بۇگىن – حالىقارالىق وتباسى كۇنى.
بۇل مەرەكەنى 1993 جىلى بىرىككەن ۇلتتار ۇيىمى بەكىتكەن.
ارعى-بەرگى اقىلگويلەرىمىز ايتقانداي, «وتان وت باسىنان باستالادى», «وتباسى – شاعىن مەملەكەت», «وتباسى –
باقىت ورداسى». قاي-قايسىسى بولماسىن قازىنالى ويدىڭ قازىعىنداي قاستەرلى سوزدەر.
قازاق قارا شاڭىراق پەن تال بەسىكتى قاتتى قادىرلەيدى. وشاقتاعى قازانىنىڭ وتتان تۇسپەۋىن تىلەيدى. ويتكەنى,
بۇلار الاش ۇراندى ۇلتىمىزدىڭ اجىراماس بولىگىندەي ايرىقشا ۇعىمدار. الاتاۋداي التىنعا ايىرباستالماس اسىل اتريبۋتتار.
بابادان ميراس باتالاردىڭ ءبىر پاراسى «وركەنىڭ ءوسسىن!», «ءۇبىرلى-ءشۇبىرلى بول!», «ءتۇتىنىڭ ءتۇزۋ ۇشسىن!», «شاڭىراعىڭ
شايقالماسىن!» دەگەن سياقتى ىزگى نيەت, يگى تىلەكتەرمەن بەرىلەتىنى بەلگىلى.
وسىنىڭ ءوزى-اق مىنا ومىردە باقىتتى بولۋىمىز وتباسىلىق تىرلىگىمىزگە تىكەلەي بايلانىستى ەكەنىن بايقاتسا كەرەك.
باسىمىز امان, باۋىرىمىز ءبۇتىن بولسىن!
