استانادا قالالىق جاستار ساياساتى ماسەلەلەرى جونىندەگى باسقارماسى ۇيىمداستىرۋىمەن وتكەن «ستۋدەنت كوكتەمى – 2013» فەستيۆالى اياقتالدى.
مەرەكەلىك شارا ەلوردانىڭ 15 جىلدىق مەرەيتويىنا ارنالدى. ستۋدەنتتەر «استانا قالاسىنىڭ ۇزدىك كومانداسى» كۋبوگى ءۇشىن باق سىناستى.
فەستيۆالگە 3000 جاس كۋرسانت قاتىستى. ولار رەترو كومپوزيتسيالار مەن حالىقارالىق حيتتار ورىندادى. فەستيۆالدە قازاق ەستراداسىنىڭ جۇزدىزدارى ەربولات قۇدايبەرگەنوۆ, قاراقات ءابىلدينا مەن قىدىرالى بولمانوۆ, جاس ورىنداۋشىلار جان ساكس, مارجان اراپباەۆا, قايرات باەكەنوۆ, جاڭاباي وتەگەنوۆ, يبراگيم ەسكەندىر ونەر كورسەتتى. فەستيۆال قورىتىندىسى بويىنشا «استانا قالاسىنىڭ ۇزدىك كومانداسى» اتاعىن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ كومانداسى يەلەنىپ, ولارعا كوشپەلى جاستار كۋبوگى تاپسىرىلدى. ءبىرىنشى ورىن س.سەيفۋللين اتىنداعى قازاق اگروتەحنيكالىق ۋنيۆەرسيتەتى كومانداسىنا; ەكىنشى ورىن استانا مەديتسينا ۋنيۆەرسيتەتى كومانداسىنا بۇيىرسا; ال ءۇشىنشى ورىندى «تۇران-استانا» ۋنيۆەرسيتەتى مەن ەكونوميكا, قارجى جانە حالىقارالىق ساۋدا ۋنيۆەرسيتەتى ءبولىستى.
ەركەجان ساتىمبەك
