سەيiتقاسىم بايبەكوۆ, قازاق تەحنولوگيا جانە بيزنەس ۋنيۆەرسيتەتiنiڭ پرەزيدەنت-رەكتورى, تەحنيكا عىلىمىنىڭ دوكتورى, پروفەسسور: باسەكەلەستiك بيiكتi باعىندىرتادى
ءدۇيiم ەلدi دارا شىعاراتىن دا, سارا شىعاراتىن دا – بiلiمi, بiلiكتiلiگi, باسەكەگە قابiلەتتiلiگi. ازۋىن ايعا بiلەگەن الپاۋىت مەملەكەتتەردiڭ قاي-قايسىسى دا وسى سالاسىنىڭ جەتiلۋiمەن, وركەندەۋiمەن وزگەدەن بيiك بولدى, وزدى. بiلiمiن جەتiلدiرگەن ەلدە مادەنيەت تە كەنجە قالمايتىنىن, ادامدارى دا ازىپ-توزبايتىنىن, ابىروي-بەدەلi دە الىسقا شىرقايتىنىن ۋاقىت كورسەتتi, دالەلدەدi. سونىمەن كوسەگەمiز كوگەرiپ, كەرەگەمiزدiڭ كەڭەيەتiنiن بiز دە ۇقتىق. ۇقتىق تا, iسكە بەك كiرiستiك!
ەگەمەندiگiمiزگە جيىرما جىل! ەتەك-جەڭiمiزدi جيناپ, ەڭسەمiزدi تiك ۇستادىق! تاۋبە, ارينە! الايدا, باعانالى ەلدiڭ باس قايعىسىنا اينالعان پروبلەمالار دا جەتەرلiك. ولاردىڭ شەشiلۋ تەتiگi تەك بiلiمدە ەكەنi انىق. ەلباسى نۇرسۇلتان نازارباەۆ جىل سايىنعى حالىققا ارناعان ءداستۇرلi جولداۋلارىندا بۇل سالانىڭ قارىشتى دامۋىنا باياندى باعىت سiلتەپ, اۋقىمدى مiندەتتەر جۇكتەپ كەلەدi ەل ازاماتتارىنا. ەل بولاشاعىن جارقىن قالاۋعا, كەمەلدەندiرۋگە بiز دە قال-قادiرiمiزشە قول ۇشىن سوزىپ, ۇلەس قوسىپ كەلەمiز. بۇل سوزiمە ەلورداداعى iرگەلi وقۋ ورىندارىنىڭ بiرi قازاق تەحنولوگيا جانە بيزنەس ۋنيۆەرسيتەتiنەن جىل سايىن تۇلەپ ۇشىپ جاتقان جۇزدەگەن, مىڭداعان ستۋدەنتتەر كۋا. ول ءار سالادا قارىمدى ەڭبەك ەتiپ, وركەندەۋiمiز بەن ورلەۋiمiزگە كۇش سالۋدا.
تۇڭعىش كوشباسشىمىز بيىلعى باس قۇجاتتا كەلەشەگiمiزدi كەمەلدەندiرۋ ءۇشiن ون باعىتىن ۇسىندى. ولاردىڭ ارقايسىسىنىڭ استارىندا ۇلكەن سالماق, ءمان, مازمۇن جانە ماڭىزدى مiندەت جاتىر. باس قۇجاتتا ايتىلعانداردىڭ بارلىعى دەرلiك قازاقستاندىقتاردى قۋانتتى, ەرتەڭگە سەندiردi جانە سەرپiن بەردi. سوندا ەلباسى بىلاي دەيدi: «…وقىتۋ ۇدەرiسiنiڭ تاربيەلiك قۇرامداسىن كۇشەيتۋ قاجەت. ولار – پاتريوتيزم, مورال مەن پاراساتتىلىق نورمالارى, ۇلتارالىق كەلiسiم مەن تولەرانتتىلىق, ءتاننiڭ دە, جاننىڭ دا دامۋى, زاڭعا مويىنۇسىنۋشىلىق. بۇل قۇندىلىقتار, مەنشiكتiڭ قانداي تۇرiنە جاتاتىنىنا قاراماستان, بارلىق وقۋ ورىندارىندا دا سiڭiرiلۋگە تيiس». مiنە, پرەزيدەنتتiڭ ءاربiر ءسوزi – بiز ءۇشiن زاڭ! سارابدال ساياساتتارى قۇپتارلىق, قوسىلارلىق!
