كوپشىلىككە اۋستريا تاريحىن بەينەلەۋشى رەتىندە تانىمال سۋرەتشى ۆەنا كوركەمونەر اكادەمياسىن بىتىرگەن. ونىڭ قىلقالامىنا ءارتۇرلى تاريحي شىعارمالار ارقاۋ بولعان. مايلى بوياۋمەن سۋرەت سالۋ شەبەرى يوگانن ۆولفگانگ گيوتە, فريدريح شيللەر مەن ۋيليام شەكس­پير سىندى كلاسسيكتەردىڭ تۋىندىلارىنا يلليۋستراتسيالار دا جاساعان.
1850 جىلى شىعىس ەلدەرىنە جاساعان ساپارىنان ورالعان سۋرەتشى سول ەلدەردىڭ تۇرمىس-تىرشىلىگىنەن, سالت-داستۇرىنەن العان اسەرى نەگىزىندە ەۋروپالىق كورەرمەندەرگە بەيمالىم شى­­­عىس الەمىن تانىستىراتىن شىعارمالار توپتاماسىن ءدۇ­نيەگە اكەلدى. ءسويتىپ, 1873 جىلى ول «عۇنداردىڭ الاندارمەن شايقاسى» اتتى گرا­فيكالىق كارتيناسىن دايىن­­دايدى. مۋزەيگە وسى كارتي­نانىڭ ۇلكەيتىلگەن كو­شىر­مەسى قويىلدى.
كوركەم تۋىندىنىڭ سيۋجەتى عۇندار مەن الانداردىڭ ارا­سىنداعى تاريحي شايقاسقا نەگىزدەلەدى. سۋرەتتە ەكى جاۋىن­گەر حالىقتىڭ كەسكىلەسكەن سوعى­سى بەينەلەنگەن. اۆتور الاپات ۇرىستىڭ رۋحىن ەكسپرەسسيا مەن ديناميكاعا تولى سىزىقتار ارقىلى سۋرەتتەگەن.
سونداي-اق, مۋزەي ەكسپوزي­تسياسىنان قازاق حالقىنىڭ جوڭعارلارعا قارسى ازاتتىق كۇرەسىنىڭ ماڭىزدى كەزىن بەي­نەلەيتىن «اڭىراقاي شاي­قاسى» اتتى تۋىندى دا ورىن العان.

ءمادينا جاقىپ

تاعىدا

ۇقساس جاڭالىقتار

پىكىر ۇستەۋ

Back to top button