ەل تىنىسى

تەمىرجول ماتەريالدارىن ۇرلاعان قىلمىستىق توپ سوتتالدى

استانادا ەكى جىل بويى تەمىر جولدا ماتەريال ۇرلاعان ۇيىمداسقان قىلمىستىق توپ مۇشەلەرىنە سوت ۇكىمى شىقتى, – دەپ حابارلايدى astana-akshamy.kz

2022 جىلدىڭ اياعىندا كولىك پوليتسياسى دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى قىزمەتكەرلەرى «قازاقستان تەمىر جولى» ۇك» اق قاراعاندى ماگيسترالدىق جەلى بولىمشەسى «جاڭاارقا جول ديستانتسياسى» قىزمەتكەرلەرى قاتارىنان ۇيىمداستىرىلعان قىلمىستىق توپتىڭ ۇيىمداستىرۋشىلارى مەن قاتىسۋشىلارىن ۇستادى, ولار ەكى جىل ىشىندە تەمىر جولداردى اۋىستىرۋعا جانە جوندەۋگە ارنالعان جولدىڭ جوعارعى قۇرىلىسىنىڭ ماتەريالدارىن اسا ءىرى مولشەردە ۇرلاعان.

«4 ساۋىردە بۇل ءىس بويىنشا استانا قىلمىستىق ىستەر جونىندەگى مامانداندىرىلعان اۋدانارالىق سوتى ۇكىم شىعاردى, قىلمىستىق توپتى ۇيىمداستىرعان 9 ادام, ونىڭ ىشىندە «قتج» ۇك» اق قىزمەتكەرلەرى بار. قىلمىستىق توپتىڭ ۇيىمداستىرۋشىلارى مەن قاتىسۋشىلارى ءارتۇرلى مەرزىمگە – 7 جىلدان 10 جىلعا دەيىن باس بوستاندىعىنان ايىرىلدى. ۇكىم زاڭدى كۇشىنە ەنگەن جوق», – دەپ حابارلادى كولىكتەگى پوليتسيا دەپارتامەنتىنىڭ ءباسپاسوز قىزمەتى.

تاعىدا

admin

«استانا اقشامى» گازەتى

ۇقساس جاڭالىقتار

Back to top button