بiزدە 1600-دەن استام ستۋدەنت بولسا, الدىڭعى جىلى 27 گرانت ءبولiندi. بۇل كورسەتكiش بىلتىرعى وقۋ جىلىندا 32-گە ءوستi. سونىمەن قاتار, بيىل ار-نايى كونكۋرسقا قاتىسىپ, 7 ماماندىق بويىنشا گرانتپەن وقۋعا رۇقسات الدىق. بۇگiندە ۋنيۆەرسيتەتتە 96 بiلiم الۋشى گرانتپەن وقۋدا. نەگiزiنەن, تەحنيكالىق ماماندىقتارعا باسا كوڭiل بولەمiز. بiزدiڭ ەرەكشەلiگiمiز دە – سول. سەبەبi, ەلiمiزدە تەحنيكالىق مامانداردىڭ قات ەكەنiن بiلەمiز. ەل قازىناسىنان بۇل باعىتقا ميللياردتاپ قارجى قارالىپ جاتىر. بiز دە وسىعان ۇلەس قوسساق دەگەن نيەتتەمiز.
كۇندiزگi ءبولiمدi بiتiرگەن ستۋدەنتتەرiمiزدi جۇمىسقا ورنالاستىرۋ iسiنە دە نازار اۋدارامىز. بۇرىنىراقتا تەك مەملەكەتتiك جوعارى وقۋ ورىندارىنىڭ ستۋدەنتتەرi عانا «بولاشاق» باعدارلاماسىمەن شەتەلدiك وقۋ ورىندارىندا بiلiم الا الاتىن. ەندi, بۇدان بىلاي ەلiمiزدەگi جەكەمەنشiكتەگi جوعارى وقۋ ورىندارىنىڭ بiلiم الۋشىلارى دا بۇل باعدارلامالارمەن وزگە مەملەكەتتەردە وقۋعا مۇمكiندiك الدى. پرەزيدەنتiمiزدiڭ بۇل باستاماسى بارiمiزگە قۋانىش اكەلدi, ءسۇيiنشiلi حابار!
ماقالا باسىندا ءسوز بولعانىنداي, بiلiمسiز ەلدiڭ بولاشاعى بۇلىڭعىر. ال قازاقستان بiلiم بەرۋدە كەڭگە قۇلاش ۇرىپ, بيiككە سەرمەۋدە. بiلiم بەرەم دەگەنگە, بiلiم الام دەگەنگە قولداۋ دا, كومەك تە بار. سول قولداۋدىڭ, كومەكتiڭ ارقاسىندا بiز دە مۇمكiندiكتi قۇر جiبەرمەۋدەمiز. اسەم استانا بوي كوتەرiپ كەلە جاتقان ەسiلدiڭ سول جاعالاۋىنان بەس گەكتارعا جۋىق جەر الىپ, وقۋ ورنىمىزدىڭ سۋ جاڭا iرگەتاسىن قالادىق. وندا ستۋدەنتتەرiمiزدiڭ الاڭسىز بiلiم الۋىنا بارلىق جاعداي جاسالماق. وندiرiستiك زەرتحانالارمەن قامتىلادى.
…ەلباسى جولداۋى – ەلدiكتiڭ باستاۋى! وسى قارقىنىمىز ساقتالسا, ءالi-اق الار اسۋىمىز ارتا تۇسەرi ناق!