الەۋمەت

سالا جەتىستىكتەرى سارالاندى

«نۇر وتان» حالىقتىق دەموكراتيالىق پارتياسى – ەلباسىنىڭ ستراتەگيالىق ويلارىن ىسكە اسىرىپ, ەل دامۋىنىڭ باعىتىن انىقتايتىن «قازاقستان-2017» ماقساتتارى. ۇلتتىق ءىس-قيمىل جوسپارى» اتتى سايلاۋالدى تۇعىرناماسىن بەكىتكەن بولاتىن. ونى جۇزەگە اسىرۋ بو­يىنشا بەلگىلەنگەن ءىس-شارالار جوسپارىنا سايكەس 31 شىلدەدە استانا قالالىق ماسليحاتىنداعى «نۇر وتان» حدپ دەپۋتاتتىق فراكتسياسىنىڭ كەڭەيتىلگەن وتىرىسى ءوتتى. وعان «نۇر وتان» حدپ – ساياسي كەڭەسىنىڭ مۇشەسى, استانا قالاسى اكىمىنىڭ ورىنباسارى ايدا بالاەۆا مەن پارتيانىڭ استانا قالالىق فيليالى توراعاسىنىڭ ورىنباسارى ساپار احمەتوۆ قاتىستى.

جۇمىسپەن قامتۋ جانە الەۋمەتتىك باعدار­لا­مالار باسقارماسى باسشىسىنىڭ ورىنباسارى ولجاس ومار, زەينەتاقى تولەۋ جونىندەگى مەم­لە­كەتتىك ورتالىقتىڭ استانا قالالىق فيليالى دي­رەكتورىنىڭ ورىنباسارى ولجاباي بەيسەنباەۆ, دەن­ساۋلىق ساقتاۋ باسقارماسىنىڭ باسشىسى ايگۇل سەگىزباەۆا فراكتسيا دەپۋتاتتارى, كاسىپورىن جەتەكشىلەرى مەن قوعامدىق بىرلەستىك وكىلدەرى الدىندا بايانداما جاساپ, ءوز سالالارىنداعى اتقا­رىلعان ىستەرگە توقتالدى.
«جۇمىسپەن قامتۋ-2020» باعدار­لاماسىن جۇزەگە اسىرۋ جانە حالىقتىڭ الەۋمەتتىك جاعىنان از قامتىلعان بولىگى مەن زەينەتكەرلەردى قولداۋ – وزەكتى ماسەلەنىڭ ءبىرى. دەرەكتەرگە ءسۇ­يەنسەك, بۇگىنگى كۇندە قالالىق جۇمىسپەن قام­تۋ ورتا­لىعىنا 6085 ادام تىركەلگەن. ونىڭ ىشىندە 3447 ادامعا الەۋمەتتىك قورعاۋ شارالارى كور­سەتىلىپ, 1131 ادام باسقارما كومەگىمەن جۇمىس­قا ورنالاسقان. جۇمىسسىزداردىڭ قالعان بولىگى الەۋ­مەتتىك قىز­مەت ورىندارىنا جۇمىسقا تارتىلدى. باعدارلا­مانى جۇزەگە اسىرۋ ءۇشىن رەسپۋب­ليكالىق بيۋدجەتتەن 580,4 ملن تەڭگە بولىنگەن.
جۇمىسسىزدىق ماسەلەسىنىڭ بىردەن-ءبىر شەشىمى – جاڭا جۇمىس ورىندارىن اشۋ. جۇمىسپەن قامتۋ جانە الەۋمەتتىك باعدارلامالار باسقارماسى باسشىسى ورىنباسارىنىڭ ايتۋىنشا, سوڭعى بەس جىلدا ەلوردادا 60 مىڭنان استام جۇمىس ورنى اشىلعان. وتكەن جىلدىڭ وزىندە قالا ەكونوميكاسىنىڭ ءارتۇرلى سالالارىندا 18 024 جاڭا جۇمىس ورنى اشىلسا, سوڭعى التى ايدىڭ كورسەتكىشى – 9619. 790,2 مىڭ قالا حالقىنىڭ ەڭبەككە قابىلەتتى بولىگى 433,9 مىڭ ادامدى قۇ­رايدى. ونىڭ 409,7-ءسى ناقتى جۇمىسپەن قامتىلعان. جىل سايىن استاناعا تۇر­عىلىقتى كوشىپ كەلەتىن 40 مىڭنان استام ادامنىڭ شامامەن ون مىڭى ەڭبەككە قابىلەتتى ەكونوميكالىق بەلسەندى ادامدارى ەكەنىن ەسكەرسەك, جۇمىسپەن قامتۋ ماسەلەسى وزەكتى بولىپ قالا بەرمەك.
