سiزدiڭشە, سەنبiلiكتiڭ پايداسى قانداي؟
كوكتەم شىققالى بەرi ەلiمiزدiڭ بارلىق ايماقتارىندا تازالىق جۇمىستارى جۇرگiزiلiپ جاتىر. ەڭكەيگەن كارiدەن ەڭبەكتەگەن بالاعا دەيiن وزدەرi تۇراتىن اۋىل-ايماقتى تازالاپ, اعاش وتىرعىزىپ, جەر-اناعا قامقورلىق جاساۋدا.
ەلباسى تاپسىرماسىن باسشىلىققا العان استانالىقتار دا ەلiمiزدiڭ ەرتەڭi, ۇرپاعىمىزدىڭ بولاشاعى كورiكتi بولۋى ءۇشiن وسىناۋ يگiلiكتi iسكە ۇلەس قوسىپ ءجۇر. ال, سiزدiڭ پiكiرiڭiزشە, سەنبiلiكتiڭ پايداسى قانداي؟
باعدات ازباەۆ,
«استانا ورمانى» جشس-نiڭ ديرەكتورى:
– ەۋروپا ەلدەرiندەگi قالالار سەنبiلiكتەرسiز-اق تاپ-تازا. سەبەبi, ونداعى تۇرعىندارعا تازالىق پەن ءتارتiپ, ەڭ الدىمەن وزدەرi ءۇشiن قاجەت. ولار, تiپتi تەمەكi تۇقىلىن دا كەز كەلگەن جەرگە لاقتىرمايدى: مەنتاليتەتi باسقا. بiزدiڭ قالالىقتاردىڭ وسىنى قاتاڭ ەسكەرگەنi ءجون. جالپى, بiلە بiلگەن ادامعا سەنبiلiكتiڭ پايداسى ۇشان-تەڭiز. اۋامىز تازا بولماسا, تاماعىمىز سiڭiمدi, كوڭiلiمiز كوتەرiڭكi بولمايدى. سوندىقتان كەز كەلگەن تۇرعىن ءوزi تۇراتىن اينالانى تازا ۇستاپ, شاماسى كەلسە كوشەتتەر وتىرعىزعانى ءجون. بۇل تاربيەنi جاستار اراسىندا كوبiرەك ناسيحاتتاۋدىڭ ارتىقتىعى جوق. سوندا قالالىق مادەنيەت تە قالىپقا تۇسەدi.
استانا – باسقا وڭiرلەرگە قاراعاندا جاس ءارi تازا قالا. سوندىقتان ءار تۇرعىن ءوز قالاسىنىڭ تازالىعىنا ۇلەس قوسىپ, تۋعان جەرiنە دەگەن سۇيiسپەنشiلiگiن بiلدiرۋi كەرەك. بۇل رەتتە بiزدە قالانى كوركەيتiپ, اباتتاندىرۋ جۇمىستارىنا ارنالعان مەملەكەتتiك باعدارلامالار بار. وسى باعىتتا بولiنەتiن قارجى كولەمi دە ۇلكەن.
«بiر تال كەسسەڭ, ون تال ەك» دەگەن. سول ايتقانداي, ارقايسىسىمىز بiر تالدان ەگەتiن بولساق, استانا قالاسىندا قانشاما تۇرعىن بار, جىلدان جىلعا كوبەيiپ كەلە جاتىر, سولار تەگiس اتسالىسسا, قالامىز ودان ءارi كوركەيە تۇسەر ەدi.
تۇرعىندار جەكەمەنشiك ۇيلەرiنەن شىعاتىن تۇرمىستىق قالدىقتاردى كەز كەلگەن جەرلەرگە توگiپ, ستيحيالىق قوقىس الاڭدارىن جاساۋدى توقتاتپايىنشا, وسى جونiندەگi ءتۇسiنiگiن, وي-ساناسىن وزگەرتiپ, جاڭارتپايىنشا, ءناتيجەگە قول جەتكiزۋ قيىن. ءالi دە بولسا اۆتوكولiكتەن قوقىس لاقتىراتىنداردان ارىلا الماي كەلەمiز. سوندىقتان بۇل iسكە ءتارتiپ ساقشىلارىن, سانەپيدەمستانسا دارiگەرلەرiن قاتىستىرۋدىڭ ەش ايىبى جوق. قازاق, نەگiزi, ىرىمشىل حالىق قوي. كەيدە «جەرگە قوقىس تاستاساڭ, جولىڭ بولمايدى» دەگەندەي سوزدەردi ايتىپ وتىرۋ دا, ارتىقتىق ەتپەيدi دەپ ويلايمىن.