بۇل سۋرەت 1968 جىلى تسەلينوگراد قالاسىندا تۇسىرىلگەن. سول كەزدەگى وبلىستىق تاريحي-ولكەتانۋ مۋزەيىنىڭ ديرەكتورى س.ي.لۋرە قوعام قايراتكەرى, الماتى قالاسىنداعى رەسپۋبليكالىق ۇلتتىق مۇراجايدىڭ ديرەكتورى سارا ساتبايقىزىن ءوزى باسقاراتىن مۋزەي قىزمەتكەرلەرىمەن تاجىريبە ءبولىسۋ ءۇشىن شاقىرادى.
الپىسىنشى جىلداردىڭ اياعىندا تىڭ ولكەسىندە كونەنىڭ كوزى سانالاتىن جادىگەر قۇندىلىقتاردى ىزدەپ تاۋىپ, جيناقتاپ, جاس ۇرپاق تاربيەسىنىڭ قاينار كوزىنە اينالدىرۋ جولىندا جوسپارلى جۇمىستار كەڭىنەن ەتەك العان بولاتىن. مىنە, وسى نەگىزدە اتى رەسپۋبليكاعا كەڭىنەن تانىمال, وسى سالانىڭ كوريفەيى سانالاتىن جاننىڭ تالىمگەرلىك تالىمىمەن ءبولىسۋ مۋزەي قىزمەتكەرلەرى ءۇشىن ۇلكەن جەتىستىك بولدى.
ىرگەتاسى 1923 جىلى قالانعان بۇل مۋزەي كەيىن ادىستەمەلىك ورتالىققا اينالادى. استانا قالاسىنداعى قازىرگى ساكەن سەيفۋللين مۋزەيى وسى مۋزەيدىڭ ادەبيەت ءبولىمىنىڭ بازاسىندا اشىلعان.
سارا ەسوۆا تسەلينوگرادتىقتار ءۇشىن قازاقستانداعى ايەل تەڭدىگى جولىنداعى بەل بۋىپ كۇرەسكەن قايراتكەر عانا ەمەس, تۇڭعىش كومسومول, ايەل جۋرناليست رەتىندە دە قۇرمەتتەلەتىن. ول 1937-1938 جىلدارعى ستاليندىك قاندى قاساپتىڭ قۇربانىنا اينالعان بۇرىنعى قازاق سسر-ءى حالىق كوميسسارلارى كەڭەسىنىڭ توراعاسى وراز يساەۆتىڭ جارى ەدى.
سۋرەتتە سارا ەسوۆا تسەلينوگراد وبلىستىق تاريحي-ولكەتانۋ مۋزەيىنىڭ قىزمەتكەرلەرىمەن بىرگە.
عازيزا يساحان
