سەرگەكتىك سەنبىسىنىڭ حەشتەگى: #densaulyk2014
مەرەكەگە وراي 8-11 سىنىپ وقۋشىلارى جانە ورتا وقۋ ورىندارى ستۋدەنتتەرىنىڭ اراسىندا جۇگىرۋدەن جارىس وتكىزىلەدى. مينيسترلىكتەر مەن ۆەدومستۆولاردىڭ وكىلدەرى, قر پارلامەنتىنىڭ دەپۋتاتتارى, ەلشىلىك قىزمەتكەرلەرى, وليمپيادا چەمپيوندارى, سونداي-اق, جوعارى وقۋ ورىندارىنىڭ ستۋدەنتتەرى مەن نيەت ءبىلدىرگەن جاندار 1200 مەتر ارالىقتا جۇگىرۋ جارىسىنا قاتىسادى. سونىمەن قاتار, مۇمكىندىگى شەكتەۋلى سپورتشىلار اراسىندا 100 مەتر قاشىقتىققا قول اربامەن جۇگىرۋدەن جارىس, ال 5-10 جاستاعى بالالار اراسىندا «وليمپيادا جارىسى» تاقىرىبىندا اسفالتقا سۋرەت سالۋ بايقاۋى وتەدى.
مەرەكەلىك سپورتتىق شارالاردىڭ جەڭىمپازدارىنا ۇلتتىق وليمپيادا كوميتەتىنىڭ اتىنان ەستەلىك سىيلىقتار مەن حالىقارالىق وليمپيادا كوميتەتىنىڭ پرەزيدەنتى توماس باح قول قويعان سەرتيفيكاتتار تابىستالادى.
وليمپيادا كۇنى 6 قىركۇيەكتە ساعات 10.00-دە استانالىق مادەنيەت جانە دەمالىس پاركىندە سالتاناتتى تۇردە اشىلادى.