بۇگىن ەلىمىزدەگى ەڭ ۇلكەن ساياسي وقيعا. سايلاۋعا ۇيىمشىلدىقپەن قاتىسۋ — ءاربىر ازاماتىڭ پارىزى. سايلاۋ ۋچاسكەسىنە ەرتە كەلىپ, داۋىس بەرگەن ارىپتەس ارداگەر اعامىزدىڭ ءبىرى – قر ەڭبەك سىڭىرگەن قايراتكەرى, “قازاقستاننىڭ قۇرمەتتى ءجۋرناليسى”, ارداگەر ءجۇمادىل ادىلباەۆ. ول بيىل شىعىس قازاقستان وبلىسىنان استاناعا قونىس اۋدارىپ, ەلوردادا ءبىرىنشى رەت داۋىس بەردى.
“بۇل سايلاۋ – ەرەكشە سايلاۋ, دەموكراتيالىق قوعامنىڭ كورىنىسى. پرەزيدەنىمىز قاسىم-جومارت توقاەۆتىڭ ايتقانىنداي, دەموكراتيالىق, ەركىن سايلاۋ.
پرەزيدەنتتىڭ ايتقاندارى ورىندالار بولسا, ەشكىمگە قىسىم كورسەتۋ بولمايدى, ءبارى ەركىن, اشىق فورماتتا وتەدى.
بيۋللەتەندەردى ساناۋدا زاڭ بۇزۋشىلىق بولمايدى دەپ سەنەمىز. ۇمىتكەرلەردىڭ ءبارى جاقسى. ءوزىم پرەزيدەنتتىڭ باستاعان باستامالارىنىڭ ىسكە اساتىنىنا سەنەمىن. جالپى, ءبىزدى بىرىكتىرەتىن ورتاق ماقسات – ەل يگىلىگى ءۇشىن جۇمىس ىستەۋ. مىنە, سوندىقتان دا “استانا وپەرا” تەاترىندا ورنالاسقان #393 سايلاۋ ۋچاسكەسىنە كەلىپ, وتباسىمىزبەن داۋىس بەردىك”, – دەيدى ارداگەر جۋرناليست ءجۇمادىل ادىلباەۆ.
