يمانتارازى

قۇربان ايت مۇباراك بولسىن!

07af3d7b88849f9022b1f3becfafec95_big

قۇرمەتتى مۇسىلمان قاۋىم! اراعا جىل سالىپ, كۇللى مۇسىلمان ۇممەتىنىڭ اڭساي كۇتكەن ۇلىق مەرەكەسى – قۇربان ايتى دا كەلىپ جەتتى. ايتۋلى مەرەكە بيىل 4 قازان كۇنى باستالماق. بارشاڭىزدى قازاقستان مۇسىلماندارى ءدىني باسقارماسى جانە «نۇر استانا» ورتالىق مەشىتى ۇجىمىنىڭ اتىنان قۇربان ايت مەرەكەسىمەن شىن جۇرەكتەن قۇتتىقتايمىز!

ايت مەرەكەسىن تويلاۋ

بۇل مەرەكەدە مۇسىلمان قاۋىمى جۋىنىپ-تازالانىپ, تازا جانە ادەمى, جاڭا كيىمدەرىن كيىپ, حوش ءيىس سەۋىپ, مەشىتتە وقىلاتىن ايت نامازىنا جيىلادى. ايت نامازىنان سوڭ يگى مۇسىلمان قاۋىمى ءبىر-ءبىرىن ۇلىق مەرەكەمەن قۇتتىقتاپ, ىزگى تىلەكتەرىن ايتادى. تۇرمىسى تومەن كىسىلەرگە كومەك رەتىندە ساداقاسىن بەرەدى. بۇل كۇندەرى كوڭىل سەرگىتەتىن ويىن-ساۋىققا تىيىم سالىنبايدى, الايدا, شاريعات شەڭبەرىنەن شىققان داراقىلىققا جول بەرىلمەيتىنىن قاپەردە ۇستاعانىمىز ابزال. مىناجاتپەن باستالعان مۇباراك مەرەكە بارلىق ءسان-سالتاناتىمەن يماندىلىق دۋمانىنا ۇلاسادى. ال ەلوردامىزداعى مەشىتتەردە ايت نامازى تاڭعى ساعات 08.00-دە وقىلادى.

وسى ورايدا ايتا كەتكەنىمىز ءجون بولار, مۇسىلمان قاۋىمىنىڭ مۇباراك ەكى ايت مەرەكەسىنىڭ – ورازا ايتى مەن قۇربان ايتىنىڭ وزگەشە تۇستارى بار. ماسەلەن, ورازا ايتىندا تاڭەرتەڭ ايت نامازىنا قۇرما سەكىلدى جەڭىل تاعامداردان ءدام تاتىپ شىعۋ دۇرىس بولىپ ەسەپتەلسە, قۇربان ايتىندا ءنار تاتپاي شىققان ابزالىراق. مۇنىڭ سەبەبى, ارداقتى پايعامبارىمىز مۇحاممەد (س.ا.س.) سول كۇنگى ورازاسىن جاڭا سويىلعان قۇربان ەتىمەن اشقاندى قۇپ ساناعان. سونىمەن قاتار, ورازا ايتتا ءپىتىر ساداقاسى بەرىلسە, قۇربان ايتتا جاي ساداقا بەرىلەدى. ارافا – قۇربان ايتقا بايلانىس­تى كۇن. ويتكەنى, قاجىلار سول كۇنى قاجىلىقتىڭ ەڭ باستى شارتى بولىپ ەسەپتەلەتىن «ارافات ۋاقفاسىن» ورىنداۋ ءۇشىن ارافات تاۋىندا بەلگىلى ءبىر ۋاقىت تۇرادى. ارافا كۇنى تاڭعى نامازدان باستاپ, قۇربان ايتتىڭ ءتورتىنشى كۇنىنىڭ اسىر نامازىنا دەيىن ءاربىر پارىز نامازىنان كەيىن «تاشريق تاكبىرلەرى» ايتىلادى.

تاكبىر تاشريق

ارافا كۇنى تاڭ نامازىنىڭ پارىزىنان كەيىن باستالىپ, قۇربان ايتتىڭ ءتورتىنشى كۇنى ەكىنتى ۋاقىتىنا دەيىنگى بولاتىن ءاربىر پارىز نامازدىڭ سوڭىنان مىنا دۇعانى وقۋ ءۋاجىپ بولىپ تابىلادى:

«اللااھۋ اكبار, اللااھۋ اكبار, ءلاا ءيلااھا يللاللااھۋ ۋاللااھۋ اكبار, اللااھۋ اكبار ۋا ليللااھيل-حامد».

بيىل ارافا كۇنى 3 قازانعا سايكەس كەلىپ وتىر. دەمەك, 3 قازان كۇنى تاڭ نامازىنىڭ پارىزىنان كەيىن باستالعان تاكبىر تاشريق, 7 قازان كۇنى ەكىنتى نامازىنان سوڭ توقتاتىلادى.

