#جاڭا قازاقستان

سايلاۋ ۋچاسكەسىنە ينۆاتاكسيمەن جەتتى

«مۇگەدەك جاستار قوعامى» قوعامدىق بىرلەستىگى توراعاسى مۇرات ءابدىمومىنوۆ قالاداعى №74 مەكتەپ-گيمنازياسىندا ورنالاسقان №331 سايلاۋ ۋچاسكەسىنە ينۆاتاكسيمەن كەلىپ, داۋىس بەردى.

—بۇگىنگى سايلاۋدان كەيىن ەلىمىزدىڭ جاعدايى ودان سايىن جاقسارىپ, بۇعان دەيىن قابىلدانعان كوپتەگەن باعدارلامالار ءساتتى اياقتالادى دەگەن سەنىمدەمىن. سونىمەن قاتار قالا اكىمدىگىنىڭ قولداۋىمەن جانە «قازاق زاعيپتار قوعامى» بىرلەستىگىنىڭ ينۆاتاكسي قىزمەتىنىڭ ارقاسىندا قالانىڭ شەت ايماعىنان كەلىپ, سايلاۋعا قاتىسۋعا مۇمكىندىك بەرىلگەنىنە العىسىمدى بىلدىرەمىن. بۇل قىزمەت قالادا 29 مىڭنان استام  مۇمكىندىگى شەكتەۋلى جاندارعا كورسەتىلىپ وتىر. مۇنىڭ ءبارى اكىمدىكتىڭ, جۇمىسپەن قامتۋ جانە الەۋمەتتىك قورعاۋ باسقارماسىنىڭ كۇشىمەن اتقارىلىپ, ءبىز سياقتى جاندار بارلىق قوعام وكىلدەرىمەن بىردەي قالاعان جەرىمىزگە بارۋعا مۇمكىندىك الىپ وتىرمىز,-دەيدى ول.

مۇگەدەك جانداردى الەۋمەتتىك قىزمەتتەرمەن قامتاماسىز ەتەتىن بىرلەستىك 1937 جىلى قۇرىلعان.

-3 ينۆاتاكسي قىزمەتىن 2014 جىلدان بەرى اشتىق. ءبىزدىڭ قوعام ينۆاتاكسي قىزمەتىمەن 400-گە جۋىق ادامدى قامتاماسىز ەتەدى. ينۆاتاكسي قىزمەتىن پايدالانۋ ءۇشىن 1 تاۋلىك بۇرىن تاپسىرىس بەرۋى كەرەك. نەگىزىنەن الەۋمەتتىك ماڭىزى بار نىساندارعا اپارامىز,-دەيدى «قازاق زاعيپتار قوعامى» قب ينۆاتاكسي ديسپەتچەرى الما سارمۋرزاەۆا.

تاعىدا

رايحان راحمەتوۆا

«استانا اقشامى» گازەتىنىڭ شولۋشىسى

ۇقساس جاڭالىقتار

پىكىر ۇستەۋ

Back to top button