جاڭالىقتار
سۋلى-جاسىل جەلەك جول جاڭعىرتىلادى
استانانىڭ سۋلى-جاسىل جەلەك جولىن جاڭارتۋ جوسپارلانۋدا. قۇرىلىس-مونتاج جۇمىستارىن جۇرگىزۋ رەسپۋبليكالىق بيۋدجەت ەسەبىنەن بيىلعى تامىز ايىندا باستالادى.
استانا قالاسى ەنەرگەتيكا جانە كوممۋنالدىق شارۋاشىلىق باسقارماسىنىڭ حابارلاۋىنشا, قۇرىلىس كەزەڭ-كەزەڭىمەن ءجۇزەگە اسپاقشى. جوبا بويىنشا جاڭا كوگالدار مەن گۇلدەر, شىرشا, قايىڭ, قاراعاي جانە تەرەك وتىرعىزىلادى. بۇدان ءبولەك, جارىقتاندىرۋ, قوعامدىق ءدارەتحانالاردى اۋىستىرۋ, ديسپەتچەرلىك ورىن مەن باقىلاۋ كامەرالارىن ورناتۋ قاراستىرىلعان. قالا قۇرىلىسىنا جاۋاپتى ماماندار بارلىق كومپوزيتسيا ۇلتتىق ناقىشتا جاسالاتىنىن ايتادى.
گۇلميرا ايماعانبەت