ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا تىلدەردى دامىتۋ باسقارماسى «وتان وتباسىنان باستالادى» اتتى مەرەكەلىك شارا وتكىزدى.
وعان ۇلاعاتتى ۇلتىن, مەرەيلى مەملەكەتىن سۇيەتىن ۇرپاق تاربيەلەپ جۇرگەن ونەگەلى وتباسىلاردى دارىپتەپ, ناسيحاتتاۋ ماقساتىندا 2006 جىلدان بەرى ۇيىمداستىرىلىپ كەلە جاتقان «وتان وتباسىنان باستالادى» اتتى بايقاۋدىڭ جەڭىمپازدارى شاقىرىلدى. مەرەكەلىك شارانى كىرىسپە سوزبەن اشقان استانا قالاسى تىلدەردى دامىتۋ باسقارماسىنىڭ باستىعى ەربول تىلەشوۆ ۇلتجاندىلىق ماسەلەسىنە توقتالىپ, ەلوردا ازاماتتارىن قازاق ءتىلىنىڭ دامۋىنا ۇلەس قوسۋعا ۇندەدى.
مەرەكەلىك شارادا تانىمال اقىن س.دۇيسەنعازين جيىلعان جۇرتشىلىققا جىرىن ارنادى. ق.قۋانشىباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى اكتەرلەرى تاحاۋي احتانوۆتىڭ «كۇشىك كۇيەۋ» قويىلىمىنان ءتىل ماسەلەسىنە قاتىستى تۇستارىنان ءۇزىندى كورسەتتى. سونداي-اق, كيەلى ساحنانىڭ تورىندە بەلگىلى انشىلەردىڭ پاتريوتتىق سەزىمگە تولى اۋەلەتكەن اسەم انىنە بارشا حالىق ءسۇيسىندى.
قۋات قيىقباي
