Uncategorized

ءتالىمدى ءدارىس وقىلدى

قازاق مەملەكەتتىك زاڭ ۋنيۆەرسيتەتىندە «M.Narikbayev public lecture» جوباسى اياسىندا «جاھاندىق سىن-قاتەرلەر كەزىندە زاڭعا نەگىزدەلگەن الەم قۇرۋ» تاقىرىبىندا كەزەكتى ءدارىس وتكىزىلدى.

 تىڭداۋعا تىلەك بىلدىرۋشىلەردىڭ اۋقىمدىلىعىنا قاراپ جوعارى وقۋ ورنىنداعى بۇل ءدارىستىڭ ماڭىزى مەن ءمانىن ايقىن اڭعارۋعا بولادى.

وسى جولى ستۋدەنتتەر الدىندا بەيبىتشىلىك پەن كونفەسسيالىق ديالوگتى ىلگەرىلەتۋ جونىندەگى حالىقارالىق مۇسىلمان ۇيىمى – مۇسىلمان اقساقالدار كەڭەسىنىڭ ء(باا) باس حاتشىسى موحامەد ماحمۇد ابدەلسالام ءدارىس وقىدى. ول بەيبىتشىلىك سۇيگىش الەم حالقى الدىندا تىڭ يدەيالاردى جەتىلدىرۋ, بىرگە تاتۋ-ءتاتتى ءومىر ءسۇرۋ مادەنيەتىن تاراتۋ, تولەرانتتىلىق, ەركىندىك, پاراساتتىلىق قاعيدالارىن ناسيحاتتاۋىمەن قۇرمەتتەلەدى.

اراب تىلىندە وقىعان دارىسىندە شەتەلدىك قوناق ءار مەملەكەت ءوزىنىڭ ىشكى زاڭدىلىقتارى مەن ۇستانىمدارىن بەرىك نەگىزدەۋگە تولىق قۇقىلى ەكەنىن ءارى وسى تۇجىرىمداردى باسقالاردىڭ سىيلاپ, قۇرمەتتەۋى ءتيىس ەكەندىگىن جەتكىزدى.

سونداي-اق ول 2019 جىلى ابۋ-دابيدە ريم پاپاسى فرانتسيسك پەن ۇلى يمام شەيح ءال-ازحارا احماد ات-تايب قول قويعان جالپىادامزاتتىق باۋىرلاستىق تۋرالى دەكلاراتسيانى قابىلداۋدا ماڭىز­دى ءرول اتقارعاندىعىمەن دە كوپشىلىكتىڭ ريزاشىلىعىنا بولەنۋدە.

ءدارىس سوڭىندا قۇرمەتتى مەيمانعا كوپتەگەن سۇراق قويىلىپ, وعان موحامەد ابدەلسالام مىرزا جان-جاقتى جاۋاپ بەردى.

قازاق مەملەكەتتىك زاڭ ۋنيۆەرسيتەتىنىڭ رەكتورى تالعات نارىكباەۆ مازمۇندى دا ءماندى ءدارىسى ءۇشىن وعان شەكسىز العىسىن ءبىلدىرىپ, ەسكەرتكىش سىيلىق تابىس ەتتى.

 

تاعىدا

تاڭاتار تولەۋعاليەۆ

«استانا اقشامى» گازەتىنىڭ ءتىلشىسى

ۇقساس جاڭالىقتار

پىكىر ۇستەۋ

Back to top button