مەرەكەلىك شارالارعا دايىندىققا بايلانىستى استانا قالاسىندا 30 ساۋىرگە دەيىن تاۋەلسىزدىك داڭعىلىنىڭ بويىنداعى ا.بايتۇرسىنوۆ كوشەسىنەن ج.ناجىمەدەنوۆ كوشەسىنە دەيىنگى جول قوزعالىسى جارتىلاي شەكتەلەدى.
1 مامىر كۇنى ساعات 7.00-13.00-گە دەيىن تاۋەلسىزدىك داڭعىلىندا, ب.مومىشۇلى داڭعىلىنان ش.قالداياقوۆ كوشەسىنە دەيىن, ش.قالداياقوۆ كوشەسىندە №3 كوپىر جولايىرىعىنان وباعان كوشەسىنە دەيىن, ر.قوشقارباەۆ كوشەسىندە ب.مومىشۇلى داڭعىلىنان سارىكول كوشەسىنە دەيىن, ايناكول كوشەسىندە سارىكول كوشەسىنەن ج.ناجىمەدەنوۆ كوشەسىنە دەيىنگى جولدار جابىلادى.
1 مامىر كۇنى وتكىزىلگەن مەرەكەلىك شارالار كەزىندە قوعامدىق كولىكتىڭ قوزعالىس كەستەسىنە دە وزگەرتۋلەر ەنگىزىلەدى.
اتاپ ايتقاندا, №3 باعىتتاعى اۆتوبۋستىڭ قوزعالىس كەستەسى تاۋەلسىزدىك داڭعىلىنان ر.قوشقارباەۆ كوشەسىنە دەيىن شەكتەلىپ, ب.مومىشۇلى داڭعىلىنان بۇرىلادى جانە م.جۇماباەۆ كوشەسى ارقىلى «سارايشىق» تۇرعىن ءۇي كەشەنىنە دەيىن, ال, كەرى قايتاردا ر.قوشقارباەۆ كوشەسى ارقىلى جۇرەدى.
№ 4, 14 باعىتتاعى اۆتوبۋستاردىڭ قوزعالىسى تاۋەلسىزدىك داڭعىلىنان ر.قوشقارباەۆ كوشەسىنە دەيىن شەكتەلەدى;
№19, 40 باعىتتاعى اۆتوبۋستاردىڭ قوزعالىسى تاۋەلسىزدىك داڭعىلىنان ر.قوشقارباەۆ كوشەسىنە دەيىن شەكتەلىپ, ب.مومىشۇلى داڭعىلىندا
№1 كوپىر ارقىلى كەرى بۇرىلادى;
№21 باعىتتاعى اۆتوبۋستىڭ قوزعالىسى سىعاناق كوشەسىنەن ورىنبور كوشەسىنە دەيىن شەكتەلەدى;
№32 باعىتتاعى اۆتوبۋستىڭ قوزعالىسى ايناكول كوشەسىنەن, م.جۇماباەۆ داڭعىلىمەن ب.مومىشۇلى داڭعىلى ارقىلى №1 كوپىرگە دەيىن شەكتەلىپ, ءارى قاراي بۇرىنعى كەستە بويىنشا جالعاسادى.
نە؟ قايدا؟ قاشان؟
قازاقستان حالقى كۇنىنە ارنالعان نەگىزگى ءىس-شارالار – مەرەكەلىك كونتسەرت پەن حالىقتىق سەرۋەن 1 مامىر كۇنى ساعات 10:00-دەن 15:00-گە دەيىن «قازاق ەلى» مونۋمەنتىنىڭ الدىنداعى الاڭدا وتەدى. سول كۇنى ساعات 10:00-دەن 23:00-گە دەيىن «بايتەرەك» مونۋمەنتىنىڭ الدىندا, استانا قالاسى اكىمدىگىنىڭ الدىنداعى الاڭدا, «ستۋدەنتتىك» ساياباقتا, سونىمەن قاتار ساعات 10:00-دەن 19:00-گە دەيىن «جاستار» تەاترىنىڭ اۋماعىندا (بۇرىنعى ك.بايسەيىتوۆا اتىنداعى وپەرا جانە بالەت تەاترى), «جاستار ساياباعىندا» جانە م.وتەمىسۇلى اتىنداعى وقۋشىلار سارايى ماڭىنداعى ەسىل وزەنىنىڭ جاعالاۋىندا مەرەكەلىك شارالار كورىگى قىزا تۇسپەك.
قازاقستان حالقىنىڭ بىرلىگى كۇنىنە ارنالعان باستى مەرەكەلىك شارالار ءۇش بىردەي الاڭدا (قالالىق اكىمدىكتىڭ الدىنداعى الاڭدا, عاشىقتار ساياباعىندا جانە «بايتەرەك» مونۋمەنتىنىڭ جانىندا) LED-مونيتورلار ارقىلى كورسەتىلەدى.
سونىمەن قاتار, 1 مامىر كۇنى قالا تۇرعىندارى ءۇشىن ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا ساعات 18:30-دا جانە م.گوركي اتىنداعى مەملەكەتتىك اكادەميالىق ورىس دراما تەاترىندا ساعات 18:00-دە «جۇبايلار جۇمباعى» مەن «حانۋما» اتتى مۋزىكالىق كومەديالار قويىلادى.
ءساۋىردىڭ 30-نان مامىردىڭ 4-نە دەيىن ساعات 10:00-دەن 18:00-گە دەيىن س.سەيفۋللين اتىنداعى مۇراجايدا «بەرەكە باسى – دوستىق» اتتى كورمە مەن 15 مامىردا ساعات 19:00-دە كونگرەسس-حولدا استانا قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ «شالقىما» بي ءانسامبلى «دوستىق پوەزياسى» اتتى كونتسەرت قويادى.
