جىل باسىنان بەرى استانا قالاسىنىڭ جۇمىسپەن قامتۋ ورتالىعىنا جۇمىس ىزدەپ 3 536 ادام جۇگىنسە, ولاردىڭ 55%-ى – 29-عا دەيىنگى جاستار.
«جۇمىسپەن قامتۋ-2020» مەملەكەتتىك باعدارلاماسىنىڭ «وقىتۋ جانە جۇمىسقا ورنالاسۋعا كومەكتەسۋ» باعىتى بويىنشا استانادا 535 كاسىبي ءبىلىم الۋ قاراستىرىلعان. جۇمىسقا ورنالاستىرۋدى بارىنشا ءتيىمدى ەتۋ ءۇشىن كاسىبي تاجىريبەگە جىبەرىلەتىن ادامدارمەن ءتورت جاقتى الەۋمەتتىك كەلىسىمشارت جاسالادى. سونىمەن قاتار, باعدارلامانىڭ ءاربىر قاتىسۋشىسىمەن جۇمىس بەرۋشىنىڭ تالاپتارىن جانە جۇمىسسىزدىڭ نيەت-تىلەكتەرىن تالقىلاۋ بويىنشا جەكە اڭگىمەلەسۋ وتكىزىلەدى.
استاناداعى تاپشى ماماندىقتاردى انىقتاۋ ءۇشىن ارنايى ورتالىق مونيتورينگ جۇرگىزەدى. قازىرگى كەزدە ەڭبەك نارىعىندا تەحنيكالىق جانە قۇرىلىس ماماندارىنا سۇرانىس جوعارى. اتاپ ايتقاندا, ونەركاسىپتىڭ ءتۇرلى سالالارىنداعى ينجەنەرلەر, سونىڭ ىشىندە ينجەنەر-مەحانيك, ينجەنەر-جوبالاۋشى, ينجەنەر-ەنەرگەتيك, داياشىلار, اسپاز, مونتاجداۋشىلار, ەلەكتر مامانى, ەلەكترومونتاجداۋشى-رەتتەۋشى, گازەلەكتردانەكەرلەۋشىلەر, سانتەحنيكتەر, تەمىر ۇستالارى, قىرناۋشىلار جەتىسپەيدى.
بيىل قىركۇيەك ايىندا توقسان جەتى ادام ون ايلىق كاسىبي دايارلاۋ كۋرسىنا وقۋعا ءجىبەرىلدى. ماماندار استانا قالاسى اكىمدىگىنىڭ ەنەرگەتيكا جانە بايلانىس, دانالىق جانە باسقارۋ كوللەدجدەرىندە دايارلاندى. ءجۇز الپىس ءتورت ادام گاز-ەلەكتر دانەكەرلەۋشى, تىگىنشى-ۇلگىشى, تاربيەلەۋشى, ەلەكتر مامانى, ساتۋشى-كاسسير, اسپاز ماماندىقتارىن جاڭادان مەڭگەردى.
كاسىبي ماشىقتارىن ارتتىرعىسى كەلەتىندەرگە ارنالعان بۋحگالتەر, قويما مەڭگەرۋشىسى, مەدبيكە, تاربيەشى, اعىلشىن ءتىلى, ىممەن سويلەۋ اۋدارماشىسى, اسپالى كران ءماشينيسى كۋرستارى بار.
«جۇمىسپەن قامتۋ جول كارتاسى – 2020» باعدارلاماسى اياسىندا جاستارعا لايىقتى جۇمىس ورىندارىن ۇسىنۋدان باسقا, 6 ايلىق جاستار پراكتيكاسىنا قاتىسۋ مۇمكىندىگى بەرىلەدى.
كاسىبي وقىتۋ اياقتالعان سوڭ وقۋ ورتالىعى باعدارلاماعا قاتىسۋشىلاردى جۇمىس بەرۋشىلەردىڭ بەرىلگەن ءوتىنىشى بويىنشا تۇراقتى جۇمىس ورىندارىنا جىبەرەدى.
ساعي ورال
