الەۋمەت

تەلەفون الاياقتىعىنا توسقاۋىل بار ما؟

137172146

بىزگە تۇتىنۋشى ا.ەردانوۆتان حات كەلىپ ءتۇستى. وندا: «169» اقىلى انىقتامالىق قىزمەتى ءوز مىندەتتەرىن دۇرىس اتقارمايدى. سوندا ءبىز ولارعا نە ءۇشىن اقى تولەيمىز؟ قازىرگى كەزدە ولاردىڭ قىزمەتى تەلەفوندىق الاياقتىققا ۇقسايدى. بەلگىلى ءبىر انىقتامانى الۋ ماقساتىمەن «169»-عا حابارلاسساڭ, ولار الدىمەن قوڭىراۋدىڭ باعاسى تۋرالى ەسكەرتەدى, ودان كەيىن كلاسسيكالىق مۋزىكا قوسىلىپ, كوپتەگەن كومپوزيتسيالاردى تىڭداپ شىعامىز. ۇزاق-سونار مۋزىكا جالعاسا بەرەدى, بىراق قالاعان قىزمەتكە قول جەتكىزە الماي قينالامىز. سەبەبى, وپەراتور تۇتقانى كوتەرمەيدى. ال ەگەر كوتەرىپ جاتسا, سۇراعىڭدى تىڭداپ, كۇتە تۇرۋىڭدى سۇرايدى دا, تۇتقانى قويا سالادى. ىزاعا بۋلىعىپ, ەكىنشى رەت حابارلاسقاندا ءدال وسى جاعداي تاعى قايتالانادى. ودان سايىن اشۋلاناسىڭ. ءبىر سوزبەن ايتقاندا, بۇل كەز كەلگەن ادامنىڭ جۇيكەسىنە كەرى اسەر ەتەدى. ءتيىستى شارا قولدانۋلارىڭىزدى وتىنەمىن» دەپ جازىلعان.

تۇتىنۋشىنىڭ جازعاندارىنا كوز جەتكىزۋ ءۇشىن ءبىز «169» انىقتامالىق قىزمەتىنە حابارلاسىپ كوردىم. وندا تىلدەرگە كوشۋ, اۋا رايى, ۆاليۋتا باعامى, مەكتەپتەردە ساباقتاردىڭ توقتاتىلعانى تۋرالى اقپاراتتى ەستىدىم. «ەگەر دە وپەراتورمەن سويلەسكىڭىز كەلسە, كۇتە تۇرىڭىز» دەگەن سوڭ, كۇتتىم. ارتىنشا, الگى اڭگىمە تاعى قايتالاندى. ودان كەيىن «171» اقىلى انىقتامالىق قىزمەتىنە حابارلاستىق, وندا ەستىگەنىمىز: «ءسىزدى ايماقارالىق حالىقارالىق انىقتامالىق قىزمەتى قارسى الادى» بولدى. سودان سوڭ كلاسسيكالىق مۋزىكا قوسىلدى. ونى تىڭداپ تۇرا بەرۋگە شىدامىم جەتپەگەن سوڭ ءبىراز ءۇزىلىس جاساپ, قايتا حابارلاستىم. ءبارى ءباز باياعىداي قايتالاندى.

وسىلايشا, تۇتىنۋشى ا.ەردانوۆتىڭ ءوتىنىشى نەگىزسىز ەمەس ەكەنىنە كوز جەتكىزدىم. راسىندا دا, وسى «171», «169» انىقتامالىق قىزمەتتەرى ارقىلى جەدەل انىقتاما الۋ مۇمكىن ەمەس ەكەن. مۇندا حابارلاسقان تۇتىنۋشىنىڭ جۇيكەسى جۇقارىپ, اقىلى قىزمەتتىڭ ساپاسىنا كۇمان كەلتىرەرى انىق. ال, بۇل دەگەنىڭىز, قازاقستان رەسپۋبليكاسى «تۇتىنۋشىلاردىڭ قۇقىن قورعاۋ تۋرالى» زاڭىنىڭ 28-بابىن بۇزۋعا الىپ كەلەدى. وندا «ساتۋشى (دايىنداۋشى-ورىنداۋشى) تۇتىنۋشىعا تاۋاردى (جۇمىستى, قىزمەتتى) ەركىن تاڭداۋعا مۇمكىندىك بەرۋى كەرەكتىگى ناقتى جازىلعان. تۇتىنۋشىنى قاجەتتى ساپاسىز, قاجەتسىز مولشەردە نەمەسە قاجەتسىز سۇرىپتاماسىز تاۋارعا (جۇمىسقا, قىزمەتكە) يە بولۋعا ماجبىرلەۋگە تىيىم سالىنادى.

