الەۋمەتجاڭالىقتارقالا تىرشىلىگى

قىزىلوردا – كۇرىشىن, قىزىلجار – قىمىزىن…

preview-image

بۇگىن استانا قالاسى اكىمدىگى الدىنداعى الاڭدا تاڭەرتەڭگى ساعات 10.00-دەن باستاپ قىزىلوردا جانە سولتۇستىك قازاقستان وبلىستارى اگروونەركاسىپ قىزمەتكەرلەرىنىڭ اۋىل شارۋاشىلىعى جارمەڭكەسى وتكىزىلەدى.

قالا اكىمى ءباسپاسوز قىزمەتىنىڭ مالىمەتىنشە, ايماقتار تاۋار وندىرۋشىلەرى ۇسىنعان ونىمدەردىڭ باعاسى بازار  نارىعىنان 15-20 %  ارزان بولماق.

اتاپ ايتقاندا, سولتۇستىك قازاقستان وبلىسىنىڭ 13 اۋدانى مەن پەتروپاۆل قالاسىنىڭ وكىلدەرى ءجار­مەڭكەدە 760 توننا اۋىل شارۋاشىلىق ءونىمنىڭ 100 ءتۇرىن, سونىڭ ىشىندە, 400 توننا كوكونىس, 60 توننا ەت, 15 توننا شۇجىق ونىمدەرى, 15 توننا ءسۇت ونىمدەرى, 20 توننا ۇن, 10 توننا ماكارون ءونىمى, 15 توننا بال مەن ومارتاشىلىق ونىمدەر, 15 توننا بالىق پەن 220 توننا باسقا دا ازىق-تۇلىك ونىمدەرىن ساتادى.

قىزىلوردا وبلىسىنان جارمەڭكەگە 7 اۋدان مەن قىزىلوردا قالاسىنىڭ كاسىپكەرلەرى قاتىسادى. جالپى, 414 توننا ءونىم, سونىڭ ىشىندە 140 توننا كوكونىس, 95 توننا كۇرىش, 91 توننا باقشا داقىلدارى, 25 توننا بالىق, 20,2 توننا ەت پەن 41 توننا باسقا دا ونىمدەر شىعارىلادى.

بارلىعى اتالعان وڭىرلەردەن استاناعا 1100 توننادان استام ءتۇرلى ءونىم جەتكىزىلەدى.

سونىمەن قاتار, جارمەڭكەدە قولونەر بۇيىمدارى ساتىلىپ, وبلىستىڭ شىعارماشىلىق ۇجىمدارى كونتسەرت قويادى.

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button