سىپايى جۇرگىزۋشىنى انىقتادى
«جاستار» سارايىنىڭ جانىنداعى جاياۋ جۇرگىنشىلەر وتكەلىندە «سىپايى جۇرگىزۋشى» اكتسياسى ءوتتى.
اكتسيا بارىسىندا جول-كۇزەت پوليتسياسى ينسپەكتورلارى استانا قالاسىنىڭ ورتالىق كوشەلەرىندەگى قاربالاس ساتتە وزدەرىن ءتارتىپتى ۇستاپ, رەتتەلمەيتىن جولدا جاياۋ جۇرگىنشىلەردى وتكىزىپ جىبەرەتىن, باسقا جۇرگىزۋشىلەرگە دە جول بەرەتىن, بىلايشا ايتقاندا, جول جۇرۋدە مادەنيەت پەن سىپايىلىق ەرەجەلەرىن نەگىزگە الاتىن جۇرگىزۋشىلەردى انىقتادى.
ءتارتىپ ساقشىلارى ساقتاندىرۋ كومپانيالارىنىڭ بىرىمەن جانە «اۆتوراديو قازاقستانمەن» ءبىرىگىپ جۇرگىزۋشىلەرگە العىستارىن ايتىپ, كادەسىيلار مەن سىيلىقتار تابىستادى. ال, جول قوزعالىسىنىڭ جاس ينسپەكتورلارى ولاردىڭ اۆتوكولىكتەرىنىڭ ارتقى تەرەزەلەرىنە ارنايى جازىلعان «سىپايى جۇرگىزۋشى» ستيكەرىن جابىستىرادى.
«جۇرگىزۋشى دە – جاياۋ جۇرگىنشى» اكتسياسى كەزىندە جول ءتارتىبىن بۇزعان اۆتوكولىك يەلەرىنە ايىپپۇل تولەۋدىڭ ورنىنا وزدەرىن جاياۋ جۇرگىنشى رەتىندە سەزىنىپ, رەتتەلمەگەن جاياۋ جۇرگىنشى جولىمەن ءجۇرىپ ءوتۋ ۇسىنىلدى. بۇدان كەيىن پوليتسەيلەر جاس ينسپەكتورلارىمەن بىرگە جۇرگىزۋشىلەرگە كورنەكى ناسيحاتتىق قۇرالدار تاراتىپ, پروفيلاكتيكالىق اڭگىمە وتكىزدى.
ساعي ورال