الەۋمەتجاڭالىقتار

شالىس باسقاندارعا شىنايى قامقورلىق

d65fee0a258ef98c190a2660b88

جۇمىسپەن قامتۋ جانە الەۋمەتتىك باعدارلامالار باسقارماسىنىڭ قولداۋىمەن «بەيىمدەۋ تەحنولوگيالارى مەن تۇجىرىمدامالارى» قوعامدىق قورى «جەكە ءىسىن اشۋ ۇلگىسىندەگى شەبەرلىك جانە كاسىپكەرلىك باستامانى قولداۋ» تاقىرىبىندا فەستيۆال وتكىزدى.

اتالعان قوعامدىق قور سەگىز جىلدان بەرى ءىستى بولىپ, جازاسىن وتەپ شىققان ادامدارعا قۇقىقتىق جانە پسيحولوگيالىق كومەك كورسەتىپ كەلەدى. ال, جاقىندا جوبا اياسىندا 345 ادام (بارلىعى دا بۇرىن سوتتالعاندار) قامقورلىققا الىندى. ولاردىڭ 25-ىنە قۇقىقتىق, 300-ىنە پسيحولوگيالىق, 60-نا الەۋمەتتىك كومەكتەر كورسەتىلدى. بۇدان باسقا, 12 ادام جۇمىسپەن قامتىلدى, ۇشەۋى استانا قالاسىنىڭ جۇمىسپەن قامتۋ ورتالىعىندا ارنايى كۋرستان ءوتتى, 7 ادام قۇجاتپەن قامتاماسىز ەتىلسە, 56 ادامعا كيىم-كەشەكتەر بەرىلدى.

«بەيىمدەۋ تەحنولوگيالارى مەن تۇجىرىم­دا­مالارى» قوعامدىق قورىنىڭ زاڭگەرى گ.وماروۆانىڭ ايتۋىنشا, استانا قالالىق ىشكى ساياسات باسقار­ما­سىنىڭ قولداۋىمەن ۇيىم مەملەكەتتىك ورگاندارمەن, پەنيتەنتسيارلىق جۇيە وكىلدەرىمەن, كوشى-قون پوليتسياسىمەن, مەديتسينالىق-الەۋمەتتىك وڭالتۋ ورتالىعىمەن تىعىز بايلانىستا جۇمىس ىستەيدى.

مالىمەتتەرگە سايكەس, ءۇش جىلدا «تۇرمەدەن شىققان ازاماتتارعا قۇقىقتىق, پسيحولوگيالىق جاردەم بەرۋ قىزمەتىن ۇيىمداستىرۋ» جوباسىنا 2200 ادام قاتىسىپتى. سونىمەن قاتار, 22-72-01 سەنىم تەلەفونى جۇمىس ىستەيدى.

جۇما قازيەۆ

تاعىدا

ۇقساس جاڭالىقتار

پىكىر ۇستەۋ

Back to top button