3 قاراشادا بەرليندە «استانا ەكسپو-2017» ۇلتتىق كومپانياسى «جاسىل» تەحنولوگيالاردى قولدانۋ تاجىريبەسىن جەتەكشى ەۋروپالىق ەلدەرمەن الماسۋعا باعىتتالعان «ەنەرگوتيىمدى ءومىر سالتى» دوڭگەلەك ۇستەلىن وتكىزدى. بەرلين ەنەرگوتيىمدىلىكتى ارتتىرۋ ماسەلەلەرىندەگى كوشباسشى-قالالاردىڭ ءبىرى بولىپ تابىلادى. سوندىقتان, گەرمانيا ەلورداسىنىڭ وسى ماسەلەدەگى تاجىريبەسى قازاقستان ءۇشىن ەرەكشە قىزىقتى.
ءىس-شارانىڭ باستى ماقساتى – «ەكسپو-2017» حالىقارالىق مامانداندىرىلعان كورمەسىنىڭ «بولاشاق ەنەرگياسى» تاقىرىبىن جانە ونىڭ «ەنەرگوتيىمدى ءومىر سالتى» تاقىرىپشالارىن تالقىلاۋ. ول ەنەرگيا پايدالانۋداعى ساپالى جاقسارتۋلاردى, اتاپ ايتقاندا, ناقتى ناتيجەگە قول جەتكىزۋ ءۇشىن نەعۇرلىم از ەنەرگيا كولەمىن تۇتىنۋدى بىلدىرەدى.
«بولاشاق ەنەرگياسى» تاقىرىبى تاياۋ بولاشاقتا ۇزدىك الەمدىك تاجىريبە, يننوۆاتسيالىق تەحنولوگيالار ازىرلەۋدىڭ, ءوندىرۋدىڭ جانە پايدالانۋدىڭ وزەكتىلىگىن تۇراقتى دامۋدىڭ مىندەتتى شارتى رەتىندە ەرەكشەلەيدى. وسى ورايدا, دوڭگەلەك ۇستەلدىڭ تاقىرىبى بولىپ يننوۆاتسيالىق تەحنولوگيالاردى قالا جوسپارلاۋعا ەندىرۋ ەنەرگوتيىمدى ءومىر سالتىنىڭ ماڭىزدى قۇراۋشىسى رەتىندە تاڭدالدى.
دوڭگەلەك ۇستەلدىڭ جۇمىسىنا «استانا ەكسپو-2017» ۇلتتىق كومپانياسىنىڭ وكىلدەرى, جەتەكشى قازاقستاندىق جانە شەتەلدىك عالىمدار, سونداي-اق Marjan Colletti (ۇلىبريتانيا), Elvira Ockel (گەرمانيا), Giovanna Rossato (يتاليا), Andre Schmidt (گەرمانيا), Marco Poletto (ۇلىبريتانيا), ءاسيا نۇردىباەۆا سياقتى «جاسىل» تەحنولوگيالارمەن جانە شەشىمدەرمەن اينالىساتىن بەلگىلى ساۋلەتشىلەر قاتىستى.
العاشقى ءسوزىن قاتىسۋشىلارعا قازاقستان رەسپۋبليكاسىنىڭ گەرمانيا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى بولات ءنۇسىپوۆ ارنادى. سودان سوڭ «بولاشاق ەنەرگياسى: باستى تەندەنتسيالار, شاقىرۋلار جانە كەلەشەك» پانەلدى سەسسياسى بارىسىندا قاتىسۋشىلار ەنەرگوتيىمدىلىكتىڭ جاھاندىق جانە وڭىرلىك دەڭگەيلەردە دامۋىنىڭ العىشارتتارىن, مىنەز-قۇلىق ستەرەوتيپتەرىنىڭ وزگەرۋىن جانە جاۋاپتى, ەنەرگوتيىمدى ءومىر سالتىنىڭ قالىپتاسۋىن تالقىلادى. «استانا ەكسپو-2017» ۇك مازمۇن جانە كورمەدەن كەيىنگى پايدالانۋ دەپارتامەنتى ديرەكتورىنىڭ ورىنباسارى ەلميرا ەرمەكوۆا استاناداعى حالىقارالىق كورمەنى وتكىزۋگە دايىندىق بارىسى تۋرالى ايتىپ بەردى.