سۇيىكتى امال – قۇربان شالۋ

قۇربان ايت مەرەكەسىندە مۇمكىندىگى بار ءاربىر مۇسىلمان بالاسى اللا تاعالانىڭ ريزاشىلىعى ءۇشىن قۇرباندىق شالۋى ءتيىس. ءتىپتى, اللا ەلشىسى (س.ا.س.): «كىمدە-كىم دۇنيە-مۇلكى مول بولا تۇرا قۇربان شالماسا, ءبىزدىڭ مەشىتىمىزگە جاقىنداماسىن» دەپ قاتاڭ ەسكەرتكەن. سوندىقتان قورادا مالىڭىز, ياكي, قالتاڭىزدا قاراجاتىڭىز بولسا, ساراڭدىققا سالىنباي, اللا جولىندا مالىڭىزدى قۇربان ەتىپ, مۇقتاج جاندارعا ۇلەستىرىپ بەرگەيسىز.

بۇل عيبادات – قۇربان ايت نامازىنان كەيىن ايتتىڭ ءۇش كۇنىندە ورىندالادى. سۇيىكتى پايعامبارىمىز (س.ا.س.) مەرەكەنىڭ باستالۋى مەن قۇربان شالۋدىڭ ۋاقىتىنا قاتىستى: «ءبىزدىڭ بۇل كۇندە العاشقى اتقاراتىن ءىسىمىز – ناماز وقۋ, سوسىن قايتىپ كەلىپ, قۇرباندىق شالۋ. كىمدە-كىم وسىلاي ەتسە, ءبىزدىڭ سۇننەتىمىزگە ەرگەنى. ال كىمدە-كىم بۇدان بۇرىن قۇرباندىعىن شالاتىن بولسا, بۇل قۇربانىنىڭ وتباسىنا بەرىلگەن ەتتەن ايىرماشىلىعى جوق. مۇنىڭ قۇربان بولۋى مۇمكىن ەمەس» دەگەن.

ءتورت تۇلىك مالدان تەك قانا قوي, ەشكى, سيىر جانە تۇيە عانا قۇرباندىققا شالىنادى. قوي مەن ەشكى ءبىر جاسقا, سيىر ەكى جاسقا, تۇيە بەس جاسقا تولۋى كەرەك. التى ايدان اسقان توقتىنىڭ سىرتقى كورىنىسى قوماقتى بولسا, قۇرباندىققا جارايدى. ال, ەشكى مىندەتتى تۇردە ءبىر جاسقا تولۋى كەرەك. قوي مەن ەشكى ءبىر كىسى اتىنان قۇربان ەتىلەدى. ال, سيىر مەن تۇيەنى ءبىر ادامنان جەتى ادامعا دەيىن بىرىگىپ قۇربان ەتىپ شالا الادى.

قۇرباندىق قالاي شالىنادى؟

ەڭ الدىمەن قۇرباندىق مالى سول جاعىمەن قۇبىلاعا قاراتىپ جاتقىزىلادى. سوسىن باۋىزدايتىن كىسى «ءبيسميللااھي اللااھۋ اكبار» دەپ ايتادى. مالدى يەگىنىڭ استىنان وڭەشىن, كەڭىردەگىن جانە كۇرە تامىرلارىن كەسە وتىرىپ باۋىز­دايدى. مالدىڭ جانى شىقپاستان باسىن كەسىپ الۋ جانە تەرىسىن الۋ – ماكرۋھ امال. مالدى باۋىزداپ جاتقاندا «ءبيسميللاھ» ءسوزىن ادەيى ايتپاي قويسا, ول مالدىڭ ەتىن جەۋگە بولمايدى.

ەتى كىمگە تاراتىلادى جانە تەرىسىن پايدالانۋعا بولا ما؟

قۇراندا «حاج» سۇرەسىنىڭ 28-اياتىندا: «قۇرباننىڭ ەتىنەن وزدەرىڭ جەڭدەر ءارى مىسكىندەر مەن كەدەيلەرگە جەگىزىڭدەر» دەلىنگەن. دەمەك, قۇرباندىققا شالىنعان مالدىڭ ەتىنەن ءوزى جانە وزگەلەر دە جەي الادى. دۇرىسى, بۇل ماسەلەدە پايعامبارىمىزدىڭ وسيەتىن باسشىلىققا الىپ, قۇربان ەتىن ۇشكە ءبولىپ, ءبىر بولىگىن مۇقتاج جاندارعا, ەكىنشى بولىگىن تۋعان-تۋىستارىڭىز نەمەسە كورشىلەرگە, ال قالعان بولىگىن ءوز وتباسىنا الىپ قالعان ءجون. سونداي-اق, «بارلىعىن اللا جولىندا اتادىم» دەپ قۇربان ەتىن تۇگەلدەي تۇرمىسى تومەن جاندارعا تاراتىپ بەرۋگە دە بولادى. ال, قۇربان شالۋشى ادام سويىلعان مالدىڭ تەرىسىن پايدالانا المايدى جانە قاساپشىعا اقى رەتىندە دە بەرۋىنە بولمايدى. تەرىسى ساداقا رەتىندە بەرىلۋى ءتيىس.

