جاڭالىقتار

«ءتىلسىز جاۋدى» تىزگىندەي ءبىلدى

IMG_8331

استانا اۋەجايىندا ورتكە قارسى تەحنيكالىق جاتتىعۋلار ءوتتى. 

ونىڭ شارتى بويىنشا,  «بوينگ-737» اۋە كەمەسى استانا اۋەجايىنا اپاتتى جاعدايدا كەلىپ قوندى. جەرگە تابانى تيگەندە-اق ۇشاق «وتقا ورانىپ», اۋەجاي قۇتقارۋشىلارى «ءتىلسىز جاۋدى» اۋىزدىقتاۋعا ۇمتىلدى. ءورتتى سوندىرۋگە 60 ادامنان تۇراتىن ءورت جاساقتارى جانە 15 تەحنيكا تارتىلدى. ءورت ءسوندىرۋ جونىندەگى شتاب ۇيىمداستىرىلىپ, شارانى باسقارۋدىڭ جىلجىمالى پۋنكتى ىسكە قوسىلدى. جاتتىعۋلار بارىسىندا اۋە كەمەسىندەگى توتەنشە جاعدايدىڭ الدىن الىپ, زارداپ شەككەندەر قۇتقارىلىپ, جولاۋشىلاردى ەۆاكۋاتسيالاۋ ويداعىداي جۇرگىزىلدى. «اقتاۋ قالاسىنىڭ اۋەجايىندا بولعان اپاتتى جاعداي ەلوردا اۋە­جايىندا دا ورتكە قارسى شارالاردى كۇشەيتىپ, جوسپاردان تىس جاتتىعۋدى وتكىزۋگە سەبەپ بولدى. بۇگىندە اۋەجايدا ءتۇرلى اپاتتان قۇتقارۋدى قامتاماسىز ەتەتىن بارلىق مۇمكىندىك بار. زاماناۋي قۇرالدارمەن جابدىقتالعان يكاو-نىڭ 9ا ساناتى بويىنشا سەرتيفيكاتتالعان بەس بىردەي ءورت ءسوندىرۋ ماشيناسى جانە باسقا دا قۇرىلعىلار ازاماتتىق اۆياتسيا قاۋىپسىزدىگىن قامتاماسىز ەتۋدە. بارلىق تەحنيكا ناقتى جاعدايدا تەكسەرىلىپ, جەكە قۇرامنىڭ كاسىبي دايىندىعى دا پىسىقتالعان جاتتىعۋ ناتيجەسى ويداعىداي بولدى» دەدى «استانا حالىقارالىق اۋەجايى» اق باسقارما توراعاسى قايرات جاۋحانوۆ.

ايگۇل ۋايسوۆا

تاعىدا

ايگۇل ۋايسوۆا

اقپارات سالاسىنىڭ ۇزدىگى

ۇقساس جاڭالىقتار

پىكىر ۇستەۋ

Back to top button