ەلىمىزدە بالىقتىڭ تاماق وندىرىسىندەگى ۇلەسى 5-6 پايىزعا عانا جەتىپ وتىر. وسى ماقساتتا قورشاعان ورتانى قورعاۋ مينيسترلىگىنىڭ باستاماسىمەن قوياندى سۋ قويماسىنا 7,5 مىڭداي موڭكە شاباعى جىبەرىلدى.
استانا قالاسى اكىمدىگىنىڭ «جاسنۇر» وندىرىستىك شارۋاشىلىق كاسىپورنىنىڭ مامانى جارىلقاسىن ءابدىكەرىموۆتىڭ ايتۋىنشا, بۇل شاباقتار 1,5-2 جىلدا حالىق كادەسىنە اسادى, ولاردىڭ قۇنى بازارداعىداي تىم قىمبات ەمەس. استانا قالاسىنىڭ ارناۋلى نۇكتەلەرىندە ارزان باعامەن ساتىلادى.
«كورىپ تۇرعانىمىزداي, سۋ قويماسىنا جىبەرىلىپ جاتقان 13-15 سانتيمەتر شاباقتار كەلەر جىلدىڭ كوكتەمىنە قاراي ەداۋىر وسەدى, ءبىر جىلدان كەيىن اۋلاپ, ساۋدا ورىندارىنىڭ سورەلەرىنە جەتكىزەمىز. ءبىز بۇل شاباقتاردى قاراعاندىدان بيىل ەكىنشى مارتە اكەلىپ جاتىرمىز. ەندى اق امۋر شاباقتارىن اكەلۋ جوسپاردا بار» دەيدى «جاسنۇر» كاسىپورنىنىڭ مامانى جارىلقاسىن داۋلەتۇلى.
بىلتىر جامبىل وڭىرىنەن قوياندى سۋ قويماسىنا جەتكىزىلگەن اق امۋر تۇقىمداستارى بيىل اجەپتاۋىر جەتىلىپ قالىپتى. ءتىپتى, اۋعا تۇسكەن اسا ىرىلەرى ساۋدا ورىندارىنا جول تارتىپ ۇلگەرگەن. كەلەر جىلى دا بيىلعى جىبەرىلگەن موڭكە بالىقتاردىڭ ءوسىپ-ءونۋى باستى نازارعا الىنادى.
قۋات قيىقباي
