سارىارقالىقتار سەرپىنى
قالانى كوركەيتۋ, كوگالداندىرۋ جانە سانيتارلىق تازارتۋ, اباتتاندىرۋ ايلىعىنا سارىارقالىقتار ءبىر كىسىدەي جۇمىلدى.
اۋدان اۋماعىندا ورنالاسقان 2,3 مىڭ كاسىپورىندار مەن مەكەمەلەر, ءتۇرلى ۇيىمدار, 36 مىڭداي تۇرعىندار تازالىق اكتسياسىنا تايلى-تاياعى قالماي قاتىسىپ, 151-دەن استام تەحنيكا كۇشىمەن 1060 توننا 360 كەلى قوقىس شىعارىلدى.
سونداي-اق, تىلەنديەۆ داڭعىلى بويىندا پريدوروجنىي كوشەسىنەن باستاپ سولتۇستىك-باتىس اينالما جولعا دەيىن جانە سارىارقا-اباي كوشەلەرىنىڭ قيىلىسىنداعى ساياباققا 646 ءتۇپ اعاش وتىرعىزىلدى. جالپى اۋماعى 445 مىڭ شارشى مەتردەي بارلىق ساياباقتار مەن تىنىم باقتار قوبىرسىعان قوقىستان تازارتىلدى.
اسىرەسە, پاتەر يەلەرى كووپەراتيۆتەرى, №15, 7, 62, 46, 6, 2, 1 ورتا مەكتەپتىڭ ۇجىمدارى بەلسەندىلىك كورسەتتى.
«جاستاردىڭ اۋداندىق ارداگەرلەر كەڭەسى مۇشەلەرىنىڭ جانىنان
تابىلىپ, قولعابىس ەتىپ, ۇلكەن ءىستىڭ
ءبىر شەتىندە جۇرگەنى كوڭىلگە قونىمدى. قورشاعان ورتانىڭ تازالىعىنا مۇقيات بولۋعا ۇيرەتەتىن, ولاردىڭ مادەنيەتىن قالىپتاستىرۋدا مۇنداي شارالاردىڭ بەرەرى مول. سونىڭ ءبىر كورىنىسى كوپشىلىكپەن وتكەن وسىنداي سەنبىلىك دەۋگە بولادى» دەپ باعا بەردى سارىارقا اۋدانىنىڭ اكىمى ەرماعانبەت بولەكباەۆ.
ايگۇل ۋايسوۆا