قازاقستان رەسپۋبليكاسى ازاماتتىق كودەكسىنىڭ ارناۋلى بابى بويىنشا كاسىپكەرلىك قىزمەتتى ءوز باسىنىڭ جەكە ماقساتىندا پايدالانۋعا بولمايدى. شىنىمەن دە, ءبىز وسى قىزمەتتەر ءۇشىن «169»-عا 86 تەڭگە, «171»-گە 190 تەڭگە تولەيمىز. ءوز ارەكەتتەرىمىزدى تەحنولوگيالىق مۇمكىندىكتەرمەن ۋاجدەمەلەي وتىرىپ, تاجىريبە نەگىزىندە قاجەتسىز اقپاراتتاردى تىڭداۋ ءۇشىن ءومىرىمىزدىڭ 3-4 مينۋتىن نەمەسە 180-200 سەكۋندىن جۇمسايمىز. قازاقستان رەسپۋبليكاسى تەلەكوممۋنيكاتسيا جانە بايلانىس مينيسترلىگىنىڭ بەلگىلى بۇيرىعىندا ەلىمىز تەلەفوندىق قوڭىراۋلاردىڭ سەكۋندتىق تاريفيكاتسياسىنا اۋىسقاندىعى جونىندە ايتىلعان, ياعني, ابونەنتتەردىڭ كۇتىلەتىن ۇنەمدەۋلەرى 10-17 پايىزدى قۇرايدى. بايقاعانىمىزداي, استانا قالاسىندا 212 مىڭ ابونەنت بار. بۇگىندە استانا ءوسىپ, دامىپ كەلەدى. سوعان سايكەس, ابونەنتتەر سانى دا جىلدان جىلعا كوبەيۋدە. تۇرعىندار سانى ءبىر ميلليونعا دەيىن ءوستى. تەك سوڭعى جىلدارى 417 كوشەنىڭ اتاۋى وزگەرىپ, قايتا اتالعان كوشەلەردىڭ سانى 400-گە جەتتى. ءبىر سوزبەن ايتقاندا, وزگەرىستەرگە شامامەن ءبىر مىڭعا جۋىق كوشە تاپ بولدى. ەسكەرە كەتەيىك, تەلەفوندىق اپپارات ءۇشىن ابونەنتتىك تولەم باعاسى 582,4 تەڭگەدەن 1006 تەڭگەگە دەيىن كوتەرىلدى.

جوعارىداعىداي شاعىمدار مەن وتىنىشتەرگە بايلانىستى, ءبىز «ادىلەت» تۇتىنۋشىلار قۇقىقتارىن قورعاۋ قوعامداستىعىندا وتىرىس وتكىزىپ, وندا «كت- Cloud Lab» جشس كومپانياسىنىڭ جەتەكشىسىن تىڭدادىق. تۇتىنۋشىلار بۇل قىزمەتكە حابارلاسقاندا جارنامالىق اقپاراتتاردى تىڭداۋعا قارسى. ولار ساپالى ءارى تەز انىقتاما الۋ ءۇشىن انىقتامالىقتىڭ جەڭىل فورماسىنا قايتا ورالۋدى تالاپ ەتتى. وسىلايشا, ءبىز جۇمسالعان 180-200 سەكۋندتىڭ ماتەريالدىق شىعىنىن وتەۋگە ارىز جازۋ ماقساتىندا قازاقستان رەسپۋبليكاسى اقپارات جانە بايلانىس مينيسترلىگىنە ءوتىنىش بىلدىردىك, ياعني, قازاقستان رەسپۋبليكاسى «تۇتىنۋشىلاردىڭ قۇقىن قورعاۋ تۋرالى» زاڭىنىڭ بۇزىلعاندىعى ءۇشىن كىنالىنىڭ جاۋاپكەرشىلىككە تارتىلىپ, تارتىپتىك جاۋاپكەرشىلىككە شاقىرىلۋىن تالاپ ەتتىك. شەشىمدى باق-تا جاريالادىق, سەبەبى, بۇل ماسەلە ءاربىر تۇتىنۋشى ءۇشىن ماڭىزدى.

 قابىكەن زاكاريانوۆ,  

«ادىلەت» تۇتىنۋشىلار قۇقىقتارىن قورعاۋ قوعامداستىعى باسقارماسىنىڭ توراعاسى

 

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button