پرەزيدەنت پارمەنى

تەحنيكالىق ءبىلىم بەرەمىز

«قازاقستان-2050» ستراتەگياسى: قالىپتاسقان مەملەكەتتىڭ جاڭا ساياسي باعىتى» جولداۋىندا پرەزيدەنتىمىز نۇرسۇلتان نازارباەۆ جەتكىن­شەك­تەرگە كاسىبي-تەحنيكالىق جانە جوعارى ءبىلىم بەرۋدىڭ ماڭىزدىلىعىنا توقتالدى. بۇل رەتتە ەڭ ءبىرىنشى كەزەكتە ۇلتتىق ەكونوميكانىڭ ماماندارعا دەگەن قازىرگى جانە كەلەشەكتەگى سۇرانىسىن بارىنشا وتەۋگە باعدار ۇستاۋىمىز كەرەكتىگىن تىلگە تيەك ەتە كەلە, وسىنىڭ ءوزى حالىقتى ەڭبەكپەن قامتۋ ماسەلەسىن شەشىپ بەرەتىنىن ەسكەرتتى.

بولاشاق باعدارلاما­شى­­لارعا ساپالى ءبى­لىم بەرۋ ءۇشىن ءبىزدىڭ پولي­تەحنيكالىق كوللەدج­دە بارلىق جاعدايلار جا­سالعان. ينتەراكتيۆتى قۇ­رىلعىلارمەن جاب­دىق­تالعان 55 ءدارىس بولمەسى بار. 40 شاق­تى ءدارىس بولمەسى كومپيۋتەرلەرمەن تولىقتىرىلعان. بار­لىق ماماندىقتاردا «قول­دانبالى ينفورماتيكا», «اۆتوماتتاندىرىلعان جۇيەنىڭ اقپاراتپەن قامتاماسىز ەتۋىن قۇرۋ جانە جۇرگىزۋ», «كومپيۋتەرلىك گرافيكا» پاندەرى جۇرگىزىلەدى. اتالمىش ماماندىقتارعا ارنالعان ارنايى پاندەر بويىنشا ساباق بەرە ءجۇرىپ, مەن وقۋ-تاربيە ۇردىسىندە وقۋشىلاردىڭ ءوز ماماندىعىنا دەگەن قىزىعۋشىلىقتارىن ارتتىراتىن, ءبىلىم ساپاسىن جاقسارتۋعا كومەكتەسەتىن وزىق پەداگوگيكالىق تەحنولوگيا رەتىندە قازاقستاندىق عالىم ت.گاليەۆتىڭ جۇيەلىك ءتاسىل تەحنولوگياسىن قولدانامىن. بۇل تەحنولوگيا وقۋشىلاردىڭ ءوز بەتىمەن ءبىلىم الۋىنا, ءوز ءبىلىمىن ءوزى باعالاۋعا, بىلىمدەگى اقاۋلاردى ءوز بەتىمەن جويۋعا, شىعارماشىلىق قابىلەتتەردى دامىتۋعا كومەكتەسەدى.

ءبىز وقۋشىلاردىڭ ءبىلىم دەڭگەيىن, ساباققا قاتىسۋلارىن جانە وقۋ ءۇردىسىنىڭ باسقا دا كورسەتكىشتەرىن ەلەكتروندىق جۋرنالدى جۇرگىزۋ ارقىلى قاداعالايمىز. بۇگىندە تاجىريبە الماسۋ ماقساتىمەن ءوزىمنىڭ ادىستەمەلىك تاقىرىبىم اياسىندا قالالىق شەبەرلىك سىنىبىن وتكىزۋگە دايىندالىپ ءجۇرمىن. سونداي-اق, «جۇمىس بەرۋشىلەر» تالاپتارىن ەسكەرۋ ارقىلى ارنايى ءپان مازمۇنىن قالىپتاستىرامىز جانە ولارمەن ءارتۇرلى تاقىرىپتا كەزدەسۋلەر ۇيىمداستىرامىز. مىسالى, وسى جىلدىڭ باسىندا مەكتەپ, كوللەدج وقۋشىلارى, جوعارى وقۋ ورىندارىنىڭ ستۋدەنتتەرى اراسىندا “Cryctalpixel” اتتى كومپيۋتەرلىك ديزاين بويىنشا رەسپۋبليكالىق سايىس وتكىزىلدى. “DynamicTeسhnologies” جشس-ءنىڭ وكىلدەرى ءاربىر نوميناتسيا بويىنشا ءۇش جۇلدەلى ورىندى انىقتاپ, جەڭىسكە جەتكەن وقۋشىلارعا ديپلومدار تاپسىردى. ونىڭ ىشىندە مەنىڭ وقۋشىم, 4-ءشى كۋرس ستۋدەنتى ارايلىم جۇماباەۆا جۇمىسقا شاقىرۋ سەرتيفيكاتىنا يە بولدى.

تورعاي مۇحتاروۆا,
استانا قالاسى پوليتەحنيكالىق كوللەدجىنىڭ وقىتۋشىسى

تاعىدا

ۇقساس جاڭالىقتار

پىكىر ۇستەۋ

Back to top button