«جەتەۋدىڭ ءبىرى بول دا, راببىڭ ءۇشىن قۇربان شال!»  اكتسياسىنا بىرگە قاتىسايىق

قۇرمەتتى جاماعات! بيىلعى قۇربان ايت مەرەكەسىنىڭ قۇرمەتىنە استانا مەشىتتەرىنىڭ ۇيىمداستىرۋىمەن «جەتەۋدىڭ ءبىرى بول دا, راببىڭ ءۇشىن قۇربان شال!» قايىرىمدىلىق شاراسى وتەدى. قۇرباندىق ەتتەرى استانا قالاسىنداعى مۇقتاج جاندارعا تاراتىلادى. قۇربان شالۋعا جاعدايى جەتەتىن بارشا مۇسىلمان باۋىرلارىمىزدى شاراعا اتسالىسۋعا شاقىرامىز! ءسىزدىڭ كومەگىڭىز وزگەگە قۋانىش سىيلايتىنىن ۇمىتپاڭىز!

يسلام ءدىنى – تازالىقتى تۋ ەتكەن ءدىن. سوندىقتان ۇلىق مەرەكە قارساڭىندا قالاداعى كوپ قاباتتى تۇرعىن ءۇي اۋلالارى مەن كوشە بويلارىندا تازالىقتى ساقتاۋ ماقساتىندا قۇربان شالۋ ءراسىمىن ارناۋلى ورىنداردا عانا اتقارۋعا شاقىرامىز.

جاراتقان يەمىز قۇلشىلىقتا­ر­ىڭىزدى قابىل ەتىپ, ماقسات-مۇراتتارىڭىزدى اسىل ەتكەي! قاسيەتتى ورىنداردا قاجىلىق پارىزدارىن وتەۋ ءۇشىن جولعا شىققان باۋىرلارىمىزعا ءدىن امان ەلگە ورالۋدى جازعاي! اللا تاعالا كۇللى مۇسىلمان ۇممەتىن جارىلقاپ, اسىل ءدىنىمىز يسلامعا كۇش-قۋات بەرگەي! قۇربان ايت مەرەكەسى قۇتتى بولىپ, شالعان قۇرباندىقتارىڭىز قابىل بولسىن! ءامين!

نە؟ قايدا؟ قاشان؟

4.10  

  • قۇربان ايت نامازىنان كەيىن «نۇر استانا», «ازىرەت سۇلتان» مەشىتتەرىنىڭ اۋلاسىندا جالپى جۇرتشىلىققا ارنالعان مەرەكەلىك جارمەڭكە ۇيىمداستىرىلادى;
  • ساعات 14.00-دە «ازىرەت سۇلتان» مەشىتىنىڭ اۋلاسىندا سپورتتىق ويىندار سايىسى وتەدى.

5.10  

  • ساعات 16:00-18:00 ارالىعىندا «نۇر استانا» ورتالىق مەشىتىنىڭ ۇيىمداستىرۋىمەن «حانشاتىر» ساۋدا ويىن-ساۋىق ورتالىعىندا «قۇربان ايت قۇتتى بولسىن!» اتتى مەرەكەلىك كونتسەرتى;
  • استانا مەشىتتەرىنىڭ ۇيىمداستىرۋىمەن «جەتەۋدىڭ ءبىرى بول دا, راببىڭ ۇشىنقۇربان شال!» قايىرىمدىلىق اكتسياسى «التىن تاعا» مال بازارىندا وتەدى;
  • «ءاس-ءسالام» مەشىتىندە جالپى جاماعاتقا مەرەكەلىك داستارقان جايىلادى.

4-6.10

  • استانا مەشىتتەرىنىڭ قىزمەتكەرلەرىقالاداعى مۇقتاج جانداردىڭ ۇيلەرىنە ارنايى بارىپ, ايت مەرەكەسىمەن قۇتتىقتاپ, ازىق-تۇلىك جانە قۇرباندىق ەتتەرىن تاراتادى;
  • اۋرۋحانالارداعى سىرقات جانداردىڭ كوڭىلىن سۇراپ, ايتتىق سىيلىقتار تارتۋ ەتىلەدى;
  • «قايىرىمدى, ىزگى كىسى كوگەرەر, ىزگى كىسى – حالىق جۇگىن كوتەرەر» اتتى رەسپۋبليكالىق اكتسيا اياسىندا قالا مەشىتتەرىنىڭ قىزمەتكەرلەرى استانا اكىمدىگىمەن بىرلەسە وتىرىپ, قۇرباندىق ەتتەرىن مۇقتاج جاندارعا ۇلەستىرەدى;
  • 6 قازاندا س.عىلماني جانە شەيح كۇنتا قاجى مەشىتتەرىنىڭ ۇيىمداستىرۋىمەن استانا قالاسىنداعىقارتتارۇيىندە «قارتتارىم – اسىل قازىنام» دەگەن اتپەن مەرەكەلىك رۋحاني كەش وتەدى;
  • «نۇر استانا» ورتالىق مەشىتىندە جاماعات اراسىندا قۇربان ايت مەرەكەسىنە ارنالعان سۇراق-جاۋاپ سايىسى وتەدى.

ناۋرىزباي قاجى تاعانۇلى,

 «نۇر استانا» ورتالىق مەشىتىنىڭ باس يمامى 

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button