سۇحبات

ساۋلو ەلباسى پورترەتىن سالۋدا

بىرنەشە كۇن بۇرىن ەلوردادا فرانتسيانىڭ ۇلتتىق كۇنى قۇرمەتىنە اتاقتى فرانتسۋز سۋرەتشىسى, ءمۇسىنشى, كوركەمسۋرەت ونەرىنىڭ دوكتورى ساۋلو مەركادەردىڭ جەكە كورمەسى اشىلدى. ونەرسۇيەر كوپشىلىككە رۋ­حاني ءلاززات سىيلاعان شارا بارىسىندا كورمە يەسىن اڭگىمەگە تارتقانبىز.

قازاق مادەنيەتىنە قاتىستى كوزقاراسىڭىزدى بىلدىرسەڭىز؟

– قازاقتاردىڭ مادەني سالتىنا اسا قۇشتارمىن. ءارى جان-دۇنيەم وسى حالىققا جاقىن ەكەنىن سەزەم, ءبىر ۇندەستىك بار ءتارىزدى. وتكەن جىلى جەلتوقساندا قازاقستان استانا­سىندا جەكە كورمەمدى اشۋعا كەلىسىمىمدى بەردىم.

سودان بەرى وسى شاراعا ارناپ ارناپ 40-تان استام تۋىندى سالىپ, وسى كورمەگە دايىنداپ اكەلدىم.

قىسقاشا ءومىربايانىڭىزدى بىلسەك…

– يسپانيادا دۇنيەگە كەلگەنمىن. 1974 جىل­دان بەرى فرانتسيادامىن. سوندا ءوستىم, وقىدىم, جۇمىسىمدى باستادىم. اتاقتى كولۋمبيا ۋنيۆەرسيتەتىن تامامداعان سوڭ, سول وقۋ ورنىندا شىعارماشىلىقپەن قاتار ۇستازدىق ەتۋدەمىن…

ءبىزدىڭ استانامىز تۋرالى نە ايتار ەدىڭىز؟

مەن استانادان ۇلكەن رۋحاني بايلىق پەن شىعارماشىلىق اسەر الدىم. ءتىپتى, وسىندا جۇمىس ىستەۋدەن باس تارتپاس ەدىم. بۇل وزگەشە جانە وتە تاماشا ەل. مەن قازاقتىڭ ۇلى اقىنى ابايدى ءوزىمنىڭ رۋحاني جولباستاۋشىم, پىكىرلەسىم دەپ ەسەپتەيمىن. سەبەبى, مەن ابايداي ويلايمىن, بىردەي سەزىنەمىن جانە بىردەي تىنى­ستايمىن. اباي – مەنىڭ رۋحاني اعام.

قازىرگى شىعارماشىلىعىڭىز جونىندە اڭگىمەلەسەڭىز.

– تۋرا قازىرگى ۋاقىتتا پاريجدەگى اتەلەم­دە قازاقستاننىڭ پرەزيدەنتى نۇرسۇلتان نازارباەۆتىڭ پورترەتىن سالۋ ۇستىندەمىن. ول تۋىندى ءبىر جىلدان كەيىن ءبىتىپ قالۋى مۇمكىن. ونىڭ قانداي انتۋراجدا بولاتىنى ازىرشە قۇپيا قالسىن. ءبىر جىلدان سوڭ وسىندا باس قوسىپ, ول قۇپيانى الدارىڭىزدا اشاتىن بولامىن.

تاعىدا

ۇقساس جاڭالىقتار

پىكىر ۇستەۋ

Back to top button