پرەزيدەنت پارمەنى

تابىس كىلتى – تيىمدىلىكتە

مەملەكەت باسشىسى ن.ءا.نازارباەۆتىڭ «قازاقستان-2050» ستراتەگياسى: قالىپ­تاسقان مەملەكەتتىڭ جاڭا ساياسي باعىتى» اتتى جولداۋى بولاشاعىمىزدى باعدارلاپ, ۇستا­نىمىمىزدى ايقىنداپ بەردى.

وسى جولداۋدا بەلگىلەنگەن باستى باعىت­تاردىڭ ءبىرى – كاسىپكەرلىكتى – ۇلتتىق ەكو­نو­ميكانىڭ جەتەكشى كۇشىن جان-جاقتى قولداۋ. بۇنى جۇزەگە اسى­رۋدىڭ ءبىر جولى ستراتەگيالىق ەمەس سيپاتتاعى كاسىپورىندار مەن قىزمەتتەردى جەكە قولعا بەرۋ, ياعني جەكەشەلەندىرۋ قاجەتتىگىن, بۇل – وتاندىق كاسىپكەرلىكتى نىعايتۋ ءۇشىن اسا ماڭىزدى قادام ەكەنى اتاپ كورسەتىلدى.

استانا قالاسى مەملەكەتتىك مۇلىك جانە جەكەشەلەندىرۋ دەپارتامەنتى ەلوردادا قر قارجى مينيسترلىگى مەملەكەتتىك مۇلىك جانە جەكەشەلەندىرۋ كوميتەتىنىڭ اۋماقتىق بولىمشەسى بولا تۇرا, باستى تاپسىرمالاردىڭ جانە باقىلاۋ-قاداعالاۋ فۋنكتسيالارىنىڭ ءبىرى – مەملەكەتتىك زاڭدى تۇلعالاردىڭ مەم­لەكەتتىك مۇلىكتى ماقساتقا ساي جانە ءتيىمدى پايدالانۋىن قامتاماسىز ەتۋدى ىسكە اسىرۋدا. بۇل ورايدا دەپارتامەنت مەملەكەتتىك باسقارۋ ورگاندارى – مينيسترلىكتەر مەن ولارعا قاراستى ۇيىمدارمەن بىرلەسىپ, ءار­دايىم رەسپۋبليكالىق مەملەكەتتىك زاڭدى تۇلعالارعا بەكىتىلىپ بەرىلگەن مەملەكەتتىك مۇلىكتى, ولارعا جۇكتەلگەن باسقارۋ قىزمەتىن اتقارۋعا ارنالعان اكتيۆتەردى پايدالانۋى تۋرالى مونيتورينگ جۇرگىزىپ وتىرادى.

ناتيجەسىندە پايدالانىلمايتىن ءۇي-جاي, قۇرال-جابدىقتار ەسەپكە الىنىپ, جەكە جانە مەملەكەتتىك ەمەس زاڭدى تۇلعالارعا جالعا جانە سەنىمگەرلىك باسقارۋعا بەرىلەدى. بۇل, بىرىنشىدەن, ولاردىڭ, اسىرەسە جەكە كاسىپكەرلەردىڭ كاسىپتەرىن دامىتۋىنا, سونداي-اق ءوز ىستەرىن جاڭا باستاپ جاتقان كاسىپكەرلەرگە اياقتان تۇرۋىنا كوپ كومەگىن تيگىزسە, ەكىنشىدەن, رەسپۋبليكالىق بيۋدجەتكە تۇسەتىن سالىقتىق ەمەس تۇسىمدەردى ارتتىرۋعا مۇمكىندىك بەرۋدە.