«تۇراقتى قالالىق جوسپارلاۋ, «جاسىل» تاجىريبەلەر مەن باستامالار» پانەلدى سەسسياسىندا قازاقستاندىق جانە شەتەلدىك ساراپشىلار تۇراقتى قالا قۇرىلىسىنىڭ باستى ەلەمەنتتەرىن, ەنەرگوتيىمدى ديزايندى جانە جاڭارتىلمالى تەحنولوگيالار ەندىرۋدى, سونداي-اق «جاسىل» جوبالاۋ ادىستەرىن جانە ەكوتۇراقتى كەڭىستىكتى ۇيىمداستىرۋ قاعيدالارىن ۇسىندى. «استانا ەكسپو-2017» ۇك» اق ساۋلەت دەپارتامەنتىنىڭ باس مەنەدجەرى زاۋرە ايتاەۆا قازاقستاننىڭ «جاسىل» ەكونوميكاعا كوشۋ تۇجىرىمداماسىنا سايكەس, ەكسپو-2017 شەڭبەرىندە استانادا سىناقتىق ەنەرگوتيىمدى اۋداندى ىسكە اسىرۋ تۋرالى ايتىپ بەردى.
«يننوۆاتسيالىق شەشىمدەر» پانەلدى سەسسياسى بارىسىندا سەمينارعا قاتىسۋشىلار ادام ءومىرىنىڭ كەلەشەكتى دامۋىنىڭ مودەلدەرىن, جەتەكشى زەرتتەۋ ينستيتۋتتارىمەن تۇراقتى دامۋدىڭ ساۋلەت تۇجىرىمدامالارىن شىعارۋدى تالقىلادى, سونداي-اق ۇسىنىلعان يننوۆاتسيالاردى قازاقستاندا قولدانۋ مۇمكىندىگىن باعالادى.
كونفەرەنتسيالار, جىل سايىنعى حالىقارالىق فورۋمدار, دوڭگەلەك ۇستەلدەر جانە «ەكسپو-2017» كورمەسىنە دەيىنگى كەزەڭنىڭ باسقا دا ءىس-شارالارى «بولاشاق ەنەرگياسى» تاقىرىبىن دامىتۋعا جانە تەرەڭدەتۋگە, زاماناۋي تەندەنتسيالاردى بايقاۋعا جانە ەنەرگوتيىمدى ادام بولاشاعىنىڭ «ستسەناريلەرىن» بولجاۋعا مۇمكىندىك بەرەدى.
* * *
«استانا ەكسپو-2017» ۇلتتىق كومپانياسى» اكتسيونەرلىك قوعامى قازاقستان رەسپۋبليكاسى ۇكىمەتىنىڭ 2013 جىلعى 15 قاڭتارداعى قاۋلىسىمەن قۇرىلدى. «استانا ەكسپو-2017» ۇلتتىق كومپانياسى» اق قىزمەتىنىڭ نەگىزگى ماقساتى – استاناداعى ەكسپو-2017 حالىقارالىق مامانداندىرىلعان كورمەسىن دايىنداۋ جانە وتكىزۋ.
ەكسپو حالىقارالىق مامانداندىرىلعان كورمەسى استانادا 2017 جىلى 10 ماۋسىم جانە 10 قىركۇيەك ارالىعىندا وتەدى. وعان 100 ەل, كەمىندە 10 حالىقارالىق ۇيىم, يننوۆاتسيالىق تەحنولوگيالارداعى 10 كوشباسشى-كومپانيا قاتىساتىنى جوسپارلانادى. جالپى العاندا, كورمەگە 5 ميلليونعا جۋىق كەلىپ-كەتۋلەر جانە 2 ميلليوننان استام كەلۋشىلەر كۇتىلۋدە.
قوسىمشا اقپارات الۋ ءۇشىن «استانا ەكسپو-2017» ۇلتتىق كومپانياسى» اق ءباسپاسوز-قىزمەتى:
تەل.: +7(7172) 919463
e-mail: pressa@expo2017astana.com
