ءبىلىمقالا مەن سالا

تابىستىڭ تەتىگى – تەحنيكالىق سالادا

IMG_0250

استانا قالاسىندا تەحنيكالىق ماماندىقتارعا دەگەن سۇرانىس 75%-دى قۇراعانمەن, جاستاردىڭ نەبارى 21%-ى وسى سالادا ءبىلىم الۋدا. ال, گۋمانيتارلىق ماماندىققا دەگەن قاجەتتىلىك 25% بولسا دا, 79%-ى بولاشاعىن وسى سالادان كورەدى. مۇنداي كورسەتكىشتەر ەڭبەك نارىعىنداعى تەپە-تەڭدىكتى ساقتاي المايدى. دەمەك, قالالىق ەڭبەك نارىعىندا جۇمىسشى ماماندىقتار تاپشىلىعى انىق بايقالادى. جۇمىسسىزدىقتىڭ سەبەبى دە – سول. وسى ماسەلەردى شەشۋ ماقساتىندا استانا قالاسى جاستار ساياساتى ماسەلەلەرى باسقارماسى مەكتەپ وقۋ­شىلارىنا كاسىبي باعىت-باعدار بەرۋدى كوزدەيتىن «ماماندىق تاڭداۋ – ماڭىزدى قادام» اتتى كەزدەسۋلەر وتكىزۋدە.

اتالمىش كەزدەسۋگە استانا قالاسى ءبىلىم باسقارماسى, جۇمىسپەن قامتۋ ورتالىعى, «جاس وتان» جاستار قاناتىنىڭ, سونداي-اق, ونەركاسىپ جانە جۇمىسشى ماماندىقتار وكىلدەرى شاقىرىلدى. 9-11 سىنىپ وقۋشىلارى قاتىسقان كەزدەسۋدە ماماندىق تاڭ­داۋداعى باستى قادامدار ايتىلىپ, كاسىپ يەلەرى بايانداما وقىدى.

وقۋشى ءوز قالاۋىن تۇسىنبەي, نە نارسەگە يكەمى بارىن بىلمەگەندىكتەن, كوپشىلىككە ىلەسىپ, وزىنە دەيىنگى دوستارىنىڭ تاجىريبەسىنە عانا سۇيەنىپ, سولار بارعان جوعارى وقۋ ورنىنا ءتۇسىپ جاتادى. بۇل ءجيى كەزدەسەتىن قاتەلىكتەردىڭ ءبىرى ەكەن. كەزدەسۋگە كەلگەن مامانداردىڭ ايتۋىنشا, ماماندىق تاڭداۋدىڭ «قالايمىن, قولىمنان كەلەدى جانە قاجەت» دەگەن جەڭىل عانا فورمۋلاسى بار. ياعني, ەڭ اۋەلى كوڭىلدىڭ نەنى قالايتىنىن سەزىنىپ, ول ءىستىڭ تالاپتارىمەن الدىن الا تانىسۋ كەرەك بولسا, ەڭ باستىسى, الدىڭعى ەكى فاكتوردى ەسكەرە وتىرىپ, سول ماماندىقتىڭ ەڭبەك نارىعىنداعى سۇرانىسىن انىقتاۋ كەرەك.

«قازاقستاندىق الەۋمەتتانۋ­شىلار­دىڭ زەرتتەۋى بويىنشا, بولاشاقتا ينجەنەرلەر جانە ەكونوميكا مەن تەحنيكا سالاسىن ۇيلەستىرە بىلگەن ماماندار ەرەكشە باعالاناتىن بولادى. سونداي-اق, قازىرگى زاماندا جۇمىس ءونىمدى بولۋ ءۇشىن فيرما مەن كومپانيالاردىڭ يميدجىنە اجەپتاۋىر كوڭىل بولىنەدى. ال, سايت – ۇيىمنىڭ سەنىمدى كەلبەتىن قالىپتاستىراتىن نەگىزگى كورسەتكىشتەردىڭ ءبىرى. سوعان سايكەس, كومپيۋتەرلىك باعدارلامالاردى ازىرلەۋشىلەر مەن ۆەب-ديزاينەرلەردىڭ قىزمەتى دە جوعارى تولەماقىعا يە ماماندىقتاردىڭ تىزىمىنە ەنەدى. قا­زىردىڭ وزىندە نانوتەحنولوگيا – تاماق ءوندىرىسى, مەديتسينا, كولىك قۇراس­تىرۋ, عارىش تەحنولوگياسىن يگەرۋدە قولدانىلۋدا. ال, ۋاقىت وتكەن سايىن قاجەتتىلىك وسە بەرەدى. زەرتتەۋشىلەردىڭ ايتۋىنشا, نانوتەحنولوگيا سالاسى بويىنشا جەتىستىككە جەتكەن ەل الەمدىك كوشباسشىعا اينالادى. وزدەرىڭىزگە بەلگىلى, بۇگىندە ميكروبيولوگيا مەن گەندىك ينجەنەريانىڭ كومەگىمەن گەندىك موديفيكاتسيالانعان ونىمدەر الىنادى. سوندىقتان بيوتەحنولوگيا دا قالىس قالماي, قولدانىلۋ اياسى كەڭەيە بەرەدى دەپ بولجانۋدا. سونىمەن بىرگە, مەديتسينا, قىزمەت كورسەتۋ, ماركەتينگ, ەكولوگيا قورعاۋ سالاسىنىڭ دا قاجەتتىلىگى ايقىندالا تۇسەدى» دەدى جۇمىسپەن قامتۋ ورتالىعى ديرەكتورىنىڭ ورىنباسارى نۇرگۇل احمەتوۆا.

باياندامالاردان بولەك, زامان تالابىنا ساي كاسىپ يەلەرى جايلى بەينەروليكتەر كورسەتىلىپ, كەلۋشىلەرگە «ماماندىق تاڭداۋعا جەدەل كومەك» اتتى ادىستەمەلىك نۇسقاۋلىق كىتاپشاسى تاراتىلدى. كەزدەسۋ بارىسىندا اۋديتوريامەن قىزۋ بايلانىس تا ورناتىلدى. ماسەلەن, ورتاعا شىعىپ ءسوز العان «دارمەن كونسالتينگ» جشس ديرەكتورى اسەل مۇراتوۆا «جوعارى جالاقىنىڭ سوماسى قانشا بولۋ كەرەك؟» دەگەندە, زالداعى وقۋشىلار ءتۇرلى نۇسقالارىن ايتىپ, اقىرى ءبىراۋىزدان «ايىنا 300 مىڭ تەڭگەدەن كەم بولماۋى ءتيىس» دەپ شەشتى. وقىلعان باياندامالاردان سوڭ, «قازمۇنايگاز» بەن «قازاتومپروم» جۇمىسشىسى بولۋ وتە ابىرويلى قىزمەت دەپ تۇسىنگەن وقۋشىلار فيزيكا, حيميا پاندەرىنە باسىمدىق بەرەتىندىكتەرىن دە ايتىپ جاتتى.

ەندى بۇگىن ساعات ەكىدە №71 مەكتەپ-ليتسەيدە وتەتىن كەزدەسۋگە اسپاز, شاشتاراز, ەلەكتريك, مەحانيك, تىگىنشى, قۇرىلىسشى سياقتى جۇ­مىسشى ماماندىق يەلەرى كەلىپ, ءوز ءتاجى­ري­بە­لەرىمەن بولىسەدى.

ءمادينا جاقىپ

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button