قازاق اگروتەحنيكالىق ۋنيۆەرسيتەتىندە سۇڭقار اقىن, مەملەكەت قايراتكەرى ساكەن سەيفۋلليننىڭ تۋعانىنا 120 جىل تولۋىنا وراي بىرقاتار شارالار ءوتتى.
اۋەلى اتاۋلى كۇن «جۇرەككە ىستىق, كوزگە سۇيىك ءوز ەلىم» اتتى رەسپۋبليكالىق ءمۇشايرادا دۋىلداپ ولەڭ وقىعان اقىندار سالتاناتىمەن ايشىقتالدى. اقىنداردىڭ قارىمى مەن شالىمىن رەسپۋبليكالىق «تۇمار» ادەبي جۋرنالىنىڭ باس رەداكتورى, اقىن وڭايگۇل تۇرجان, مەملەكەتتىك «دارىن» جاستار سىيلىعىنىڭ يەگەرى اقبەرەن ەلگەزەك, حالىقارالىق «شابىت» شىعارماشىل جاستار فەستيۆالىنىڭ لاۋرەاتى, اقىن ەرلان ءجۇنىس, س.سەيفۋللين اتىنداعى ۋنيۆەرسيتەتتىڭ كافەدرا مەڭگەرۋشىسى, دوتسەنت ءساليما كەنجەمۇراتوۆالار باعالادى.
سۇڭقار ساكەن قۇرمەتىنە ۇيىمداستىرىلعان جىر دوداسىنا الماتى, اتىراۋ, كوكشەتاۋ, شىمكەنت, تاراز, قوستاناي, قىسقاسى, ەلدىڭ ءتورت تارابىنان توگىلگەن جىرعا سەزىم اۋناتقان جاس اقىندار قاتىستى.
ايبىندى جىرىمەن كوزگە تۇسكەن اتىراۋلىق ەربولات قاراقويشى ءى ورىندى يەلەندى, ال ءىى ورىن تارازدان كەلگەن نۇربولات جولداسبەككە بۇيىردى. سونىمەن قاتار, جۇلدەلى ءىى ورىنعا الماتىدان كەلگەن جايدار جاقسىلىقوۆتىڭ ولەڭى لايىق دەپ تانىلدى. رەسپۋبليكالىق «تۇمار» جۋرنالىنىڭ ارناۋلى سىيلىعىن س.سەيفۋللين اتىنداعى قازاتۋدىڭ ستۋدەنتى نۇربالا الدامجاروۆا قانجىعالادى.
ءتۇس اۋا شارانى ساكەننىڭ ليريكالىق ولەڭدەرىن مانەرلەپ وقۋ سايىسى قىزدىرا ءتۇستى. جازۋشى, «اق جايىق» جۋرنالىنىڭ باس رەداكتورى راحىمجان وتارباەۆ باستاعان قازىلار القاسى اقىن شىعارمالارىن شىن بەرىلە, سەزىم قىلىن شەرتە وقىعان جاستارعا جۇلدە تابىستادى. I ورىندى استانالىق حازرت تولەگەنوۆ,
II ورىندى اقتوبەلىك ءمولدىر كەنجەكەەۆا مەن استانالىق ەرحان ماۋلەنبەرديەۆ يەلەنسە, III ورىندى كاسىپتىك كوللەدج ستۋدەنتى يرينا ساپوجنيكوۆا مەن اتىراۋلىق
التىناي سەرىكپاي تەڭدەي ءبولىستى.
كەشقۇرىم ۋنيۆەرسيتەتكە جينالعان مەيماندار «اق جەلكەن» ستۋدەنتتىك تەاترى ساحنالاعان عازيز ەشتاناەۆتىڭ «جولايىرىقتا» درامالىق قويىلىمىن تاماشالادى. ساكەن رولىندە ۋنيۆەرسيتەتتىڭ ۆەتەريناريا جانە مال شارۋاشىلىعى تەحنولوگياسى فاكۋلتەتىنىڭ ستۋدەنتى باۋىرجان جاقسىباەۆ, ماعجان جۇماباەۆتىڭ رولىندە ەكونوميكالىق فاكۋلتەتتىڭ ستۋدەنتى الىبەك مىرزاقۇلوۆ وينادى.
س.سەيفۋلليننىڭ 120 جىلدىعىنا ارنالعان شارالار لەگى ۋنيۆەرسيتەتتە جىل اياعىنا دەيىن جالعاسىن تاپپاق.
ايجان جۇماباەۆا
