ەل تىنىسى

تىلدەر كۋرسى, شاحمات, ۆوكال ۇيىرمەلەرى: استانادا قاريالارعا ارنالعان ورتالىقتار قىزمەت كورسەتەدى

استانا قالاسى اكىمدىگىنىڭ «بەلسەندى ۇزاق ءومىر ءسۇرۋ ورتالىعى» كمم قاريالارعا قامقور بولىپ, قالا زەينەتكەرلەرىنە الەۋمەتتىك-ساۋىقتاندىرۋ, الەۋمەتتىك-مەديتسينالىق, الەۋمەتتىك-ەكونوميكالىق, الەۋمەتتىك-ەڭبەك, بوس ۋاقىت وتكىزۋ باعىتىندا الەۋمەتتىك قىزمەت تۇرلەرىن كورسەتەدى, دەپ حابارلايدى astana-akshamy.kz

ورتالىق استانا قالاسىنىڭ اكىمدىگىنىڭ جانىنان اشىلىپ, 2022 جىلدان باستاپ قۇرمەتتى دەمالىسقا شىققان ەگدە ادامداردىڭ قوعامنان شەت قالماۋى ءۇشىن بوس ۋاقىتتارىن بەلسەندى دە ءتيىمدى وتكىزۋ ماقساتىندا جۇمىس ىستەپ كەلەدى.

بۇگىندە «بەلسەندى ۇزاق ءومىر ءسۇرۋ» ورتالىعىندا 10 030 زەينەتكەر قىزمەت الۋدا. ەڭ ۇلكەن جاستاعى قىزمەت الۋشى 92 جاستا. جىل باسىنان بەرى ورتالىققا 1377 ادام كەلىپ تىركەلگەن. ءار قىزمەت الۋشى ءبىر مەزگىلدە ءۇش ۇيىرمەگە جازىلىپ, ءۇش اي كولەمىندە تەگىن قىزمەت الا الادى.

ءپوزيتيۆتى جاقسى وي, سەرگەك قيمىل, بەلسەندى ءومىر ءسۇرۋ ادامداردىڭ ءومىرىن ۇزارتادى. ول جالعىزدىقتان, كۇيزەلىستەن قۇتقارادى. «بەلسەندى ۇزاق ءومىر ءسۇرۋ» ورتالىعى وسىنداي پايدالى نيەتتەن تۋعان باستاما.

قالا زەينەتكەرلەرىن استانا قالاسى اكىمدىگىنىڭ «بەلسەندى ۇزاق ءومىر ءسۇرۋ» ورتالىعى بەلسەندى ءومىر سالتىن ۇزارتۋ جانە بوس ۋاقىتتارىن ءتيىمدى ۇيىمداستىرۋ ءۇشىن ورتالىققا شاقىرامىز.

زەينەتكەرلەر ءۇشىن جاتتىعۋ تەراپياسى, يوگا, تسيگۋن تىنىس الۋ جاتتىعۋى, ايكۇنە, كۋنگ-فۋ, بي, سكانديناۆيالىق ءجۇرىس, ارت-تەراپياسى, ەڭبەك تەراپياسى, اعىلشىن, قازاق تىلدەرى, كومپيۋتەرلىك كۋرستار, شاحمات, توعىزقۇمالاق, ۆوكال ۇيىرمەلەرى جۇمىس ىستەيدى.

ورتالىق فيليالدارى الماتى اۋدانى بويىنشا ر. قوشقارباەۆ كوشەسى, 29/1 ۇيدە, بايقوڭىر اۋدانى بويىنشا اباي كوشەسى, 46 ۇيدە, ەسىل اۋدانى بويىنشا دوستىق كەشەسى, 13 ۇيدە, سارىارقا اۋدانى بويىنشا بەيبىتشىلىك كوشەسى, 25 ۇيدە, نۇرا اۋدانى بويىنشا تولە بي كوشەسى, 44 ۇيدە ورنالاسقان.

تاعىدا

admin

«استانا اقشامى» گازەتى

ۇقساس جاڭالىقتار

Back to top button