باسقارمانىڭ جۇمىسىنا شولۋ جاسا­عان استانا قالاسى بويىنشا تەكسەرۋ كوميسسياسىنىڭ باقىلاۋ ءبولىمىنىڭ جە­تەكشىسى گالينا سوتنيكوۆا الەۋمەتتىك ماڭىزدى باعدارلامانى جۇزەگە اسىرۋدا ءوزارا بايلانىس پەن ۇيلەستىرۋدىڭ كەمدىگىن العا تارتتى. «جۇمىسپەن قامتۋ-2020» باعدارلاماسىنىڭ باستى ءمىند­ەتى – قازاقستان رەسپۋبليكاسىنىڭ ۇدە­مەلى يندۋستريالىق-يننوۆاتسيالىق دامۋىنىڭ 2010-2014 جىلدارعا ارنالعان مەملەكەتتىك باع­دارلاماسىن جۇزەگە اسىراتىن ماماندار الەۋەتىن دامىتۋ بولسا, ونى بۇدان دا ءتيىمدى جۇرگىزۋگە بولادى» دەگەن پىكىرىن ءبىلدىردى. بۇل ماسەلەنىڭ شەشىمىنە ۇسىنىس رەتىندە شىنى وڭدەۋ زاۋىتىنىڭ ديرەكتورى ليۋدميلا شەپەلەۆا مامانداردى وقىتۋ, قايتا دايارلاۋ كۋرستارىن ناقتى كاسىپورىنداردا اشىپ, وزىمىزگە قاجەتتى مامانداردى دايارلاۋعا تىكەلەي ارالاسايىق دەگەن تىلەگىن ءبىلدىردى.
سونىمەن قاتار, مەديتسينالىق قىز­مەتتىڭ ساپاسىمەن قولجەتىمدىلىگىن ارت­تىرۋعا قولبايلاۋ پروبلەمالاردى شەشۋ جايى ءسوز بولدى. دەنساۋلىق ساق­تاۋ باس­قارماسىنىڭ باسشىسى ايگۇل سەگىز­باەۆا­نىڭ ايتۋىنشا, مەديتسينا سالاسىندا ىلگەرىلەۋشىلىك بار. ەسەپتى كەزەڭدە بەلەڭ العان اۋرۋلاردىڭ تارالۋى, انا مەن بالا ءولiم-جiتiمiنiڭ كورسەتكiشتەرi تومەندەگەن. «جىلدان جىلعا جوعارى ساناتتى مەديتسينالىق مەكەمەلەردىڭ سانى ارتىپ كەلەدى. قا­زىرگى كۇندە 32 مەديتسينالىق مەكەمە جۇمىس ىستەيدى. جوعارى ساناتتى مەدي­تسينالىق كومەك كورسەتۋ دەڭگەيى 20 پايىزعا ءوستى» دەدى باسقارما باسشىسى. قالالىق ءماسليحاتتىڭ الەۋمەتتىك-مادەني دامۋ ماسەلەلەرى جونىندەگى تۇراقتى كوميس­سياسىنىڭ توراعاسى اباي بايگەنجين قالالىق دەنساۋلىق ساقتاۋ سالاسى قىزمەتىنىڭ ساپاسىن ارتتىرۋ مۇمكىندىكتەرىن باعالاپ, تۇرعىندار ارا­سىندا سانيتاريالىق-ناسيحات جۇمىستارىن جان­داندىرۋ قاجەتتىگىن ايتتى.

ايگۇل ۋايسوۆا

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button