وتكەن جىلى وسى ماقساتتاردا رەسپۋب­ليكالىق مەملەكەتتىك زاڭدى تۇلعا­لاردىڭ قولدانىلمايتىن ارتىق ءۇي-جايلارىن جانە مۇلىكتەرىن جالعا بەرۋ ارقىلى رەس­پۋب­ليكالىق بيۋدجەتكە 600 ميلليون تەڭگە شاماسىندا سالىقتىق ەمەس تۇسىمدەر تۇسسە, اعىمداعى جىلدىڭ ءبىرىنشى توقسانىندا تۇسكەن تۇسىمدەر 117 ميلليون تەڭگەنى قۇرادى. جالعا جانە سەنىمگەرلىك باسقارۋعا بەرىلگەن نىسانداردىڭ جالپى سانى 333-كە جەتتى. جالعا الۋشىلار اسحانا, شاشتاراز, ءدامحانا, گازەت-جۋرنال جانە كىتاپ دۇڭگىرشەكتەرى, تەمىر جول جانە اۆيا-بيلەتتەر كاسسالارى, دۇكەندەر, شەبەرحانالار, تاعى باسقا كاسىپتەرىن ۇيىمداستىرعان. وسى شارالار رەسپۋبليكالىق بيۋدجەتكە قوسىمشا سالىقتىق ەمەس تولەمدەردىڭ ءتۇسۋىن قامتاماسىز ەتىپ قانا قويماي, سونىمەن قاتار, جالعا الۋشىلار ۇيىمداستىرعان جۇمىس ورىندارىنىڭ ارقاسىندا حالىقتى جۇمىسپەن قامتۋعا جانە جۇمىسسىزدىقتى ازايتۋعا اسەرىن تيگىزۋدە.

ەلباسى جولداۋىندا الەۋمەتتىك ماسە­لەلەرگە ايرىقشا توقتالىپ, 2020 جىلعا قاراي بالالاردى مەكتەپكە دەيىنگى ءبىلىم بەرۋ جانە تاربيەمەن 100 پايىز قامتۋعا قول جەتكىزۋ مىندەتىن قويدى. استانا حالقىنىڭ كۇن سايىن ەسەلەپ وسۋىنە بايلانىستى بۇل ماسەلە اسىرەسە ەلوردا جۇرتشىلىعى ءۇشىن وزەكتى ماسەلەگە اينالىپ وتىرعانى بارشاعا ءمالىم. بۇل تاپسىرمانى ورىنداۋ ماقساتىندا قازىرگى كۇنى دەپارتامەنت ماماندارىمەن 2011 جىلعى 31 ناۋرىزداعى قازاقستان رەسپۋبليكاسى ۇكىمەتىنىڭ №335 قاۋلىسىنا سايكەس استانا قالاسىنىڭ اۋماعىنداعى 100-گە جۋىق مەملەكەتتىك مەكەمەلەر مەن كاسىپورىنداردىڭ جەدەل باسقارۋ جانە شارۋاشىلىق جۇرگىزۋ قۇقىعىنداعى جىلجىمايتىن مۇلىك نىساندارىنا تەكسەرۋ جۇمىستارى جۇرگىزىلۋدە. وسى جۇمىستاردىڭ قورىتىندىسى بويىنشا انىقتالعان ارتىق نەمەسە قولدانىلمايتىن ءۇي-جايلاردى بالاباقشالار مەن شاعىن ورتالىقتار اشۋعا جانە جەكشەلەندىرۋگە بەرۋ كوزدەلۋدە.

ەلباسى جولداۋىندا ۇنەمى جوعارى ءمان بەرەتىن مەملەكەتتىك قىزمەتتەر كورسەتۋدىڭ ساپاسىن ارتتىرۋعا, ياعني ازاماتتارعا مەملەكەتتىك قىزمەتتەردى ءتيىمدى جانە جەدەل تۇردە كورسەتۋگە ەرەكشە نازاردى اۋدارۋ قاجەتتىگىن دەپارتامەنت ۇدايى نازاردا ۇستايدى.

س. قابدۋاليەۆ,
استانا قالاسى مەملەكەتتىك مۇلىك جانە جەكەشەلەندىرۋ دەپارتامەنتىنىڭ باس مامانى

تاعىدا

ۇقساس جاڭالىقتار

پىكىر ۇستەۋ

Back to top button