قۇبىرلار جاڭارتىلادى
مەملەكەت باسشىسى نۇرسۇلتان نازارباەۆ حالىققا ارناعان «نۇرلى جول – بولاشاققا باستار جول» جولداۋىندا جىلۋمەن جانە سۋمەن قامتۋ جۇيەلەرىن جاڭارتۋ قارقىنىن ارتتىرۋ ءۇشىن بيۋدجەتتەن قوسىمشا قاراجات ءبولۋدىڭ قاجەتتىلىگىن ەرەكشە اتاپ وتكەن ەدى.
وسىعان بايلانىستى ينفراقۇرىلىمدى جاڭارتۋ اياسىندا تۇرعىن ءۇي-كوممۋنالدىق شارۋاشىلىعىن جاقسارتۋ, سونىمەن قاتار, ينجەنەرلىك جەلىلەرمەن, جىلۋمەن جانە سۋمەن جابدىقتاۋ جۇيەلەرىن جەتىلدىرۋ ماقساتىندا قالادا اۋقىمدى جوندەۋ جۇمىستارى جۇرگىزىلۋدە.
اتاپ ايتقاندا, بيىل الماتى اۋدانىنىڭ كەنەسارى – قوشقارباەۆ, كەنەسارى – يمانباەۆ, مۇستافين – قۇدايبەردىۇلى, مۇستافين – قوبىلاندى باتىر كوشەلەرىندە; سارىارقا اۋدانىنىڭ سەيفۋللين كوشەسىندە (اۋەزوۆ كوشەسىنەن سارىارقا داڭعىلىنا دەيىن), جەلتوقسان كوشەسىندە (ماسكەۋ كوشەسىنەن بوگەنباي باتىر داڭعىلىنا دەيىن), قاراساي باتىر كوشەسىندە (سارىبۇلاق كوشەسىنەن قارتالى كوشەسىنە دەيىن), كونستيتۋتسيا كوشەسىندە (سارىبۇلاق كوشەسىنەن قارتالى كوشەسىنە دەيىن) جوندەۋ جانە قالپىنا كەلتىرۋ جۇمىستارى اتقارىلادى.
سونىمەن قاتار, «استانا سۋ ارناسى» ينۆەستيتسيالىق باعدارلاما بويىنشا سارىبۇلاق كوشەسىنە (ماسكەۋ كوشەسىنەن تىلەنديەۆ كوشەسىنە دەيىن), تىلەنديەۆ كوشەسىنە (سارىبۇلاق كوشەسىنەن سارىبۇلاق بۇلاعىنا دەيىن), ءوندىرىس كوشەسىنە (اۆتوماتيكا كەنتىنەن وزەرنايا كوشەسىنە دەيىن) سۋ قۇبىرىن تارتۋدى جوسپارلاپ وتىر.