جاڭالىقتار

سۇلتان سۋىرىلىپ شىقتى

استانانىڭ ايناسى, تىنىسى, ءتول گازەتى – «استانا اقشامىنىڭ» ءفوتوتىلشىسى سۇلتان سەيىتوۆ «El.kz» جاستار الەۋمەتتىك جەلىسى ۇيىمداستىرعان بايقاۋدا جەڭىمپاز اتاندى.

«استانانىڭ ۇزدىك كەلبەتى» اتتى سۋرەتشىلەر دوداسىنا ەلوردانىڭ سۇلۋلىعىن, كوركىن, كەرەمەتىن, ماقپال ءتۇنى مەن سالقار دالاسىن ارقاۋ ەتكەن وتىز ءبىر جۇمىس ءتۇسىپتى. «باسەكەگە تۇسكەن فوتولارعا كوز جۇگىرتسەڭىز, باس قالامىزدىڭ نەبىر عاجايىپتارىن تانيسىز. سوڭعى جىلدارى مۇنداي بايقاۋلار جيىلەپ كەلەدى. بۇل ءبىزدىڭ استانامىزدىڭ راسىندا وزگەشەلىگىن, راسىندا بىرەگەيلىگىن دارىپتەيدى جانە ايشىقتايدى» دەيدى ۇيىمداستىرۋشىلار.

ءبىر ايعا سوزىلعان شارانىڭ ناتيجەسىندە «استانا اقشامىن» اسەرلى, ادەمى, جاراسىمدى سۋرەتتەرگە تولتىرىپ جۇرگەن ارىپتەسىمىز سۇلتان سەيىتوۆتىڭ ايى وڭىنان تۋىپ, وزگەلەردەن اتى وزا شاپتى. جەڭىمپاز بۇل جارىسقا ەلوردانىڭ تۇنگى كەلبەتىن, قازاقتىڭ ۇلتتىق قۇندىلىقتارىن كورسەتە الاتىن سۋرەتتەر ۇسىنعانىن ايتادى. ايتا كەتكەن ءجون, «استانانىڭ ۇزدىك كەلبەتىن» نىساناعا الۋدا سولتۇستىك قازاقستاندىق تالعات مۇحيددين ەكىنشى ورىننان كورىنسە, استانالىق رۋسلان قارساموۆ ءۇشىنشى ورىندى يەلەندى.

ەركەجان ساتىمبەك

تاعىدا

ۇقساس جاڭالىقتار

پىكىر ۇستەۋ

Back to top button