قالا مەن سالا

قىلمىستىڭ الدىن الۋ قيىن بولىپ تۇر

kriminal_2

جاقىندا استانا قالالىق پروكۋراتۋراسىندا ۇرلىق, الاياقتىق, توناۋ, قاراقشىلىق جانە بوپسالاۋ سەكىلدى قىلمىستىق ارەكەتتەرگە قارسى اتقارىلىپ جاتقان شارالاردىڭ جاي-كۇيىنە ارنالعان وتىرىس بولىپ ءوتتى. سونداي-اق, جيىن بارىسىندا وسى جىلدىڭ العاشقى التى ايىندا ورىن العان قىلمىستىق ارەكەتتەر جونىندە اڭگىمە قوزعالدى.

استانا قالالىق پروكۋراتۋراسىنىڭ قىزمەتكەرلەرى ەلوردادا كۇننەن كۇنگە قىلمىس سانىنىڭ ارتىپ كەلە جات­قا­نىنا الاڭداۋشىلىق ءبىلدىرىپ, دابىل قاعۋدا. ولاردىڭ ايتۋىنشا, قۇقىق قورعاۋ ورگاندارىنىڭ جۇمىسى كوڭىل كونشىتەرلىك دەڭگەيدە ەمەس. سەبەبى, اشىل­­ماي قالعان قىلمىستاردىڭ سانى كوپ بولىپ تۇر. سونىڭ ىشىندە بيىلعى التى ايدا تىركەلگەن قىلمىستاردىڭ ەڭ كوبى – ۇرلىق. ول تۋرالى استانا قا­لاسى پروكۋراتۋراسىنىڭ اعا پروكۋ­رورى ءانۋار قۋاناليەۆتىڭ ءوزى بايان ەتتى.

«وكىنىشكە قاراي, استانا قالاسىندا جاسالعان قىلمىستاردىڭ ەڭ كوبى ۇرلىق-قارلىق بوپ تۇر. ءيا, بۇعان قارسى قۇقىق قورعاۋ ورگاندارى بارىنشا جۇمىس جاساپ جاتىر. الايدا, قىلمىستىڭ كۇرت ارتۋىنا بايلانىس­تى بۇل قارەكەتتەرى جەتكىلىكسىز دەپ ساناپ, وسى ماسەلەنى تالداۋ ءۇشىن القا ءماجىلىسىن وتكىزىپ وتىرمىز» دەدى ول.

ناقتى دەرەكتەر بويىنشا, جىل باسىنان بەرى استانادا ۇرلىققا قاتىستى 9807 قىلمىس تىركەلگەن. بۇل وتكەن جىلمەن سالىستىرعاندا ەكى ەسە ارتىق. ال, الاياقتىق بويىنشا 2310 جاعداي ورىن السا, ازاماتتار 44 مارتە قاراقشىلىق شابۋىلدىڭ قۇر­بانىنا اينالعان ەكەن. كەرىسىنشە, بىلتىرعىمەن سالىستىرعاندا بوپسالاۋ ەداۋىر ازايعان. بۇگىنگى كۇنى قۇقىق قورعاۋشىلاردىڭ قۇرىعىنان قۇتىلا الماي, اشكەرە بولعان قىلمىس­تاردىڭ ىشىندە ۇرلىقتىڭ 5,4 پايىزى, الاياقتىقتىڭ 13,8 پايىزى, بۇزا­قى­لىقتىڭ 63,5 پايىزى, توناۋدىڭ 26,9 جانە بوپسالاۋدىڭ 15 پايىزى عانا اشىلىپ وتىر.

بۇل جونىندە استانا قالاسى پروكۋ­راتۋراسىنىڭ باسقارما باسشىسى دانيار ەرمەكوۆ بىلاي دەيدى:

«قىلمىستىق ىستەر قالا بويىنشا ءۇش اۋداندا بىردەي كوبەيۋ ۇستىندە دەۋگە بولادى. شىنى كەرەك, ولاردىڭ 50 پايىزدان كوبى اشىلماي جاتىر. ولاردىڭ ىشىندە الاياقتىقپەن اينالىسقانداردى ۇستاۋ كوبىنە قيىندىق تۋدىرادى. سەبەبى, الاياقتار وعان الدىن الا ارنايى دايىندالىپ, ازاماتتاردى الداۋ ارقىلى اقشالارىن قولدى ەتۋگە تىرىسادى».

پروكۋراتۋرا قىزمەتكەرلەرىنىڭ ايتۋىنشا, قاراقشىلىق پەن توناۋعا قاتىستى قىلمىستىق ءىس شاعىم تۇسكەن كۇنى بىردەن قوزعالماي, كەيىن تەرگەۋالدى تەكسەرۋ مەرزىمىن قاساقانا ۇزارتۋ سياقتى زاڭسىزدىقتار ورىن الىپ وتىرعان ەكەن. ماماندارعا سەنسەك, بۇل ءوز كەزەگىندە قىلمىستىڭ اشىلۋىنا ۇلكەن كەدەرگى كەلتىرەدى.

نۇريسلام قۇسپانعالي

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button