ۇلتتىق اكادەميالىق كىتاپحانادا اقىن, جازۋشى, پۋبليتسيست نۇرعوجا ورازدىڭ 90 جىلدىعىنا ارنالعان ادەبي-رۋحاني ەسكە الۋ ءىس-شاراسى ءوتتى.
تاعىلىمدى ءىس-شارانىڭ باسىندا جۇرتشىلىق نازارىنا تورقالى جاسقا تولعان كورنەكتى اقىننىڭ ءومىرى مەن شىعارماشىلىق جولى تۋرالى بەينەبايان ۇسىنىلدى.
اقتاڭگەر اقىن سەرىك تۇرعىنبەكۇلى تورقالى جاسقا تولعان اقىننىڭ قازاق ادەبيەتىندەگى ايشىقتى ءىزى جايىندا جۇرەكجاردى ءسوزىن ايتىپ, ءوزىنىڭ ادەبيەت الەمىنە كەلۋىنە نۇرعوجا ورازدىڭ تىكەلەي ىقپالى بولعانىن تەبىرەنىسپەن جەتكىزدى. مەملەكەت جانە قوعام قايراتكەرى سۆەتلانا جالماعانبەتوۆا اقىننىڭ قوعامدىق قايراتكەرلىگىن, سولتۇستىك ايماقتاعى ءتىل مەن ونەردىڭ دامۋىنا جانكەشتىلىكپەن ۇلەس قوسقانىن ايرىقشا اتاپ ءوتتى.
قازاقتىڭ بەلگىلى قالامگەرلەرى ءشاربانۋ بەيسەنوۆا, روزا مۇقانوۆا, قايسار ءالىم, جابال ەرعاليەۆ, جاراسباي سۇلەيمەنوۆ, بايانعالي ءالىمجانوۆ, جىلقىباي جاعىپارۇلى, ماعجان سادىحانۇلى سارىارقانىڭ ساڭلاعىنا بالانعان اقىننىڭ شىعارماشىلىق جەتىستىكتەرى مەن ادامگەرشىلىك قاسيەتتەرى تۋرالى تەبىرەنىپ اڭگىمەلەدى. سونداي-اق نۇرەكەڭنىڭ تۋعان اۋىلىنان كەلگەن مەيماندار مەن شاراپاتىن كورگەن شاكىرتتەرى دە ىستىق ىقىلاستارىن ءبىلدىردى.
ءىس-شارا بارىسىندا نۇرعوجا ورازدىڭ ءومىرى مەن شىعارماشىلىعىنا ارنالىپ شىعارىلعان «عيبراتتى عۇمىر» جانە «ۆەسنا دۋشي موەي…» كىتاپتارىنىڭ تۇساۋى كەسىلدى.
سوڭىندا قازاق ونەر ۋنيۆەرسيتەتىنىڭ جاستارى نۇرعوجا ورازدىڭ شىعارماشىلىعىنان ادەبي-كومپوزيتسيالىق قويىلىمدار ورىنداپ, كەشتىڭ ءمان-مازمۇنىن ايشىقتاپ تۇردى.
